Рекордни 1.424 нови случаи на коронавирус се пријавени во последните 24 часаво Хрватска, а 11 лица починале, објави Националниот штаб за цивилна заштита.

Во моментов, 622 пациенти се во болница, а 38 се на апарати за дишење. Бројот на активни случаи е 6.459.

Од 25 февруари, кога е регистриран првиот случај во Хрватска, регистрирани се 28.287 лица заразени со коронавирус, од кои 393 починале. Вкупно оздравеле 21.435 луѓе, од кои 473 во последните 24 часа.

Во моментов има 24.242 лица во самоизолација.

До денес се тестирани вкупно 411.947 лица, од кои 5.428 во последните 24 часа.

Ова е трет пат во една недела бројот на новозаболени на дневна основа да надминува илјада.

И покрај полицискиот час и новите владини мерки, во Словенија е регистриран рекорден број новозаразени со коронавирус – 1.503.

Во последните 24 часа биле тестирани 5.891 лице, од кои 1.503 биле позитивни. „И покрај сите мерки, вирусот сè уште се шири брзо во Словенија и овие бројки се нов рекорд“, наведуваат медиумите.

Бројот на активни случаи во Словенија сега се зголеми на 8.860.

Уште осум лица починаа, што го зголеми вкупниот број на смртни случаи од коронавирус во Словенија на 200, пренесува РТВ Словенија.

Во Словенија синоќа имаше полициски час, прв воведен во Словенија откако поранешната ју-република стана независна.

Владата рече дека ќе има повеќе од 1.100 новозаразени, а медиумите се вртеа околу 1.323. Сепак, дури и најтемните прогнози се покажаа како „мали“ во однос на официјалната бројка од над 1.500 новозаразени лица.

САД можат да го пренесат Вториот оклопен полк на копнената војска од Германија во друга европска земја поблизу до Русија, рекол шефот на Пентагон, Марк Еспер, кој додал дека за тоа се воделе преговори со Полска, Романија и Бугарија, како и со балтичките држави, пренесе „Спутник“.

„По потпишувањето на договорот со Полска за соработка во областа на одбраната, моите неодамнешни средби со министрите од Романија и Бугарија, како и писмата добиени од балтичките држави, се појави можноста за пренесување на Вториот оклопен полк во некоја од тие земји“, рече Еспер, говорејќи на онлајн семинар во Атлантскиот совет во Вашингтон.

Според него, овие мерки се неопходни за алијансата со цел да се „ограничи Русија“.

Американскиот министер за одбрана ги објави и плановите на САД да го зголемат бројот на ракети со среден и краток дострел во Европа и Азија. Според него, тоа е поврзано со зголемувањето на бројот на такви ракети во Русија и Кина, како последица на кршењето на Договорот за ликвидација на ракети од среден и краток дострел.

Администрацијата на американскиот претседател планира да повлече околу 9.500 војници од базите во Германија, вклучително и ловците Ф-16, што беше критикувано дури и од соборците на Трамп, сметајќи го за „подарок за Русија“ и закана за американската национална безбедност.

Во моментов Американците имаат повеќе војници во Германија отколку во која било друга земја во светот, освен Јапонија – околу 35.000. Германската база Рамштајн е логистичка точка и за американските трупи во други бази, вклучувајќи го и Бондстил на Косово.