Европа
Украинците тврдат дека уништиле цела тенковска единица, ослободени дел од работниците во Чернобил
Дваесет и петти ден од војната во Украина
Клучни настани:
-Во Мариупол продолжија уличните борби
-Москва наведува дека руските сили првпат користеле хиперсонични ракети
-Украинските сили го загубија пристапот до Азовското Море од Херсонската област, односно главната врска со Црното Море
-Според Обединетите нации, до петокот загинале речиси 850 цивили, а одлуката за прекин на огнот не изгледа сигурна
-Володимир Зеленски повика на итни „смислени и фер“ мировни преговори. Тој ја повика и Швајцарија да се справи со руските олигарси
-Со Русија се договорени десет хуманитарни коридори за евакуација на граѓаните
(Од минута во минута)
21:30 Русија постави рок за Украина да прогласи предавање на Мариупол
Од 10:00 до 12:00 часот по локално време, руската страна предлага да се организира излез од градот за украинските војници и странските платеници, без оружје, а во тој случај загарантирано е спасување на животи, па потоа ќе се отворат и хуманитарни коридори за евакуација на цивилите, пишува РИА Новости.
20:20 Украина: Уништивме цела тенковска единица во близина на Киев
„Киев Индипендент“ наведува дека Русија изгубила цела тенковска единица во напад на Киев, повикувајќи се на информации од Генералштабот на украинската армија.
Според Вооружените сили на Украина, шестиот тенковски полк на руската армија бил уништен на 20 март.
⚡️General Staff: Russia loses tank detachment in failed Kyiv assault.
According to the Armed Forces of Ukraine, the Russian army’s 6th tank regiment has been destroyed on March 20.
— The Kyiv Independent (@KyivIndependent) March 20, 2022
20:15 Дел од работниците во нуклеарната централа Чернобил ослободени по три недели
Повеќе од три недели руските војници држеа како заложници 64 работници во украинската нуклеарна централа Чернобил. Сега конечно успеале да си заминат, а на нивно место дошле 46 вработени кои доброволно се пријавиле да дојдат во фабриката.
Би-би-си пишува дека околу 200 работници во смени и членови на украинската национална гарда се заробени во електраната од 24. февруари, првиот ден од војната, кога таа беше окупирана од Русите.
20:05 Зеленски: Блокадата на Мариупол ќе влезе во историјата како воено злосторство
Украинскиот претседател, Володимир Зеленски, во ново видео рече дека блокадата на Мариупол ќе влезе во историјата како воено злосторство.
„Она што окупаторите му го направија на мирниот град е терор што ќе се памети со векови“, посочи Зеленски.
19:20 Русија потврди дека важен капетан загинал во Мариупол
Руски официјални лица потврдија дека заменик-командантот на руската Црноморска флота, капетанот од 1. ранг Андреј Палиј, загинал во борбите во Мариупол, јавува Би-би-си.
18:40 Бајден доаѓа во Европа, но нема да ја посети Украина
„Фокусот на патувањето ќе биде обединување на светот за поддршка на украинскиот народ и против инвазијата на претседателот Путин во Украина, но нема планови за патување во Украина“, нашиша на „Твитер“, портпаролката на Белата куќа, Џен Псаки.
We will have additional details of @potus trip to Europe to announce later today. The trip will be focused on continuing to rally the world in support of the Ukrainian people and against President Putin’s invasion of Ukraine,
but there are no plans to travel into Ukraine.— Jen Psaki (@PressSec) March 20, 2022
17:43 Да бевме членка на НАТО, Русија немаше да нападне, вели Зеленски
„Јас лично ги замолив да кажат директно дека ќе нè примат во НАТО за година или две или пет, само нека кажат директно и јасно или само нека кажат не“, изјави украинскиот претседател за Си-ен-ен.
„Одговорот беше – ‘нема да бидете членка на НАТО’, но јавно вратата ќе остане отворена“, посочи тој.
