Во американскиот град Фергусон повторно избувнаа нереди, откако Големата порота одлучи да не биде обвинет полицаецот од Дарен Вилсон за смртта на Мајкл Браун, 18-годишниот Афроамериканец, кој беше убиен невооружен на 9 август.

Оваа одлука синоќа ја објави обвинителот на округот Сент Луис, Боб Мекалак. Големата порота, во која биле девет белци и тројца Афроамериканци, заседавала секоја недела од 20 август за да ги разгледа доказите.За подигнување на обвинение против Вилсон било неопходно за тоа да гласаат најмалку девет поротници. Американското министерство за правда спроведува истрага за евентуалното кршење на граѓанските права којашто би можела да резултира со подигнување на федерално обвинение, јавува АП.По објавувањето дека полицаецот нема да биде обвинет, демонстрантите во Фергусон излегоа на улица, каде кршеа полициски возила, а можело да се слушне и пукање.Околу 15 минути откако обвинителот ја објавил одлуката на поротата, локалната полиција преку разглас на собраните пред зградата на полицијата во Фергусон им порачала да се разотидат бидејќи нивниот собир бил незаконски.Демонстрантите дошле до барикадите и ја предизвикувале полицијата, користејќи и пцости, а некои викале „убиец“.Некои од демонстрантите, наводно се обиделе да ги спречат останатите во вандализмот и насилството, но сепак неколку дуќани биле запалени и ограбени откако протестите станале насилни.Во градот утрово горат неколку продавници, вклучувајќи едно складиште, продавница за автоделови и продавница за снабдување на козметички и фризерски салони. Фоторепортер на агенцијата АП видел како доаѓаат пожарникари кои се вратиле назад без да завршат работа поради пукањето.Федералната агенција за администрација ги пренасочила летовите за Сент Луис на другите аеродроми поради извештаи дека во Фергусон се пука во воздух. Илјадници луѓе во понеделникот протестираа во Лос Анџелес и Њујорк. Шетале по улиците и носеле транспаренти „раце горе, пукај“. За разлика од Фергусон, во останатите градови протестите биле мирни.Претседателот на САД, Барак Обама повика на мир и разбирање, апелирајќи и граѓаните и полицајците да бидат воздржани. „Ние сме нација изградена на владеење на законите и затоа треба да прифатиме дека ова е одлука на Големата порота“, изјави Обама. Тој изјавил дека е разбирливо некои Американци да бидат доста разочарани, но го повторни апелот до родителите на убиениот тинејџер дека протестите треба да бидат мирни.Претседателот ги повикал граѓаните да ја прифатат одлуката на Големата порота и да се фокусираат на тоа како да се постигне напредок во зближувањето на полицијата и граѓаните.Адвокатите на полицаецот изјавиле дека тој постапувал во рамките на својата обука и законите кога пукал во Браун./крај/тј