Свет
(Видео) Детално откриваме како функционира „железната купола“ на Израел која ги собори повеќето ракети како шега – никој во светот го нема ова
![](https://makfax.com.mk/wp-content/uploads/2024/04/Screenshot-2024-04-14-121456.jpg)
Што знаеме досега:
🔵Наставата е прекината во училиштата низ Израел, а компаниите ќе можат да работат „нормално“ со пристап до засолништа во случај на напад.
🔵Бајден разговараше со Нетанјаху во врска со иранскиот напад врз Израел
🔵Борел: ЕУ силно го осудува иранскиот напад врз Израел
🔵Нетанјаху: Пресретнавме, одбивме, заедно ќе победиме
🔵Иран предупреди дека неговиот одговор ќе биде „посилен и порешителен“ доколку Израел возврати по нападот
🔵Јордан и Ирак повторно го отвораат воздушниот простор
🔵Хамас го нарече нападот на Иран „природно право и заслужен одговор“
🔵Г7 попладнево ќе одржи состанок за нападите
🔵Макрон: Нападот на Иран против Израел се заканува да го дестабилизира регионот
Иран лансираше стотици беспилотни летала, крстаречки ракети и балистички ракети. Последните на оваа листа се и најопасни – дури и погодија една база. Израелците соборија беспилотни летала и крстаречки ракети прво со борбени авиони, а потоа и со познатата „железна купола“. Балистичките проектили беа соборени од системот „Стрела“. Наводно, јордански борбени авиони собориле и неколку десетици беспилотни летала, а можеби и неколку крстаречки ракети, пишува „Јутарњи лист“.
Системот за воздушна одбрана „Железна купола“ е еден од основните елементи на израелскиот одбранбен систем. Тој беше развиен од израелските компании „Advanced Defense Systems Rafael“ и Израелската воздушна индустрија, со финансиска и техничка поддршка од Соединетите Американски Држави, кои подоцна ги купија двата системи.
„Железната купола“ првпат беше поставена во 2011 година.
Гаранти за безбедност – „Давидова прашка“ и „стрела“
Со уште два системи – „Давидова прашка“, која штити од ракети со среден дострел и „Стрела“, која е одговорна за пресретнување и уништување на балистичките ракети кои би можеле да пристигнат од Иран – гарантира најголема можна безбедност од сите видови ракетни напади.
Iran missiles intercepted by the Iron Dome system… World War 3 pic.twitter.com/CCYSZpSyuK
— Peché Africa 🇿🇦 (@pmcafrica) April 14, 2024
Во март 2011 година, куполата беше поставена во јужниот град Бершева, на 40 километри од Појасот Газа, со цел да се запрат ракетите на Хамас кои беа дизајнирани по советските ракети „град“.
Секоја батерија има три фрлачи со 20 пресретнувачи кои многу брзо го бараат, лоцираат и го следат движењето на кое било тело во воздухот во радиус од четири до 70 километри. Трошоците за пукање на еден пресретнувач е нешто помалку од 50.000 долари.
Не пресретнува проектили кои не претставуваат ризик за луѓе или имот
„Железната купола“ се потпира на систем на радар и анализа за да утврди дали проектилот што доаѓа претставува закана и го вклучува пресретнувачот само ако проектилот што доаѓа претставува ризик да погоди населено место или важна инфраструктура.
Она што на системот му дава посебна вредност е тоа што не троши ракети-пресретнувачи за проектили кои не претставуваат закана за луѓето или имотот – приватни и стратешки. Пресретнувачот ја уништува ракетата во воздух и на тој начин ја елиминира заканата.
Системот лесно се прилагодува на новите ризици, па дури и на оние кои се уште не постојат физички на предната страна, но може да се очекуваат во догледна иднина.
Дали куполата може да пропадне?
Куполата е особено важна за јужниот дел на Израел, каде што овозможи секојдневниот живот да се одвива послободно и покрај постојаната закана од Појасот Газа.
Експертите наведуваат дека постои опасност системот да пропадне во случај на поодржлив масивен ракетен напад, бидејќи тогаш не можел доволно брзо да открие која од проектилите треба да биде пресретната бидејќи тие се насочуваат кон цели каде што можат да предизвикаат човечки жртви или материјална штета.
🔴(Видео) Анализа: Иран ја нарекуваат „држава-тврдина“, колку е моќна земјата што го нападна Израел?