17:25 Путин вели дека во Украина има многу неонацисти. Зеленски: Опасно е ако навистина верува во тоа
Украинскиот претседател, Володимир Зеленски, одговори на тврдењaта на рускиот претседател, Владимир Путин, дека украинската влада е полна со неонацисти, пишува Си-ен-ен. Зеленски рече дека не може сериозно да ги сфати ваквите изјави, нарекувајќи ги смешни.
Според Зеленски, Путин е во информативен балон, но посочи дека таквите изјави го загрижуваат бидејќи се прашува што е способен да направи рускиот претседател.
„Се плашам само за луѓето. Но, ако е сериозен во врска со тоа тврдење, би можел да направи ужасни потези, бидејќи тоа би значело дека ова не е игра за него“, вели Зеленски, цитиран од Си-ен-ен.
„Ако тој навистина верува во тоа, тогаш ќе продолжиме да се бориме. Ако мисли дека неговата мисија е да ја освои нашата територија, ако гледа знаци на неонацизам во нашата земја, тогаш се поставуваат многу прашања за што е способен да направи“, рече Зеленски, опишувајќи ги изјавите на Путин како страшни и опасни.
17:07 Украина: Руските сили убија 56 лица во старски дом во Луганск
Украинската омбудсманка за човекови права Људмила Денисова ги обвини руските сили за убиство на 56 лица во дом за стари лица во регионот на Луганск.
„Во градот Кремина на 11. март руските окупатори цинично и намерно пукале од тенк во дом за стари лица“, напиша Денисова, додавајќи дека 56 штитеници на домот биле убиени на самото место.
17:00 Германија најде замена за рускиот гас
Гeрманија се договори со Катар за долгорочно партнерство во снабдувањето со енергија, особено течен гас, објави денеска во Катар германскиот министер за економија, Роберт Хабек.
„Одлична вест е што цврсто се согласивме за намерата за долгорочно партнерство во областа на снабдувањето со енергија“, рече Хабек по средбата со катарскиот емир Хамад ал-Тани во Доха.
16:40 Зеленски ја продолжи воената состојба во Украина за 30 дена
Со законот се продолжува воената состојба во државата за 30 дена од 26 март 2022 година, се наведува во соопштението на Врховната Рада.
15:57 Руската елита сака да го отстрани Путин од власт?
Деловната и политичката елита на Русија разгледува неколку опции за смена на Путин од власт, соопшти Централната разузнавачка агенција.
Украинскиот претседател Володимир Зеленски рече дека е подготвен да преговара со рускиот претседател Владимир Путин, но предупреди дека ако било каков обид за преговори не успее, тоа може да значи дека борбата меѓу двете земји може да доведе до трета светска војна.
Секое обраќање на Владимир Путин, Владимир Зеленски и Џо Бајден, покрај вербалните пораки, се однесува и на невербалните.
Тие пораки ги објасни експертот за невербална комуникација Марко Буразор.
Папата Франциско денеска го нарече конфликтот во Украина неоправдан, бесмислен масакр и побара од лидерите да престанат со оваа неприфатлива војна.
„За жал, насилната агресија против Украина не стивнува, им порача папата Франциско на десетици илјади луѓе собрани на плоштадот Свети Петар за време на неделната молитва, пренесе Ројтерс.
Украинските власти тврдат дека нивните сили го убиле заменик-командантот на руската Црноморска флота, со што им задале нов удар на силите на Владимир Путин.
Капетанот од прв ранг Андреј Палиј (51) е единствениот висок поморски офицер кој наводно бил убиен во војната во Украина.
13:15 Генералштаб на Украина: Голема е заканата од офанзива од Белорусија
Заканата од офанзива на војниците од Белорусија во правец на Волин е голема, но украинските борци се подготвени за одбивање, соопшти Генералштабот на вооружените сили на Украина, пренесуваaт украинските агенции.
