Вести
Повик за мир од Јужна Кореја: Со ревизија на меѓународното право до решавање на светските конфликти
Неефикасноста на меѓународото право при справувањето со меѓународните конфликти е главната причина за иницијативата на невладината јужнокорејската организација „Небесна култура, светски мир“ (HWPL), преку која во понеделникот во главниот град на Јужна Кореја, Сеул, беше потпишана Декларацијата за постигнување на мир и ставање крај на војните.
Настанот на кој присуствуваше и Макфакс, собра над илјада меѓународни претставници, меѓу кои и шефови на влади, правни експерти, дипломати и претставници на медиумите ширум светот.
Од своето официјално формирање во септември 2015-та година, Меѓународниот комитет на мирот и правото, кој функционира во рамките на организацијата HWPL, даде своја поддршка преку експертиза во формирањето на драфт верзијата на оваа декларација. Во овој комитет едни од поистакнатите членови се Камал Хосаин, член на уставниот суд на Бангладеш, потоа Фатхи Кемича, член на управниот одбор на невладиниот Интернационален совет за комерцијална арбитража (ICCA), Нариндер Синг, член на меѓународната комисија за право на Обединетите нации (ОН) и Густав Молер, член на финската стопанска комора.
Претседателот на HWPL и познат јужнокореански хуманист, Ман Хи Ли порача дека потпишувањето на оваа Декларација преставува „вовед во една нова ера“.
„Се собравме тука за да ги постигнеме колективните желби на човештвото, овој момент никогаш нема да биде заборавен поради тоа што Декларацијата за постигнувањето на мир и ставањето крај на војните ќе биде јавно соопштена. Сите жители на овој свет ќе ги обединат своите срца за да ја поздрават и признаат оваа Декларација, која ќе значи нова ера и живот полн со мир“, изјави Ли.
Претседателката на еден од ограноците на HWPL, односно Интернационалната група на жените за мир (IWPG), Нам Хи Ким порача дека „младите и жените ширум светот веднаш ќе ја повикаат меѓународната заедница да ја поддржи Декларацијата, со што ќе им стави крај на сите конфликти“.
„Веднаш откако Декларацијата за постигнувањето на мир и ставањето крај на војните ќе биде соопштена, младите и жените ширум светот ќе ја повикаат меѓународната заедница да ја поддржи Декларацијата, а како што е потенцирано во неа, отстранувањето на сите потенцијални ризици за конфликти е најдрагоцената работа што ќе остане во наследство на сите идни генерации“, порача Ким.
Како што нагласи претседателот на HWPL, Ман Хи Ли, основата на оваа декларација е во забраната за користење на сила која би можела да биде користена како потенцијал за започнување на војна, потоа решавањето на сите конфликти, како и слобода на религијата и ширењето на културата на мирот. Според Ли, Декларацијата ќе биде моќен и ефикасен алат за решавање на сите војни и воени конфликти, односно постигнување на „фундаменталната цел на човештвото – мирот“.
Во преамбулата на Декларацијата стои дека таа имаа за цел „да ги задржи меѓународниот мир и безбедност и да ги остави во наследство на идните генерации како една гаранција за свет во кој ќе нема војни“. Во неа исто така се зема предвид „универзалната обврска на светските религии за промоцијата на мирниот соживот, толераниција и заемна почит, како и заедничкиот дух кој ги надминува сите религиозни пишувања“.
Според палестинскиот министер за правда, Али Абу Диак, „оваа церемонија и Декларацијата се почеток за постигнувањето на еден меѓународен Договор со кој ќе им стави крај на воените судири и ќе се сопрат војните, нешто што е важен пресврт во заштита на човековите права, без разлика на националноста, местото на живеење, полот, расата, бојата, религијата или, пак, јазикот“.
На прашањето на Макфакс пак, околу тоа што претставува движечка сила за имплементацијата на оваа Декларација, членот на Комитетот Фатхи Кемича одговори дека тоа е „она што е веќе во рамките на HWPL, односно добро поставената мрежа која што може да биде проширена“.
„Веќе постои една добра мрежа којашто може да биде проширена и ние (Меѓународниот комитетот на мирот и правото) сме оптимисти околу резултатите. Веднаш откако милионите млади луѓе ширум светот ќе почнат да го остваруваат она што е напишано во Декларацијата, државите ќе немаат друг избор, освен да го слушаат граѓанскиот сектор. Уверени сме околу имплементацијата на овој процес“, додаде Кемича.
Исто како и Универзалната декларација за човеки права, објавена на 10-ти декември 1948-та година, така и оваа Декларација е постигната од страна на различни правни експерти, што значи дека мирот не само што е можен, туку е и неопходен, додаваат од HWPL.
Според организацијата, додека тие се обидуваат да ја постават насоката за остварувањето на неопходните промени, останува на сите лица индивидуално да ги осознаат своите права за да живеат во мир и да ја прифатат својата одговорност да придонесат за „еденсвет каде што сите ќе живеат без трагедиите и последиците од војните“./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Вести
“Во основа е пекол на земјата”: Градот Газа оставен тотално без здравствената заштита
Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа
Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа
Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.
