Иднината на Украина е во Европската Унија и земјата треба да стане членка што е можно поскоро, изјави денеска заменик-шефот на Европската комисија.

„ Сега е време за силна порака. Време е да се сигнализира дека украинскиот народ е една од европските нации. Ги сакаме што е можно поскоро“ – изјави потпретседателот на Комисијата, Марош Шефчовиќ, по состанокот на министрите за Европа на ЕУ во Арл на југот на Франција.

Ентузијазмот за евентуалното членство на Украина во ЕУ се зголеми меѓу европските пратеници по руската инвазија, по страсното барање на претседателот Володимир Зеленски до Европскиот парламент оваа недела.

Но, земјата сепак ќе мора да помине низ истиот процес на членство како и секој друг кандидат, без ветувачка брза рута.

„Најважно е да испратиме многу силен политички сигнал дека размислуваме за членство на Украина. Ние ги гледаме како идна земја членка“ – рече Шефчовиќ.

Во видеообраќањето од Киев до Европскиот парламент на 1 март, Зеленски „веднаш“ побара членство во ЕУ, велејќи дека неговата земја „се бори за опстанок“.

Официјални претставници на ЕУ, иако сочувствителни, велат дека нема кратенка до членството и секој процес на пристапување би бил долг.

Европскиот министер Клемент Боун ја опиша поддршката за перспективите за членство на Украина во ЕУ како „сигнал, перспектива која и ака ќе трае неколку години“.

Шефчовиќ рече дека ЕУ, која изненади некои набљудувачи со единството и силата на нејзиниот одговор на рускиот напад врз Украина, се трансформираше во деновите откако претседателот Владимир Путин нареди инвазија на 24 февруари.

„Работите се менуваат на толку драматичен начин што мислам дека сега е време за храбри чекори и како што Европа беше храбра досега, сигурен сум дека ќе бидеме храбри и на ова прашање“ – додаде Шефчовиќ.