12:27 (Видео) Украина: Уништена е една од најголемите железари во Европа
Украинците тврдат дека една од најголемите европски железари лоцирана во Мариупол е уништена.
„Таа беше уништена од руско гранатирање“, изјави украинската пратеничка Лесија Василенко.
#Mariupol #Azovstal One of the biggest metallurgic plants in #Europe destroyed. The economic losses for #Ukraine are huge. The environment is devastated #StopRussiaNOW pic.twitter.com/4GMbkYb0es
— Lesia Vasylenko (@lesiavasylenko) March 19, 2022
12:00 Европската комисија ги суспендираше сите проекти со Русија и Белорусија
Европската комисија ги суспендираше сите проекти што земјите од Европската Унија ги имаа со Русија и Белорусија, а кои се кофинансирани од фондовите на ЕУ, потврди еврокомесарката за кохезиона политика Елиса Фереира. „Интеррег и програмите за прекугранична соработка се прекинати. Не самите програми, туку транши од пари што требаше да ги поддржат руската и белоруската страна во таа соработка“, рече Фереира на 8-миот форум во Брисел.
11:15 Чавушоглу: Русија и Украина се поблиску до договор
Москва и Киев се приближуваат до договор за критичните прашања поврзани со инвазијата на Украина, изјави турскиот министер за надворешни работи. Мевлут Чавушоглу, кој присуствуваше на разговорите меѓу Украина и Русија во Анталија, додаде дека се надева на прекин на огнот доколку нема нови недоразбирања во разговорите.
10:55 (Видео) Русија: Ја лансиравме втората хиперсонична ракета во складиште за оружје во Украина
Русија ја нападна Украина со крстосувачки ракети од бродови во Црното и Каспиското Море и лансираше хиперсонични ракети од областа на Крим, соопшти денеска руското Министерство за одбрана, пренесува Ројтерс.
Портпаролот на Министерството за одбрана Игор Конашенков изјави дека Русија извршила напади врз воената инфраструктура на Украина синоќа и утринава.
? Объективный контроль: уничтожение танка ВСУ ударом высокоточного ракетного вооружения pic.twitter.com/IyvtS6gij3
— Минобороны России (@mod_russia) March 20, 2022
10:40 (Видео) Морничава снимка од конвојот на смртта од белоруските села: Луѓето снимале, војската дошла и ги спречила
Украинските медиуми објавија вознемирувачко видео на кое наводно се прикажани конвои со телата на убиените руски војници во Украина, кои Белорусите ги враќаат во Русија.
Белоруските медиуми и каналот Телеграм со денови пишуваат дека многу ранети руски војници се префрлени во Белорусија, каде што им е укажана прва помош, а потоа се транспортирани понатаму во Русија.
Buses with wounded invaders in #Gomel. It is also reported that more than 2,500 dead were taken to #Russia from there. pic.twitter.com/4UnEjf59z4
— NEXTA (@nexta_tv) March 19, 2022
10:10 Кинески министер: Никогаш нема да прифатиме никаква надворешна принуда и притисок
Кинескиот министер за надворешни работи Ванг Ји утринава изјави дека времето ќе покаже дека позицијата на Кина е на вистинската страна на историјата во однос на украинската војна.
08.23 Украински официјални лица: Русија нападна училиште во кое имало 400 луѓе
Градскиот совет на Мариупол објави дека руските сили бомбардирале училиште во кое се засолниле 400 луѓе во саботата.
Во објава на Телеграм наведуваат дека зградата е уништена и дека луѓе се под урнатините. Во училиштето имало жени, деца и постари лица, соопштија официјални лица.
Засега нема информации за број на жртви.
Би-би-си, кој ја објави оваа вест, не можеше да ги потврди тврдењата на Киев. Москва упорно негира дека цели на цивилни цели.
07:34 Запрен конвој?
Руските војници наводно запреле конвој автобуси кои патувале кон Мариупол за да ги евакуираат жителите, пишува Киев Индипендент.