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Свет
(Видео) Олимписки игри во Париз 2024: церемонијата на отворање започна со пловење по Сена
![](https://makfax.com.mk/wp-content/uploads/2024/07/Screenshot-2024-07-26-213525-1.jpg)
Олимписките игри во Париз беа свечено отворени со свечена церемонија која се разликува од сите досегашни, бидејќи парадата на најдобрите спортисти на планетата првпат не беше организирана на стадионот.
Овие, 33. Олимписки игри, беа отворени со пловење по реката Сена, каде што повеќе од 10.000 спортисти од светот во чамци им мавтаа на стотици илјади гледачи на брегот на познатата река што тече низ главниот град на Франција.
Со димни сигнали во боите на француското знаме, настапот на Лејди Гага, американската пејачка и стотици танчерки на бреговите и мостовите, првите натпреварувачи беа од Грција што испловија по Сена, што е обичај во најголемиот светски спортски настан, кој потекнува од таа европска земја.
Дожувувањето на стотици илјади гледачи низ Париз донекаде го расипа дождот, кој паѓаше цел ден во француската престолнина.
Регион
(Видео) Тешка сообраќајка во Грција: бебе меѓу загинатите
![](https://makfax.com.mk/wp-content/uploads/2024/07/Screenshot-2024-07-26-204400.jpg)
Тешка трагедија се случи во петокот попладне на автопатот Пиргос – Кипарисија, во близина на Месинија во Грција, кога четири лица, меѓу кои 12-месечно бебе и 13-годишно девојче, кои се наоѓале во два автомобили, загинаа во сообраќајма несреќа, пишува „Protothema“.
До несреќата дошло кога 39-годишниот камионџија, кој возел во правец на Кипарисија, од засега непозната причина изгубил контрола, излетал во спротивен правец и налетал на три возила, предизвикувајќи трагични последици.
Според написите, камионот всушност буквално ги стопил двете возила кои учествувале во несреќата. Противпожарната служба со 12 пожарникари ги извлекла настраданите.
Според информациите, во првиот патнички автомобил кој се судрил со камионот било семејство кое живее во странство и отпатувало за Нафплио за да се види со роднините и на одмор на Пелопонез. Во него се пронајдени мртви 38-годишен татко и 12-месечна ќерка, а повредени се 38-годишна мајка и нивниот шестгодишен син, кои се пренесени во болницата во Патра.
Од второто возило кое било заглавено под камионот извлечени се маж (50), девојка (13) и жена (60), кои се здобиле со тешки телесни повреди.
Повредени се и 25-годишен маж кој бил интубиран во Каламата, 39-годишен камионџија и 61-годишен маж, и двајцата се на лекување во болницата Кипарисија.
Затворен е магистралниот пат Пиргос – Кипарисија, а сообраќајот се пренасочува по заобиколен пат.
Свет
(Видео) Во Русија гори облакодер, има загинати меѓу кои и двегодишно дете
![](https://makfax.com.mk/wp-content/uploads/2024/07/Screenshot-2024-07-26-195828.jpg)
Пожар избувна во облакодер во градот Уљановск, соопшти прес-службата на регионалното Министерство за вонредни состојби.
„Според првичните информации, пожарот првично зафатил три стана на третиот кат“, се вели во соопштението. Загинаа двегодишно дете и уште едно лице, а три лица се повредени.
A powerful explosion took place in a high-rise building in the Russian city of Ulyanovsk
Three apartments in a residential building caught fire at once. Residents of the upper floors are waving their hands and asking for help from rescuers. An evacuation is underway.
According… pic.twitter.com/NNmcy6scfu
— NEXTA (@nexta_tv) July 26, 2024
Сите расположливи служби за итни случаи излегоа на терен и помагаат во евакуацијата. Со пожарот се борат вкупно 68 пожарникари со 22 возила. Повеќето од луѓето кои живеат во облакодерот се евакуирани.
🇷🇺 A high-rise building is on fire in Ulyanovsk.
A fire broke out on the third floor of a building on Korunkova Street. According to the Base, three apartments are on fire. The entrance was heavily smoky and all residents were evacuated from the house. pic.twitter.com/7JzpTz1sg5
— * (@V141NGs) July 26, 2024
Гувернерот на регионот Уљановск им нареди на раководството на Министерството за здравство и Министерството за социјален развој веднаш да излезат на местото на настанот за да ја координираат медицинската помош на жртвите и да ги решат прашањата за финансиска помош за жртвите.
Градските власти соопштија дека пожарот настанал по експлозија на плинска боца. „Некста“, канал на Х, пишува дека жителите од горните катови мавтале со рацете и побарале помош од спасувачите.