Свет
Младите во светот со неодговорното однесување го шират коронавирусот
Здравствените власти што се борат со пандемијата на коронавирусот се соочени со нов проблем – однесувањето на младите, кои ги игнорираат правилата за физичка дистанца и со масовните забави поттикнуваат ширење на заразата.
Кога властите по повеќемесечен карантин ги укинаа забраните за собирања, тинејџерите и оние малку повозрасни од нив ги наполнија кафулињата и ноќните клубови. А по нивното затворање, едноставно се преместија на плажите, во парковите или на улица, места што станаа нови жаришта на Ковид-19.
Во близина на Манчестер илјадници млади луѓе преку социјалните мрежи се собираат на т.н. рејв-забави, а во парискиот парк „Буа де Винсен“ редовно се одржуваат илегални технозабави.
„Забавувањето е клучно“, вели еден од организаторите на париските собирања, Антуан Калвин.
Таму алкохол слободно тече поради што многумина забораваат на правилото за носење маска и држење физичко растојание.
Полицијата рутински се обидува да ги растури таквите забави на отворено, но непрекинато се организираат нови, што резултира со зголемен број заразени од коронавирус меѓу младите во многу земји.
Светската здравствена организација неколкупати ги повика младите да бидат одговорни.
„Иако е малку веројатно дека младите луѓе тешко ќе заболат од Ковид-19, тие сепак може да заразат членови од нивните семејства“, вели директорот на германскиот Институт за јавно здравје, Лотар Вилер.
Во Канада сега повеќето заразени се млади од 40 години, па тамошните власти ги потсетуваат младите луѓе дека ни тие не се непобедливи во борбата против коронавирусот.
Во неколку француски крајбрежни градови, како Ница, забележан е пораст на заразени меѓу младите кои се забавуваат во клубови.
Во последните две недели меѓу 40 и 50 отсто од новите заболени во Женева се поврзани со лица што посетувале ноќни клубови и слични места на кои танцуваат, се бакнуваат и прегрнуваат, рекол епидемиологот Дидиер Пите. На тоа швајцарските власти одговорија со повторно затворање на ноќните клубови и барови или со скратување на нивното работно време.
Властите во Мадрид снимија реклама со која се обидуваат да ги уверат младите дека коронавирусот навистина постои и е многу сериозен.
Видеото почнува со снимка од група млади луѓе што пијат пиво во бар, потоа танцуваат во ноќни клубови. Во следната сцена се гледа пациент на респиратор, а завршува со крематориум. Пораката на крајот од видеото гласи: „Овде е многу пожешко отколку под маската“.
Некои експерти, пак, сметаат дека младите треба да се пуштат да стекнат отпорност на вирусот.
„Би било идеално кога секој под 30 години развие природен имунитет, а ние да успееме да ги заштитиме сите постари од 50 години до појавувањето на вакцината“, рекол францускиот инфектолог, Ерик Коме.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Зеленски: Русите го реструктуираа целото општество за да можат да убиваат неказнето
Украинскиот претседател Володимир Зеленски синоќа реагираше на социјалните мрежи на ветувањето на рускиот лидер Владимир Путин дека ќе одговори на неодамнешниот напад на Киев врз руските воени аеродроми.
„Путин многу цврсто рече дека ќе мора да одговори на неодамнешниот напад врз аеродромите“, напиша американскиот претседател Доналд Трамп во објава на социјалните мрежи по телефонскиот разговор со Путин вчера.
Трамп делумно се осврна на нападот со беспилотни летала наречен „Операција Пајажина“ врз руските воени аеродроми во неделата, за кој се проценува дека уништил авиони и опрема во вредност помеѓу 4 и 6 милијарди евра. Белата куќа наводно не била информирана однапред за нападот од Украина.
„Многумина разговарале со Русија на различни нивоа. Сепак, ниту еден од овие разговори не донел сигурен мир ниту ја запрел војната“, одговори Зеленски во својата објава.