Повикувајќи се на градскиот совет на Бердјанск, весникот наведува дека конвојот бил запрен на неколку километри од Бердјанск.
According to the Berdyansk city council, the convoy was heading to Berdyansk from Zaporizhzhia to pick up fleeing Mariupol residents but was stopped by Russian occupying forces near the village Azovske, three kilometers from Berdyansk.
— The Kyiv Independent (@KyivIndependent) March 20, 2022
07:01 Зеленски: Опсадата на Мариупол ќе влезе во историјата на одговорност за воени злосторства
Сепак, рече тој, потребни се мировни преговори со Русија, иако тие не се лесни и пријатни
Претседателот на Украина, Володимир Зеленски, изјави дека руската опсада на пристанишниот град Мариупол е терор кој ќе се памети со векови, пренесува Ројтерс.
Во објавеното видео Зеленски вели дека опсадата на Мариупол ќе влезе во историјата на одговорноста за воените злосторства.
„Да се направи ова на еден мирен град … е терор што ќе се памети со векови што доаѓаат“, рече Зеленски.
Сепак, рече тој, потребни се мировни преговори со Русија, иако тие не се лесни и пријатни.
Во Мариупол повеќе од две недели се приведени околу 400.000 луѓе. Русите интензивно и постојано го бомбардираат градот, а населението во многу делови од градот нема струја, греење и вода.
Спасувачите сè уште трагаат по преживеани во театарот во Мариупол. Русија негира дека погодила театар или цели на цивили.
Руското Министерство за одбрана соопшти дека нивните сили го стегаат обрачот околу Мариупол и дека улични борби се водат во центарот на градот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Жерар Депардје прогласен за виновен за сексуален напад
Суд во Париз го прогласи францускиот актер Жерар Депардје за виновен за сексуален напад врз две жени на филмски сет во 2021 година, во еден од најзначајните случаи на #MeToo што се појавиле пред судовите во Франција, објави Си-ен-ен.
Депардје, истакната личност во француското кино, постојано негираше каква било вина за време на судењето, а неговиот адвокат побара отфрлање на обвиненијата.
На судењето, тој изјави дека медиумите ги искористиле обвинувањата за да му го нарушат угледот. Тој го критикуваше движењето #MeToo.
„Ова движење ќе се претвори во терор“, рече тој.
Сепак, судијата Тиери Донард го сметаше објаснувањето на Депардје, за инцидентот, неубедливо.
Државното обвинителство побара од судот да му изрече условна казна затвор од 18 месеци на 76-годишниот Депардје и парична казна од 20.000 евра.
Судењето на Жерар Депардје се смета за пресвртница за француската филмска индустрија, која со години беше обвинувана дека е бавна – па дури и отпорна – на обвинувањата за злоупотреба од страна на жените.
Во извештајот на францускиот парламент објавен минатиот месец се заклучува дека сексуалното насилство и сексуалното вознемирување остануваат „ендемски“ во француската забавна индустрија и дека жените и децата сè уште се редовно изложени на предаторско однесување.
Европа
Пожар избувна во куќата на британскиот премиер, уапсен млад човек
Дваесет и едногодишен маж е уапсен под сомнение дека го запалил домот на британскиот премиер Кир Стармер во северен Лондон. Полицијата се сомнева дека пожарот бил подметнат со „намера за загрозување на животот“. Метрополитенската полиција потврди дека осомничениот е уапсен во раните утрински часови и е во притвор.
Апсењето е поврзано со три одделни пожари што се случија во северен Лондон во текот на изминатата недела: пожар на приватна адреса во Кентиш Таун, запалено возило и уште еден пожар на влезот во друга зграда.
