Македонија
(Видео) Шекеринска: Крај за десороизацијата, нема дополнителен данок за невладините
![](https://makfax.com.mk/wp-content/uploads/2019/05/shekerinska.jpg)
Владата дала позитивно мислење, а Собранието донело автентично толкување на законот со кое се појаснува дека граѓанските организации не треба да плаќаат дополнителни средства во буџетот за активности кои се нивна основна дејност. Ова следува откако во 2016 година пред Државната изборна комисија, Никола Груевски повика на таканаречена „десоросоизација“, а инспекции беа испратени во голем број невладини организации кои беа критички настроени кон тогашната власт и им беа одредедувани огромни суми парични казни. Министерката за одбрана Радмила Шекеринска изјави дека преку ваквата „злоупотреба на институциите, Владата на Груевски сакала да ги замолчи, казни и да ги уништи финансиски сите граѓански организации кои не ги делеле ставовите на тогашната власт“.
„Казни им беа наплатени затоа што носеле државни службеници на обука на конференции, а не плаќале дополнителни даноци, за нешто што е нивна основна дејност и за што соработувале дури и со државните институции. Сега, автентичното толкување појаснува дека граѓанските организации не требале да плаќаат дополнителни средства во буџетот за тие активности. Ова толкување докажува дека Владата не сака да остава сиви зони со кои денес или утре било кој може да го уценува, притиска или да манипулира. Со оваа одлука се стави крај на злоупотребата на институциите од ваков режимски карактер и ставаме точка на овој прогон наречен „ноќ на долгите ножеви“, која реално нашата држава ја претстави во светло на најлошите автократски режими“, рече Шекеринска.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
(Видео) Полициските хеликоптери исфрлија над 120 тони вода врз пожарите кај селото Тажево и „Јасен“
![](https://makfax.com.mk/wp-content/uploads/2024/07/Screenshot-2024-07-26-203439.jpg)
Денеска Одделот за воздухопловни единици при МВР учествуваше со два хеликоптери во гасење на пожарот во реонот на Јасен.
Во 62 налети исфрлени се преку 120 тони вода со што успеа да се локализираат новите реактивирани краци на пожарот и да се спречи прошорување на пожарот кон селото Брезница , селото Тажево и националниот парк Јасен.
Македонија
Пронајдено детето од Скопје кое беше пријавено дека се оддалечило од домот
![](https://makfax.com.mk/wp-content/uploads/2023/02/policija-5.jpg)
Вечерва околу 19.20 часот полициски службеници од СВР Скопје го пронајдоа осумгодишното дете за кое денеска околу 18.40 часот неговата мајка С.Н. во ПС Карпош пријави дека околу 17 часот се оддалечило од домот.
Веднаш по добиената пријава, полициски службеници од СВР Скопје ги презеле сите неопходни мерки и активности и детето било пронајдено во добра здравствена состојба и ќе биде предадено на родителот, соопшти МВР.
Македонија
На Табановце за влез во државата се чека околу еден час
![](https://makfax.com.mk/wp-content/uploads/2022/07/tabanovce.jpg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е зголемен. На ГП Табановце за влез во државата се чека е околу 1 час. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани –Делчево.
Од 1 јули до 31 август на државните патишта во Македонија се воведува летен времен режим на сообраќај со кој се забранува движење на тешки товарни возила со вкупна маса над 15 тони, за време на деновите од викендот и за денови при екстремно високи температури.
Термините се следни:
– петок од 17:00 – 22:00 часот,
– сабота од 09:00 до 18:00 часот и
– недела од 09:00 до 22:00 часот.
На магистралниот пат А2 делница: Скопје – Охрид – Скопје се забранува движење на тешки товарни возила чија вкупна маса преминува 7,5 тони за време на викендите, во следните интервали:
– петок од 15:00 – 22:00 часот,
– сабота од 07:00 до 12:00 и од 18:00 до 24:00 часот и
– недела од 07:00 до 22:00 часот.