„За жал, Путин се чувствува неказнето. Дури и по сите ужасни руски напади, тој наводно подготвува повеќе таканаречени „одговори““, се вели во постот.
„Ова значи дека со секој нов напад, со секое одложување на дипломатијата, Русија покажува среден прст кон целиот свет – кон сите оние кои сè уште се двоумат да го зголемат притисокот врз неа“, забележа украинскиот претседател. „Сепак, Русија треба да бара мир. Токму во Москва мора да почнат да чувствуваат дека војната има цена, висока цена, а агресорот треба да ја плати највисоката цена“.
Зеленски изјави дека од почетокот на 2025 година, руската војска извршила напади врз Украина користејќи речиси 27.700 воздушни бомби, речиси 11.200 Шахед (дронови), речиси 9.000 други ударни дронови и повеќе од 700 ракети, вклучувајќи балистички ракети.
„Ова е темпото на руските напади, а тие намерно го поставија уште од првите денови од целосната војна. Русија ја реструктуираше целата своја држава, општество и економија за да може масовно и неказнето да убива луѓе во други земји“, напиша Зеленски.
Украинскиот претседател нагласи дека ако светот реагира слабо на заканите на Путин, тој го толкува ова како подготвеност да се затворат очите пред неговите постапки. Кога не чувствува сила и притисок, туку чувствува слабост, тој секогаш извршува нови злосторства. Тој го гледа таквиот став како премолчена дозвола: дозвола за нови злосторства, нови напади, нови убиства.
„Затоа ние во Украина сме благодарни на сите во светот кои се обидуваат да ја спречат оваа војна и руските напади. На сите кои му кажуваат на убиецот дека ќе биде повикан на одговорност. На сите кои велат дека руските ракети и бомби мора да престанат да одземаат невини животи“, нагласи Володимир Зеленски.
„И денес, на Денот на сеќавање на украинските деца убиени од руската агресија, ги потсетуваме моќните од овој свет на фактите. Ако моќните не го спречат Путин, тоа значи дека ја делат одговорноста со него. И ако сакаат да го спречат, но не можат, тогаш Путин повеќе нема да ги смета за моќни“, заклучи Зеленски.
Европа
(Видео) Борбени авиони на НАТО слетаа на автопатите во Финска и Шведска
Сојузниците на НАТО одржаа големи воени вежби на автопатите во Финска и Шведска, демонстрирајќи ја способноста за брзо распоредување и дејствување во тешки услови според концепт познат како ACE (Agile Combat Employment), објави „Дифенс Индустри Јуроп“. Целта на ваквите вежби е да се зголеми флексибилноста и издржливоста на силите во потенцијално загрозените области.
Од 26 до 30 мај, Финска беше домаќин на редовна воздушна вежба наречена JPH, во која учествуваа повеќе од 20 сојузнички авиони и околу 2.000 регрути, резервисти и професионални војници. За прв пат, вежбата вклучуваше и операции на дел од автопатот, таканаречениот дел Баана, на патот број 4 во близина на воздухопловната база Тикакоски во Јивескила.
The Finnish Air Force's Baana 25 exercise has kicked off today. This week, the Air Force is operating from the Tikkakoski highway strip on E75, training in line with its mobile and dispersed battle concept. #ilmavoimat #baana25 pic.twitter.com/sr304XO1gZ
— Ilmavoimat (@FinnishAirForce) May 26, 2025
Финските авиони F/A-18 Hornet и Hawk извршија полетувања и слетувања на автопатот, на кои за прв пат им се придружија и холандските борбени авиони F-35A Lightning II од Кралските воздухопловни сили на Холандија.
Холандските пилоти извршија непрекинати полетувања и слетувања, а заедничките вежби со финските авиони F/A-18 дополнително ја зајакнаа соработката меѓу сојузничките авиони од четврта и петта генерација.
