Вести
Првиот конвој со помош на ОН влезе во Сирија без одобрување на Дамаск

Првиот конвој со хуманитарна помош во четвртокот влегол на територијата на Сирија, од Турција, согласно новиот план што го одобриле Обединетите нации за испраќање помош во загрозените подрачја и покрај негодувањата на Дамаск.
„Девет камиони ја преминаа границата и влегоа во Сирија на граничниот премин Баб – ал Салем“, истакнала Аманда Пит од канцеларијата на ОН за хуманитарни прашања, пренесуваат странските агенции.
„Тие пренесуваат храна, шатори, вода и санитарни средства“, додала Пит.
„Завојуваните страни во Сирија по сопствена одлука им ја кратат хуманитарната помош на милиони лица на кои таа им е премногу потребна, а тоа е еден вид воена тактика“, истакнал генералниот секретар на ОН, Бан Ки Мун, во извештајот на Советот за безбедност, пренесува Reuteurs.
Во својот петмесечен извештај за пристапот за помош во Сирија, во кој британската агенција имала увид, Бан наведува дека помошта е неопходна за околу 10,8 милиони лица, од кои 4,7 милиони се наоѓаат во тешко пристапни предели во оваа воено разорена земја, вклучувајќи најмалку 241 илјади лица на подрачјата кои се под опсада на владините и опозиционите сили.
„Завојуваните страни продолжуваат да ја опструираат хуманитарната помош за лицата на кои најмногу им е потребна и не одобруваат таква операција, што е воена тактика“, рекол Бан.
Тој упатил повик до спротивставените страни веднаш да ги прекинат опсадите и да им го олеснат пристапот на луѓето на кои им е потребна хуманитарна помош.
Бан секој месец поднесува извештај до Советот за безбедност на ОН за примена на резолуцијата која е усвоена во февруари, а со која се бара брз, безбеден и непречен пристап на помошта во Сирија.
Обединетите нации наведуваат дека хуманитарната ситуација на теренот е влошена, и похрај усвојувањето на резолуцијата.
Претходно на почетокот од овој месец, петнаесет члениот Совет едногласно усвои резолуција со која се одобрува хуманитарен пристап и покрај неприфаќањето на сириската влада во областите кои се под контрола на бунтовниците на четири гранични премини од Турција, Ирак и Јордан, иако Дамаск предупредил дека ја осудува ваквата испорака на своја територија./крај/мф/ап
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Вести
“Во основа е пекол на земјата”: Градот Газа оставен тотално без здравствената заштита

Во раните утрински часови во саботата, над купови бетон и урнатини, толпа лекари и пациенти пешачеа километри низ уништените улици на градот Газа, принудени да се евакуираат пеш од она што остана од болниците. Здравствените работници велат дека се плашат да ги оставаат критично болните пациенти зад себе во град кој сега во голема мера е сведен на урнатини, преземен израелските сили, со болници кои работат без струја, гориво, вода или храна, пишува британски „Гардијан“.
“Тоа е во основа пекол на земјата”, вели Вилијам Шомбург, шефот на Меѓународниот комитет на Црвениот крст во Газа, опишувајќи го она што остана од животот во градот.
Со недели, десетици илјади луѓе се надеваа дека во болниците во Газа ќе најдат засолниште кое е најблиску до безбедно бидејќи енклавата издржа интензивирачки бомбардирања.
Но, откако израелските сили се приближија до објектите и потоа ја нападнаа најголемата болница во Газа, Дар ал-Шифа минатата недела, илјадници луѓе беа раселени заедно со медицинскиот персонал, шетајќи низ уништените улици на југ од енклавата.
Палестинското министерство за здравство во Газа соопшти дека израелските сили побарале евакуација на болницата Ал Шифа вчераутро, три дена откога влегоа во објектот. Здравствените лица сведочат дека им им било кажано дека имаат еден час да ја евакуираат болницата која беше центар на здравствениот систем на Газа.
Најмалку 12.000 луѓе загинаа во израелскиот напад врз Газа по нападот на Хамас на 7-ми октомври, во кој загинаа 1.200 Израелци, а околу 240 луѓе беа заложници.
Вести
Борел: Целосно е невозможно да се евакуираат милиони луѓе од северот на Газа

Првиот човек на ЕУ-дипломатијата Жозеп Борел утринава на прес-конференција изјави дека евакуацијата на милиони луѓе од северниот дел на Газа е целосно невозможна.
Десетици илјади цивили почнаа да бегаат од јужниот дел на Газа вчера, откако Израел им порача на луѓето да ја напуштат областа пред очекуваната копнена офанзива.
„Да се замисли дека можеш да преселиш милион луѓе за 24 часа во ситуација во каква што е Газа, може да биде само хуманитарна криза“, рече Борел на последниот ден од тридневната дипломатска посета на Кина.
И покрај изјавата на ЕУ за поддршка на Израел, тој исто така предупреди дека и Израел е должен да го почитува меѓународното хуманитарно право во одбранбениот процес.
„Позицијата е јасна“, рече Борел. „Но, како и секое право, тоа има граница. А таа граница е меѓународното право“.
Вести
Проценки на ОН: Десетици илјади луѓе веќе ја напуштија Газа

Во текот на ноќта беа објавени најновите проценки на ОН за бројот на луѓе кои ги напуштиле своите домови во северниот дел на Газа.
Тие велат дека веруваат дека станува збор за десетици илјади кои се упатиле кон југ по предупредувањето за евакуација на Израел.
Пред наредбата за евакуација, повеќе од 400.000 Палестинци беа внатрешно раселени, според хуманитарната канцеларија на ОН OCHA.
Израелската војска им порача на околу 1,1 милион луѓе во северниот дел на Газа да заминат пред очекуваната копнена инвазија. Хамас, пак, ги повика луѓето да останат на место и да пркосат на израелската воена наредба.
Генералниот секретар на ОН, Антонио Гутереш рече дека наредбата од Хамас е „исклучително опасна – и во некои случаи едноставно не е возможна“.