Македонија
(Видео) Сиљановска: Матичарите ми го згрешиле презимето
![](https://makfax.com.mk/wp-content/uploads/2019/04/гога.jpg)
Матичарите ми ги згрешиле презимето при уписот во книгата на родени. Моето моминско презиме е Силјановска, а запишана сум како Сиљановска, изјави кандидатката за претседател Годрана Сиљановска-Давкова и ја разреши дилемата околу нејзиното презиме. Недоумиците околу презимето се јавија откако на промотивните материјали за кампањата и билбордите моминското презиме на професорката излезе со „љ“, наместо со „лј“, како што се знаеше во јавноста.
„Во македонскиот литературен јазик правилно е со лј бидејќи Силјановска е точното презиме, еве да доближам како што е Силјан штркот. Но, кога родителите го внесувале презимето кај матичарите, направена е грешка и сум запишна како Сиљановска. Моето презиме по личната карта е тоа и затоа секаде моето презиме е испишано со љ. Можеби звучи чудно, но ќе размислам можеби ова грешка треба да се исправи“, рече Сиљановска-Давкова.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Сончево време со услови за дожд и грмежи попладне
![](https://makfax.com.mk/wp-content/uploads/2018/12/sonce-41217.jpg)
Времето денеска ќе биде сончево со мала до умерена облачност и со слаб до умерен ветер од променлив правец. Попладне ќе има услови за изолирана појава на нестабилност со краткотраен пороен дожд и ретки грмежи.
Минималната температура ќе биде во интервал од 11 до 20, а максималната ќе достигне од 27 до 33 степени.
Во Скопје сончево со мала до умерена облачност и со слаб североисточен ветер. Минималната температура ќе се спушти до 17, а максималната ќе достигне до 33 степени.
Утре ќе има преодно стабилизирање на времето. Од понеделник, под влијание на влажна и нестабилна воздушна маса, следува период на променливо облачно и посвежо време на повеќе места со пороен дожд, грмежи и засилен ветер.
Локално ќе има појава на невреме, со интензивен пороен дожд ( над 25 l/m2 за кратко време), грмежи, силен ветер (над 70 km/h) и појава на град, особено во вторник.
Македонија
Дождот не го изгасна целосно, но го стави под контрола големиот пожар во Мариово
![](https://makfax.com.mk/wp-content/uploads/2024/09/pozar-mariovo-2.jpg)
Дождот кој заврна попладнево помогна да се стави под контрола големиот пожар во Мариово, но сепак сѐ уште не е целосно изгаснат. Гори на неколку места со слаб интензитет, информираше вечерва директорот на Центарот за управување со кризи (ЦУК), Стојанче Ангелов.
„Дождот кој заврна во прилепско помогна во гаснењето на пожарот во мариовскиот крај. За жал с уште не е изгaснат целосно, има горење со слаб интезитет на неколку места“, информираат од Центарот за управување со кризи (ЦУК).
Временските прилики им помогнаа на лицата кои веќе една недела на терен учествуваа во борбата со огнената стихија, која беше со периметар од над 100-тина километри и зафати површина од околу 15.000 хектари. Под контрола се и останатите два пожара во прилепско.
Македонија
За една недела 25 нови случи на голема кашлица
![](https://makfax.com.mk/wp-content/uploads/2024/02/IJZ-testovi-golema-kaslica.jpg)
Институтот за јавно здравје (ИЈЗ) информира дека од 30 август до 5 септември во Македонија пријавени се 25 нови случаи на голема кашлица, што е за 47,1% повеќе во споредба со претходниот седмодневен период, кога беа регистрирани 17 новозаболени.
Најголем број заболени се во Скопје -14 каде случаи се регистрирани во сите скопски општини; во Тетово – 5, Кратово – 3, Куманово – 2 и еден случај во Крива Паланка.
„Возраста на заболените се движи од 1 месец до 60 години, а најголем број на случаи се од возрасната група под една година. Во однос на вакциналниот статус на заболените, 18 лица се некомплетно вакцинирани, невакцинирани или имаат непознат вакцинален статус, 6 се комплетно вакцинирани и еден е вакциниран согласно возраста. Од новите случаи 5 заболени се хоспитализирани“, велат од Институтот за јавно здравје.