Истрагата којашто ја покрена семејството на аргентинскиот државен обвинител Алберто Нисман, кој беше пронајден мртов во неговиот стан во Буенос Аирес во јануари, неколку часа пред да се сретне со членовите на парламентарната комисија во врска со обвинувањата на претседателката Кристина Кишнер и министерот да надворешни работи Ектор Тимерман за заговор во врска со експлозијата во еврејскиот културен центар во престолнината Буенос Аиерес во 1994 година кога загинаа 85 луѓе, покажала дека тој бил жртва на убиство, изјави неговата поранешна сопруга на прес-конференцијата.

Обвинителот Алберто Нисман имал составено и налог за пасење на претседателката Кристина Фернандез де Киршнер, за чија поддршка минатата седмица на улиците излегоа околу 400.000 Аргентинци, сметајќи дека, меѓу другото, станува збор за американски заговор. Официјалната истрага се’ уште не е завршена, но таа укажува на самоубиство.

„Можеме да заклучиме дека Нисман е жртва на убиство, без никакво сомневање“, изјави поранешната сопруга на обвинителот, судијката Сандра Аројо Салгадо, мајка на нивните две ќерки. Таа ги отфрли наодите кои наведуваат дека станува збор за несреќен случај или самоубиство, кое се случи на 18-ти јануари.

Според федералната судијка Салгадо, им од експерти веќе составиле свои заклучоци врз основа на извештаите од обдукцијата и постоечките форензички докази. Додаде дека извештајот веќе е доставен до „јавниот обвинител и судијата“ кои ја водат официјалната истрага за смртта на Нисман. И покрај настојувањата на новинарите да бидат соопштени наодите во извештајот, таа не сакала да ги објави деталите од документот, пренесува Reuters.

На 20-ти јануари официјалната истрагата соопшти дека не се пронајдени траги од насилна смрт на телото на обвинителот Алберто Нисман. Истрагата, сепак, сé уште не извлекува заклучоци, очекувајќи ги резултатите од експертизата, меѓу другото и за присуство на барутни честички на рацете на обвинителот Алберто Нисман. Тој беше пронајден со прострелна рана во главата во бањата во неговиот апартман во елитната населба Пуерто Мадера во Буенос Аирес. Покрај неговото тело во бањата којашто била заклучена од внатрешната страна беше пронајден пиштол со калибар 22 мм и чаура. Како што подоцна беше објавено, оружјето по негово барање му било дадено од негов колега поради самоодбрана. Во последното интервју, Нисман изјави дека работејќи на споменатиот случај во прашање е доведен неговиот живот.

Беше објавено и дека архивите на аргентинските безбедносни служби по смртта на обвинителот ќе бидат отворени. Одлуката е донесена по наредба на претседателската Кристина Фернандез де Киршнер.

Алберто Нисман, 51-годишниот обвинител за истрагата којашто беше отворена во 2004 година, беше пронајден мртов во неговиот стан во Пуерто Мадера, елитна населба во аргентинската престолнина Буенос Аирес. Покрај неговото тело е пронајдено оружје со калибар 22 мм покрај телото а констатирано е дека смртта е предизвикана од истрел од огнено оружје. Телото на Нисман било пронајдено во бањата од неговиот стан заклучен однатре. Парламентарците требало да се сретнат со обвинителот во претпладнето и Нисман требало да ги образложи пред пратениците обвинувањата што ги покрена против претседателката.

На почетокот од јануари Алберто Нисман побара отворање истрага против претседателката Кристина Кишнер поради попречување на работата на правосудните органи. Ги осомничи претседателката и министерот да надворешни работи Ектор Тимерман дека заговарале попречување истрага во полза на Иран, чии високи функционери ги гони аргентинското правосудство. Како што тврдеше Нисман, официјален Буенос Аирес ветил дека ќе ги ослободи иранските функционери за нападот од 1994 година, во замена за иранската нафта која на Аргентина ѝ е неопходна.

Нисман ги обвини Кишнер и Тимерман за заговор за „обезбедување неказнивост“ за Иранците, кои Аргентина ги обвинува за учество во експлозијата. Покрај тоа, Нисман се обрати до судот со барање за испрашување на претседателката и шефот на дипломатијата, како и замрзнување на нивниот имот од околу 23 милиони американски долари.

Покрај тоа, обвинителот обвини уште неколку аргентински политичари блиски до актуелната влада. Според него, тие биле посредници во преговорите со Иран, во кои Аргентина на Техеран му предлагала жито во замена на испорака на нафта, којашто е нужно неопходна за разнишаната аргентинска економија.

Владата преку министерот за надворешни работи Ектор Тимерман категорички ги отфрли обвинувањата на Нисман и тврди дека целта на неговата акција била да се дестабилизира владата девет месеци пред одржувањето на првиот круг од претседателските избор.

Во 1994 година, две години по нападот врз израелската амбасада во Буенос Аирес, во подметнувањето на експлозијата со којашто беше уништена зградата на еврејската организација AMIA при што се убиени 85 луѓе, а 300 беа повредени во центарот на аргентинскиот главен град.

Аргентина ги обвини за вмешаност во организацијата на најголемиот терористички напад во историјата на земјата повеќе високорангирани ирански функционери, вклучително и поранешниот претседател Хашеми Рафсанџани и седум поранешни владини функционери. Иранските власти секогаш жестоко ги негираат обвинувањата.

Претходно властите на Аргентина и Иран го ратификуваа Меморандумот за разбирање, со кој земјите се договорија за заедничка истрага на експлозијата. Против тоа остро реагираа претставниците на влијателната во Аргентина израелска заедница. Тие го нарекоа овој договор „неуставен“, кој го „обелува образот на иранскиот режим“ и „обезбедува неказнивост“ за организаторите на нападот./крај/мф/сн

Извор: Макфакс