The Royal Netherlands Air Force F-35A fighter jets are participating in the exercise #Baana25 at Tikkakoski for the first time. Alongside the touch-and-go landings, @Kon_Luchtmacht🇳🇱 is conducting fighter integration training w/ 🇫🇮 F/A-18 fighters, operating out of Pirkkala AFB. pic.twitter.com/JbHJrW6iGy
— Ilmavoimat (@FinnishAirForce) May 26, 2025
Оваа обука е дел од финската доктрина за мобилно војување, која предвидува одржување на воздушни операции надвор од домашните бази доколку тие станат неупотребливи. Користењето на автопати за слетување и полетување е дел од воената обука во Финска уште од 1960-тите и сега дава важен придонес кон концептот на ACE на НАТО.
Европа
(Видео) Нови сателитски снимки го откриваат обемот на историската украинска операција
Новите сателитски снимки и снимките од нападот со дронови покажуваат сериозни оштетувања на руските авиони во неколку воздухопловни бази за време на ненадејниот украински напад во неделата, јавува Би-би-си.
High-resolution satellite images of Russian airbase in Olenegorsk, Murmansk region https://t.co/qcDnnhq8bi pic.twitter.com/JHeGmsnAaH
— Special Kherson Cat 🐈🇺🇦 (@bayraktar_1love) June 4, 2025
Снимките од две воздухопловни бази во северозападна и централна Русија направени вчера наутро покажуваат дека 12 авиони се оштетени или уништени.
Видео објавено вчера од страна на Службата за безбедност на Украина (SBU) ги прикажува нападите врз двете бази, како и две други цели.
The SBU has released new footage from the special operation “Spiderweb,” which reportedly resulted in the destruction of 41 Russian strategic military aircraft. https://t.co/6HIAPoCkda pic.twitter.com/GxI2MoxquH
— NEXTA (@nexta_tv) June 4, 2025
Украина вели дека во операцијата таргетирала 41 стратешки бомбардер и дека „најмалку“ 13 биле уништени. Безбедносните претставници велат дека нападот се подготвувал 18 месеци и дека многу од дроновите биле шверцувани на руска територија.
Видеото на СБУ е долго речиси пет минути и е компилација од монтирани снимки од беспилотни летала од нападите врз воздухопловните бази Олења, Иваново, Дјагилево и Белаја.
Во секој кадар, емитувањето се прекинува пред експлозијата, но во некои, во позадина се гледаат други авиони, зафатени од пламен. Нема индикации дека руските сили се обиделе да ги одбранат базите, дури и кога нападот веќе бил во тек.
Тројца осомничени за обид за убиство пред фитнес клуб во Чаир
Јавен обвинител од Основното јавно обвинителство Скопје донесе Наредба за спроведување истражна постапка против три лица за кои постои сомнение...
(Видео) Нови сателитски снимки го откриваат обемот на историската украинска операција
Новите сателитски снимки и снимките од нападот со дронови покажуваат сериозни оштетувања на руските авиони во неколку воздухопловни бази за...
Севернокорејскиот лидер вети безусловна поддршка за Русија на средбата со Шојгу
Севернокорејскиот лидер Ким Џонг Ун се сретна со секретарот на рускиот Совет за безбедност Сергеј Шојгу во вторникот, објави државната...
Трамп им забрани на странските студенти да се запишуваат на Харвард
Американскиот претседател Доналд Трамп објави дека го суспендира приемот на странски студенти на Харвард за шест месеци, наведувајќи ги загриженоста...
Американски извори: Украина уништи половина помалку руски авиони од објавеното
Двајца американски функционери изјавија дека САД проценуваат дека Украина минатиот викенд погодила до 20 руски воени авиони во напади со...
Трамп најави одмазда на Путин врз Украина: Mи стави до знаење дека ќе мора да одговори на неодамнешниот напад врз руските воени воздухопловни бази
Американскиот претседател Доналд Трамп објави дека разговарал по телефон со рускиот претседател Владимир Путин. Разговорот, според американскиот претседател, траел околу...