Полицијата соопшти дека бидејќи куќата била поврзана со добро позната јавна личност, истрагата ја презел одделот за борба против тероризмот на Метрополитенската полиција. „Во тек е истрага за да се утврди што го предизвикало пожарот“, соопшти полицијата. „Сите три пожари во овој момент се третираат како сомнителни.“
Иако Кир Стармер живее на Даунинг стрит како британски премиер, тој сè уште ја одржува својата приватна адреса во северен Лондон. Влезот во куќата беше оштетен, но немаше повредени.
Еден од жителите на улицата рече дека слушнал силен тресок што звучел „како молотов коктел“.
Портпаролот на Лондонската противпожарна бригада потврди дека биле повикани поради мал пожар пред куќа во Кентиш Таун во понеделник наутро. На местото на настанот беа испратени две противпожарни возила од локалната станица.
Кабинетот на премиерот соопшти дека Стармер е благодарен на службите за итни случаи за нивниот брз одговор, но дека поради истрагата, која е сè уште активна, не може да даде дополнителни коментари.
Европа
Украина убедена дека го предвидела следниот потег на Путин: „Тоа ќе биде конечен доказ“
Неприсуството на рускиот претседател Владимир Путин на преговорите за завршување на војната во Украина во Истанбул би бил последен сигнал дека Кремљ не сака крај на конфликтот, изјави денес шефот на кабинетот на украинскиот претседател Андриј Јермак.
Шефот на канцеларијата на Володимир Зеленски на безбедносниот форум во данската престолнина изјави дека украинскиот претседател разговарал со својот турски колега Таип Ердоган еден ден претходно, кој потврдил дека Турција е подготвена да биде домаќин на преговори за завршување на војната во Украина.
Киев досега не добил „никаков одговор или потврда“ од Русија дека Путин ќе пристигне во Истанбул, но „важно е да се потврди дека Зеленски е подготвен“ да пристигне во најголемиот град во Турција, рече Јермак за време на панел-дискусија со поранешниот генерален секретар на НАТО, Андерс Фог Расмусен.
Јермак всушност откри дека Украина очекува Путин да не се појави во Турција и дека ова ќе биде конечен доказ дека рускиот претседател не сака мир.
„Ако Путин одбие да дојде во Турција, тоа ќе биде последен сигнал дека не сака да ја заврши војната и дека Русија не е подготвена за преговори“, рече Украинецот.
Ако тоа се случи, „реакцијата на САД и на целиот свет мора да биде силна“, продолжи Јермак, повикувајќи на нови санкции и воена помош за Украина.
Денес во Киев, од кабинетот на Зеленски за Ројтерс појаснија дека украинскиот претседател ќе се сретне само со рускиот претседател во Турција во четврток, а не и со другите членови на руската делегација.
Началникот на кабинетот на Зеленски, Јермак, изјави дека Украина се согласила на прекин на огнот пред два месеци, за време на преговорите со посредство на САД во Џеда, Саудиска Арабија, но дека Русија е таа што го отфрла.
„Украина е подготвена за преговори – но прво примирје, а потоа ќе разговараме“, заклучи Јермак во своето видео обраќање на Copenhagen Democracy Summit.
(Видео) Манасиевски: Таравари се интересираше само за бизниси и за Груби и за Заев, досега не се разговарало за размена на ресори
Вечерва партијата ќе има редовна седница на Извршниот комитет на која што ќе се разговара за обвинувањата на Таравари за...
Во историјата на овој суд не е изречена 12 години казана затвор за вакво дело, но го задржуваме правото да бараме поголема, рече обвинителот
Обвинителот Александар Марковски го задржа правото да бара поголема затворска казна од 12 години колку што денес му пропиша Основниот...
Таткото на Фросина: Судот ги скри клучните сведоци кои биле во возилото со Васил, едниот снимал, па ја избришал снимката
Дванаесет години казна е награда за ова најбрутално убиство во сообраќајот, изјави таткото на усмртената Фросина, Тодор Кулаков. Тој повика...
Дванаесет години затвор за Васил Јованов, кој ја усмрти Кулакова на пешачки премин
Судот изрече 12 години затворска казна за 20-годишниот Васил Јованов, кој смртно ја прегази Фросина Кулакова на пешачки премин. Во...
