Свет
Русите тврдат дека се е готово – Киев повеќе нема никаква контрола над Украина

Режимот во Киев практично целосно ја загуби контролата над управувањето со државата, а во повеќето градови моментално беснеат националистички баталјони кои во суштина се нацисти, изјави шефот на Националниот центар за управување со одбраната на Русија, Михаил Мизинцев.
Како што рече, управата на цела низа градови во Украина веќе не е во состојба да решава елементарни социјално-административни прашања.
– Единственото нешто што Киев успеа да го спроведе на прилично организиран начин е да им дистрибуира огнено оружје на припадниците на различни радикални групи без никакви ограничувања – нагласи тој.
Мизинцев предупреди дека целото оружје што им било поделено на граѓаните е на штета на самата Украина и на украинскиот народ бидејќи се користи за кражба и насилство врз обичните граѓани.
Катастрофалната хуманитарна ситуација е присутна во поголемиот дел од Украина со тенденција на влошување, најтешка е ситуацијата во Киев, Харков, Суми, Чернигов и Мариупол, изјави началникот на Центарот за контрола на националната одбрана на Руската Федерација, генерал полковник Михаил Мизинцев.
Во таа насока, рече тој, Русија има намера да спроведе 35 хуманитарни акции во регионите Киев, Суми, Харков и Керсон, како и во Доњецката и Луганската народна република и планира да подели 280 тони помош.
Како што прецизираше, веќе се спроведени 20 различни акции и досега се поделени 217 тони разновидна хуманитарна помош, а за тие потреби се собрани вкупно над 12.000 тони стока.
Тој исто така рече дека од почетокот на специјалната операција во Украина се евакуирани над 149.000 луѓе, од кои повеќе од 40.000 се деца.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Макрон: Израелските напади врз болница во Газа не можат да се толерираат

Францускиот претседател Емануел Макрон денес изјави дека израелските напади врз болница во Газа, кои предизвикаа смрт на цивили и новинари, се неприфатливи.
Макрон напиша на платформа X дека цивилите и новинарите мора да бидат заштитени во сите околности.
„Медиумите мора да можат слободно и независно да ја извршуваат својата мисија да известуваат за конфликти“, рече Макрон, повикувајќи го Израел да го почитува меѓународното право.
Тој истакна дека целта е да се постигне траен прекин на огнот во Појасот Газа, ослободување на сите преостанати заложници што ги држи Хамас и разоружување на таа палестинска милитантна група, како и испорака на хуманитарна помош во Газа.
Палестинските здравствени претставници објавија дека најмалку 20 лица се убиени во израелскиот напад врз болницата Насер, вклучувајќи пет новинари, спасувачи и здравствени работници, пренесува Танјуг.
Фото: принтскрин
Свет
Сакс: Европа треба да ги нормализира односите со Русија

Европските земји треба да ги нормализираат односите со Русија, што е во согласност со нивните национални интереси, изјави Џефри Сакс, директор на Центарот за одржлив развој на Универзитетот Колумбија во Њујорк.
„Ѝ реков на Европа: обединете се дипломатски и водете нормална дипломатија со Русија. Разговарајте, преговарајте и не зависете од САД, кои имаат сосема различни интереси, во овој поглед“, рече Сакс во интервју за „Хиндустан Тајмс“.
Сакс истакна дека Европа, особено Германија, има успешно искуство во економските односи со Русија.
„По 1991 година, Русија ја снабдуваше Германија со јаглеводороди, што му овозможи на Берлин да ја изгради својата тешка индустрија. Сепак, германската енергија повеќе не е во предност“, рече Сакс.
Според него, постојат бројни причини за европската политика на конфликт со Москва, од кои главната е што САД активно манипулираа со политичката средина во Европа со децении и сакаа да ја ограничат соработката на европските земји со Русија.
„Вториот фактор е моменталната русофобија. Сите мислат дека Русија ќе ја нападне Европа, што е најапсурдна идеја“, вели Сакс.
Тој додаде дека ваквите загрижености само ја зголемуваат зависноста на европските земји од американската воена помош.
Претседателот на Финска, Александар Стуб, претходно изјави дека во Европа се водат преговори за потенцијално продолжување на комуникацијата со Русија.
Унгарскиот премиер Виктор Орбан ги покани лидерите на европските земји, првенствено Германија и Франција, да одржат самит со Русија.
Министерот за надворешни работи на Шпанија, Хозе Мануел Албарес, призна дека Европа ја разбира потребата од обновување на односите со Москва.
Фото: принтскрин
Свет
(Видео) Голем пожар во пристаниште во Хамбург: одекнуваат експлозии, автопатот е затворен

Попладнево голем пожар избувна во пристаништето во Хамбург, најголемото во Германија. Густиот црн облак од чад над Хамбург може да се забележи од километри наоколу.
Експлозиите во складот активираа голем број полициски и противпожарни екипи во градот, парализирајќи неколку населби и автопати за време на шпицот, објави Билд.
🔥 Update Hamburg-Veddel:
Lagerhalle in Flammen, Gasflaschen explodieren – Feuerwehr mit Großaufgebot vor Ort.👉 Verletzte bestätigt
👉 A1 zwischen Norderelbe & Moorfleet voll gesperrt, lange Staus
👉 Polizei & Nina-App warnen vor Rauch#Hamburg #Großbrand #A1 #Veddel pic.twitter.com/nevMNjJsvu— Blaulichtreport-Deutschland (@BlaulichtDe) August 25, 2025
Во 15:31 часот беше пријавен пожар во складот. Наводно, автомобил се запалил во бродската компанија. Експлозии се слушнале од боци со гас, кои наводно содржат азотен оксид.
#BreakingNews
Massive fire in #Hamburg! Thick black smoke clouds drifted over the southeastern neighborhoods in Hamburg. Several warehouses are burning. Explosions were heard repeatedly. 🔥 https://t.co/fsb5SOGwPN pic.twitter.com/bzyuqJnuQ0— Stefan K. (@Nighttiger1) August 25, 2025
Според непотврдени информации, во пожарот има повредени, пренесува медиумот.
Полицијата го затвори пристаништето, а бројни противпожарни бригади беа испратени на местото на настанот, но не можеа да стигнат до пожарот поради експлозиите.
Фото: принтскрин