Путин бесен, жестоко го нападна режимот на Зеленски
Рускиот претседател Владимир Путин за прв пат ги коментираше најновите украински напади на руска територија. Тој рече дека „намерните напади...
Зеленски предлага прекин на огнот до средба со Путин
Украинскиот претседател Володимир Зеленски денес предложи прекин на огнот до евентуална средба со рускиот претседател Владимир Путин. „Мојот предлог, и...
Мухамед Елмази до Арсовска: Ќе барате ли од вашите партнери да се откажат од бесправните објекти, ќе побарате ли и тука дигалка или ќе свртите глава
Мухамед Елмази од „Влен“ на прес-конференција денеска, упати неколку прашања до градоначалничката на Град Скопје, Данела Арсовска. „Денес сме тука...
Арсовска до Мухамед Елмази: Дали си ти криминалец од ДУИ или од ВЛЕН?
„Таман мислиш не може да демонстрираат поголем очај за криминалот во кој се фатени, тие наоѓаат нов првенец од ДУИ!...
Кривична против Здружение за коњички спортови и 34-годишна битолчанка за измама и фалсификување исправа
СВР Битола, до Основното јавно обвинителство Битола, поднесе кривична пријава против Здружение за коњички спортови и заштита на коњи од...
Загина 20-годишно момче, со мотоцикл удрило во бетонски столб
Дваесетгодишно момче загина во сообраќајна несреќа што се случила вчера на патот Куманово – Свети Николе. Според информациите на МВР,...
(Видео) По години трупање смет, се чисти депонијата на патот кон Езерани
По години трупање смет, утрово, ученици од Преспа и механизација од ЈКП „Пролетер“ почнаа да го чистат ѓубрето од депонијата...
(Видео) Манасиевски: Вработените во Министерството за здравство знаеле дека договорот и анексот на Филипче се коруптивни и криминални, одбивале да ги потпишат
Сите вработени во Министерството за здравство и стручните лица во комисиите знаеле дека Венко Филипче направил криминал во случајот со...
(Видео) Дали Македонија е пред државен банкрот, прашува Кузеска
Додека Мицкоски зборува за некаква си силна економија, Македонија се наоѓа пред историски најсериозната економска и финансиска криза каква што...
ДУИ за „Вреди“: Албанците никогаш нема да прифатат нивниот глас да се замени со луѓе покорени од страв од кривична одговорност
Откривањето на незаконските активности на раководството на „Вреди“, како дел од т.н. „Урбан криминал“, само го потврдува предупредувањето: ВМРО-ДПМНЕ ги...
Трамп потпиша: царините за челик и за алуминиум се удвојуваат на 50 проценти
Претседателот на САД, Доналд Трамп, потпиша декрет со кој од денес се удвојуваат царините за челик и за алуминиум на...
Орбан против влезот на Украина во ЕУ: „Ќе ги проголтаат сите евра“
Унгарскиот премиер Виктор Орбан повторно го критикува потенцијалниот влез на Украина во Европската Унија ветувајќи дека ќе направи сè за...
Арсовска за власта: Сковале план да го дестабилизираат Скопје, ќе почнат со ЈСП, па со „Комунална хигиена“ и ќе создадат хаос за да дефокусираат и да владеат
Градоначалничката на Скопје, Данела Арсовска, со нов напис на социјалните мрежи, во кој упатува критика до власта. „Им се дестабилизира...
(Видео) СДСМ: Советниците на ВМРО-ДПМНЕ и ЗНАМ повлекоа сопствена точка, само за да ја спасат урбаната мафија
„Ако на некој досега не му беше кристално јасна криминалната коалиција на ВМРО-ДПМНЕ, ВЛЕН и привезокот од ЗНАМ, денес на...