МВР со апел до граѓаните: Внимавајте на лажни е-пораки – фишинг-линкови, се злоупотребуваат имињата на повеќе македонски компании
Секторот за компјутерски криминал при Бирото за јавна безбедност на Министерството за внатрешни работи периодов констатира зачестена појава на таканаречени...
Со какви санкции му се заканува ЕУ на Путин?
Главните европски сојузници на Украина ја повикаа Русија на безусловно 30-дневно примирје и се заканија со нови санкции, според заедничкото...
Несреќа на патниот правец Берово – Виница, сообраќајот во прекин
АМСМ извести дека се случила сообраќајна незгода на патниот правец Берово – Виница, кај село Будинарци. Поради незгодата од 07:30...
(Видео) Трамп: ЕУ игра повалкано од Кина
Американскиот претседател Доналд Трамп вчера повторно ја нападна Европската Унија, велејќи дека е полоша од Кина во многу аспекти, само...
Кинескиот претседател по договорот со Трамп: Малтретирањето води до самоизолација
Кинескиот лидер Кси Џинпинг ги осуди малтретирањето и хегемонијата во своето прво јавно појавување откако САД и Кина постигнаа привремен...
Опожарено возило во Аеродром
Во периодот од 01:40 до 02:40 часот, пожарникарите гаснеле запалено патничко моторно возило, на површина од 2м2 на булеварот Видое...
(Видео) Трогателна средба: Еден Александар го прегрнува своето семејство откога Хамас го ослободи
Израелско-американскиот заложник Еден Александар се врати на своето семејство во Израел откога помина 19 месеци во заробеништво на Хамас во...
Ултиматумот на Европската Унија до Путин и Русија истече
Украина и европските лидери се согласија на безусловно примирје во траење од 30 дена, почнувајќи од 12 мај, со поддршка...
Одиме во опозиција, доколку има сомнежи во тие што се во Владата, нема што да бараме таму, соопшти Таравари
Минатата година со гордост ја донесовме промената во албанскиот блок после 20 години и за тоа сме многу гроди, изјави...
Зеленски: Ќе бидам во Турција, се надевам дека ќе дојдат и Путин и Трамп
Украинскиот претседател Володимир Зеленски изјави дека ќе отпатува во Истанбул на мировни преговори и дека е подготвен да се сретне...
Орбан: Никој не се осмелува да признае, но ја загубивме војната во Украина
Зapaдната стратегија насочена кон уништување на Русија не успеа, санкциите не ја постигнаа својата цел, а Русија ја спречи Украина...
Левицата предлага инспекторат кој ќе казнува за непочитување на грбот, знамето и химната: МВР реагира за сквернавење, но не влегува во канцеларии
Партијата Левица оваа недела ќе поднесе предлог-закон за формирање инспекторат за употреба на грбот, знамето и химната на државата, како...
Мицкоски: Државата беше во слободно паѓање, ни требаше стабилизација во оваа прва година
Премиерот, Христијан Мицкоски, на денешниот Самит 2025 во организација на „Македонија 2025“ истакна дека првиот ден од стапување на функцијата...
Се зголемуваат цените на бензините, се намалува на дизелот
Регулаторната комисија за енергетика, водни услуги и услуги за управување со комунален отпад на Република Северна Македонија (РКЕ) донесе Одлука...
СДСМ: Филипче нема никави инвестиции, ниту имот во ОАЕ
„ВМРО-ДПМНЕ во целосна безидејност продолжува да лаже иако претседателот на СДСМ, Венко Филипче јасно кажа дека не поседува никакви инвестиции...
Масовни апсења деца во Европа, планирале терористички напади врз концертни сали и верски објекти
Вештачката интелигенција, колку и да е корисна, е сè повеќе фактор во радикализацијата на младите луѓе, што го покажуваат случаите...
