Свет
Во израелска Хаифа над 130 луѓе настрадале во пожарите
Најмалку 132 жители на израелскиот град Хаифа настрадале во пожарите кои беснеат речиси цела седмица, пишуваат тамошните медиуми во неделата.
Сите лица биле хоспитализирани, од кои повеќето набрзо ја напуштиле болницата, пишува дневниот весник Haaretz. Проблемите кај настраданите главно биле предизвикани од вдишување чад и немало опасност по нивното здравје и живот, се додава.
Големите пожари започнаа претходно оваа седмица речиси истовремено во неколку региони на Израел. Пожар беснее во близина на селото Натаф недалеку од Ерусалим, шума и нискостеблеста шума горат и во подрачјето Латурн меѓу Тел Авив и Ерусалим. Посеверно е тешка ситуација поради пожарите на приодите од градовите Хаифа, Хадера и Зихрон-Јаков, Во некои области израелската влада прогласи вонредна состојба и спроведена е евакуација на локалното население.
За гаснењето на пожарите на израелските власти помош во авиони цистерни им испратија Азербејџан, Грција, Италија, Кипар, Русија, Турција, Хрватска и Шпанија./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Шолц: Војната во Украина може да трае уште неколку години
Германскиот канцелар Олаф Шолц изјави дека верува оти војната во Украина може да се пролонгира уште неколку години.
„Никој не може да каже дали оваа војна ќе трае можеби пет години“, рече Шолц вечерва во источниот германски град Кемниц.
Тој ја бранеше германската воена помош за Украина и додаде дека заедно со неа мора да се негува и дипломатијата.
„Меѓутоа, од почетокот на војната, рускиот претседател Владимир Путин не покажа знаци на движење напред“, рече тој.
„Диктиран мир е неприфатлив. Не смее да се дозволи да се извлече со ова“, додаде германскиот канцелар.
Свет
Шефот на НАТО: Никој нема корист од војната на Блискиот Исток
Генералниот секретар на НАТО Јенс Столтенберг изрази загриженост за ситуацијата на Блискиот Исток по израелскиот напад врз Иран.
„Клучно е конфликтот да не излезе од контрола и затоа ги повикуваме сите страни на воздржаност“, изјави Столтенберг денеска во Брисел. „Никој нема корист од војната на Блискиот Исток“, рече тој.
Израел го нападна иранскиот Исфахан
Според извештаите на медиумите, Израел ја нападнал иранската провинција Исфахан рано во петокот како одговор на големиот ирански напад со беспилотни летала и ракети минатиот викенд.
Според израелскиот весник Jerusalem Post, нападот бил насочен кон воздушна база во Исфахан, недалеку од иранските нуклеарни постројки. Сепак, според Меѓународната агенција за атомска енергија (МААЕ), нуклеарните капацитети не биле погодени.
Свет
Шефот на МААЕ: Не ги напаѓајте иранските нуклеарни постројки
Шефот на Меѓународната агенција за атомска енергија (МААЕ), Рафаел Гроси, ги предупреди земјите да не ги напаѓаат иранските нуклеарни постројки.
Во Исфахан, каде што беше извршен нападот, има неколку нуклеарни постројки во земјата. Гроси за програмата на Би-би-си Радио 4 изјави дека му олеснало кога слушнал дека ниту една нуклеарна постројка не била погодена во нападот.
„Нападот врз иранските нуклеарни постројки би бил страшна работа“, вели Гроси.
Тој смета дека во светот деновиве се појавува прашањето за таргетирање на нуклеарни постројки и дека МААЕ го смета за жално.