Високата комесарка на Обединетите нации за човеков права Наванетхем (Нави) Пилај изјави во четвртокот дека Израел свесно го крши меѓународното право во воената офанзива во палестинската енклава Појасот Газа и оти светските сили мораат Израел да го повика на одговорност поради можни воени злосторства, а исто така ги критикуваше и САД дека не влијае
 

Високата комесарка на Обединетите нации за човеков права Наванетхем (Нави) Пилај изјави во четвртокот дека Израел свесно го крши меѓународното право во воената офанзива во палестинската енклава Појасот Газа и оти светските сили мораат Израел да го повика на одговорност поради можни воени злосторства, а исто така ги критикуваше и САД дека не влијае

Израел ги напаѓа домовите, училишта, болници и објекти на Обединетите нации со што крши Женевската конвенција, изјави Нави Пилај во седиштето на организацијата во Женева.

„Ниеден од тие напади не изгледа случаен. Се чини дека тоа е свесно кршење на обврските од меѓународното право кое Израел е должен да го почитува. И поради тоа повторно и повторно велам дека не смееме да дозволиме да неказнивост да продолжи“, изјави Пилај на последната нејзина прес-конференција пред истекувањето на нејзиниот шестгодишен мандат на должноста висок комесар за човекови права на ОН.

Пилај притоа го обвини и палестинското исламистичко движење Хамас за кршење на меѓународното право бидејќи без целење истрелува ракети врз израелска територија, во понекогаш во густо населени области.

Високата комесарка на ОН, исто така, ги критикуваше САД, главниот израелски сојузник, бидејќи не ги искористиле своето влијание да го запрат крвопролевањето. „Многу мои забелешки беа насочени на САД бидејќи тие се страната којашто влијае врз Израел да сторат повеќе да го запрат убивањето, да ги доведат страните на преговарачката маса. Повикав и на прекин на блокадата и прекин на окупацијата“, рече Пилај.

Истакна и дека е шокирана и од тоа што Вашингтон упорно гласаше против резолуција за Израел кои ги носеше Советот за човекови права во ОН со седиште во Женева, на Генералното собрание на ОН и на Советот за безбедност на ОН. „Не само што доставуваат тешко вооружување коешто сега го употребува Израел во Газа, туку издвоија и речиси милијарда долари за ’Челична купола’ (израелскиот антиракетен штит) за да го заштитат Израел од ракетни напад… Но таквата заштита не им ја дадоа на жителите на Газа да се заштитат од бомбардирањата“, посочи Пилај.

Израелскиот премиер Бенјамин Нетанјаху, соочен со осуди кои пристигнуваат од целиот свет пораби смртта на многу цивили во Газа, во четвртокот изјави дека нема да прифати никаков прекин на огнот кој би го спречил Израел да го доврши уништувањето на подземните тунели преку коишто Хамас носи оружје во Газа и преку нив неговите борци се инфилтрираат на израелска територија.

Според официјалните податоци од Газа, убиени се најмалку 1.372 Палестицни, главно цивили од кои стотина деца во Газа, а ранети се на 7.700 луѓе. На израелска страна, пак, според последните потврди загинале 56 војници а повеќе од 400 се ранети во офанзивата „Линија на одбраната“ којашто започна на 8-ми јули. Тројца израелски цивили, од кои еден тајландски работник на фарма загинаа во јужните области во палестинските ракетирања на Израел.

Пилај на прес-конференцијата потсети дека Израел судски гонел само четворица свои војници за случаи во израелската офанзива од ноември 2008 до јануари 2009 година, којашто беше изведена под називот „Лиено олово“, а меѓу нив е и војник кој всушност беше обвинет за крадење кредитни картички. Оттаму, вели комесарката за човекови права на ОН, таа не очекува дека Израел чесно ќе ги истражи случаите на кршење на човековите права во текот на сегашната офанзива којашто влегува во четвртата седмица.

„Меѓутоа, меѓународното право е јасно, и кога државата не е во можности или не сака да спроведе истрага и судски прогон, се применува системот на меѓународното кривично право“, додаде Пилај.

Претходните истраги на ОН за израелските напади во Газа завршија со повиците на Советот за безбедност при ОН дека тие кршење ќе бидат пријавени во Меѓународниот кривичен суд (ICC), рече Пилај, којашто и самата своевремено беше судија на светската организација за воени злосторства. „Невозможно е да се очекува правдата да биде спроведена и да се спроведат процесите пред израелските судови. Тоа е очигледно, бидејќи Израел не спроведен соодветни истраги, а меѓународната заедница не ги примени препораките до извештајот на ОН за Газа“, заклучи Пилај во своето последно обраќање пред новинарите во својство на висок комесар за човекови права на ОН./крај/мф/сн

Извор: Макфакс