Талибанските борци кои во понеделникот продреа и заземаа делово од северниот град Кундуз во текот на ноќта кон вторникот се соочија со противнападот на авганистанските владини сили, соопшти полициски функционер.

Борбите меѓу авганистанските безбедносни сили и талибанските милитанти се водат веќе втор град во Кундуз, „Во овој момент борбите се водат во дистриктите 1 и 3 во градот Кундуз“, рекла за Reuters Зар Ѓул Алими, членка на покраинскиот совет на Кундуз.

Авганистанските воени и полициски сили, со поддршка на американските специјални сили и воздушна поддршка се обиделе во текот на ноќта да го „исчистат“ градот, рекол шефот на полицијата во Кундуз, Касим Џангалбаг. Талибаните и натаму се присутни во неколку градски подрачја, но авганистанските сили напредуваат, додал.

„Добивме засилување и воздушна поддршка. Повеќе од 25 непријатели досега се убиени, а ние заземавме некои области, Решителни сме да го исчистиме градот“, рекол Џагалбаг. Додал дека се убиени тројца припадници на владините сили, а осум се ранети.

Според него, авганистанските командоси ја повратиле контролата откако талибаните кусо ја имале контролата врз центарот на градот и северните области.

Специјалните авганистански сили со хеликоптерска поддршка претходно во понеделникот беа испратени во Кундуз како засилување на локалните владини сили.

„Вадата го контролира градот Кундуз и авганистанските безбедносни сили ја имаат контролата над централниот плоштад со дополнителното засилување кое доаѓаа, соопштија силите на НАТО стационирани во Авганистан.

Талибаните во понеделникот ноќта од четири правци го нападнаа Кундуз и продреа во градот заземајќи го комплексот на гувернерот на истоимената покраина, полициска станица и централниот градски плоштад, речиси една година откако успеаја да го освојат градот во една од своите најуспешни операции откако пред 15 години со американската инвазија беа соборени од власта и се повлекоа во руралните области.

Во септември 2015 година талибаните на две седмици го заземаа овој стратешки град, што ја шокираше авганистанската влада и меѓународната заедница. Во понеделникот талибаните ги засилиле своите борбени дејствија и во јужната покраина Халманд, каде што се закануваат со навлегување во тамошниот административен центар градот Лашкар Гах. Претходно во неделата беше објавено дека талибанските борци ја освоиле областа Нава, во близина на Лашкар Гах.

Тешки борби меѓу авганистанските безбедносни сили и талибаните продолжуваат да се водат во понеделникот и по должина на патот кој води во Тарин Кот, покраинската престолнина на централната покраина Урузган.

Можното паѓање на Лашкар Гах и Тарин Кот ќе претставува голема опасност за авганистанската престолнина Кабул, каде што веќе се зајакнува безбедноста поради заканата од милитантите.

Последните пет месеци авганистанските безбедносни сили беа фокусирани на последователните талибански напади во јужната покраина Хелманд и северниот град Кундуз.

Исламистичките бунтовници откако беа соборени од власт со инвазијата од 2001 година предводена од САД, се повлекоа во руралните средини и досега прибегнуваа кон тактиката на брзи удари и повлекувања во тешко пристапните области. Меѓутоа, последните споменати успеси ја нагласуват нивната растечка моќ и слабоста на авганистанката влада.

Европската унија во вотрникот и средата треаба да одржи меѓународна конференција во Брисел која ќе се фокусира на меѓународна помош на оваа земја./крај/мф/сн

Извор: Макфакс