Очекувам победа во првиот круг, не за да добијам политичка круна, туку за да не се пролонгираат сегашната голгота и хаосот, рече Ѓорѓиевски
Кадидатот за градоначалник на Скопје од ВМРО-ДПМНЕ, Орце Ѓорѓиевски, е убеден во победа, а вели дека искрено очекува тоа да...
Поради сериозен дефект, МРТВ не емитува три дневника: се проверува дали е намерен упад во системот
Македонската радио-телевизија информира дека поради сериозен технички проблем, вчера не беше во можност да ги емитува телевизиските дневници во 17,...
Родителите на жртвите од „Пулс“: Привремено се прекинуваат блокадите, маршевите продолжуваат секоја сабота
Семејствата на трагично починатите деца во пожарот во дискотеката „Пулс“ во Кочани информираа дека по добивањето на датумот за почеток...
Прекин на испораката на гас за ЈСП, можни се отстапувања од возниот ред
ЈСП информира дека до утре ќе има прекин на испораката на гас и поради тоа е можно да има прекин...
На 35 вакцинални пункта во државата денеска почна вакцинацијата против сезонскиот грип, досега пријавени 43.000 граѓани
Министерството за здравство информира дека денеска почна вакцинацијата против сезонски грип, која се спроведува на вкупно 35 вакцинални пункта низ...
Судењето за пожарот во „Пулс“ почнува на 19 ноември
Судењето за пожарот во дискотеката „Пулс“ во Кочани, во кој загинаа 63 лица, почнува на 19 ноември во судницата во...
Сиљановска – Давкова очекува помош од ЕУ во пронаоѓањето креативно решение за деблокада на македонските интеграции
Претседателката Гордана Сиљановска – Давкова очекува помош од Унијата во пронаоѓањето на излезно креативно решение за деблокада на македонските интеграции....
ВМРО-ДПМНЕ: Фатмир Дехари е градоначалник на срамот во Кичево, малтретирал и сексуално понижувал жени
Фатмир Дехари е градоначалник на срамот во Кичево. Дехари е симбол за брутална злоупотреба на моќта, понижување на жените, и...
Трамп: Хамас копа во урнатините и бара тела на заложници, тоа е ужасен процес
Американскиот претседател Доналд Трамп вчера изјави дека Хамас продолжува со напорите за враќање на телата на мртвите израелски заложници држени...
Немири на пропалестинските протести во Валенсија
Најмалку пет лица беа приведени, а неколку беа повредени во пропалестинските протести во Валенсија што се одржаа пред и за...
(Видео) Трамп: Америка е во трговска војна со Кина
Американскиот претседател Доналд Трамп вчера изјави дека САД се во трговска војна со Кина. Новинарите во Белата куќа го прашаа...
Украина тврди дека идентификувала повеќе од 1.000 Кубанци, кои се борат за Русија
Украинското воено разузнавање (ХУР) објави дека најмалку 1.076 кубански државјани се бореле или сè уште се борат на страната на...
Хамас врати уште две тела на заложници, велат дека не може да ги пронајдат другите
Хамас вчера ги предаде останките на уште двајца заложници на Меѓународниот комитет на Црвениот крст, но соопшти дека во моментов...
Фон дер Лајен по посетата на Македонија: Топката е во Вашиот двор, ЕУ е подготвена
Целосно стоиме зад Северна Македонија на нејзиниот пат кон Европската Унија. Може да сметате на нас. Вашиот следен и единствен...
Гаши – фон дер Лајен: Економска интеграција на единствениот европски пазар пред интеграција во ЕУ
Претседателот на Собранието, Африм Гаши, оствари средба со претседателката на Европската комисија, Урсула фон дер Лајен, која во рамките на...
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно наследство
Поради изградба на објект, оштетен е ѕид и кровот на куќата на Владо Малески во Струга, споменик заштитен како културно...
Мицкоски на средбата со фон дер Лајен: Државата очекува од Европската Унија јасна и конкретна посветеност
Денес во просториите на Владата, премиерот, Христијан Мицкоски, имаше средба со претседателката на Европската комисија, Урсула фон дер Лајен, во...
Уставниот суд не поведе постапка по иницијативата на Левица, партијата ќе се жали во Стразбур
Уставниот суд ја одби Иницијативата на Левица за оценување на уставноста и законитоста против Упатството на ААВМУ што се однесува...
Ѓорѓиевски вети бесплатен оброк за секој средношколец и наградни патувања во Европа за првенците на генерација
Кандидатот за градоначалник на Скопје од ВМРО-ДПМНЕ, Орце Ѓорѓиевски, денес ја претстави програмата за средношколците. Вети модерен, дигитален и еколошки...
Откриена царинска измама со додатоци на храна во висина од 622 илјади денари: стоката ја пријавувале во погрешна тарифна ознака со пониски царински давачки
Кривична пријава за сторено кривично дело „царинска измама“ со увози на додатоци за исхрана е поднесена за увозник, шпедиции и...
