Контакт

Македонија

(Видео) Повеќе од 90 отсто од родителите се согласуваат да се воведе сексуално образование

Објавено пред

Близу 90 отсто од родителите се согласуваат да се воведе сеопфатно сексуално образование во основните училишта, покажуваат резултатите од истражувањето што го спровела Асоцијацијата за здравствена едукација и истражување „ХЕРА“. Во телефонското истражување биле анкетирани 800 родители/старатели за препораките на УНЕСКО-моделот на сеопфатното сексуално образование да ги вклучи темите кои треба да бидат изучувани во образовниот систем. Според овие препораки темите кои ССО треба да ги опфати се род, врски и односи, тело и слика за своето тело, сексуално и репродуктивно здравје, сексуалност, насилство и граѓански аспекти.

„Позитивно сме изненадени од високиот процент на родители кои се согласија со сите 12 прашања на спроведената анкета. Очигледно е дека родителите ја разбираат потребата од едукација на нивните деца. Кога пред неколку години имаше слична иницијатива, од Бирото за образование не се согласија да се почне со пилотирање на ССО затоа што сметаа дека ќе наиде на отпор кај родителите. Се надеваме дека до почетокот на пилот-програмата, која треба да почне идната година во 4 училишта, ќе се направи добра методологијата за наставата, како и оформување на образовен кадар за оваа тема“, рекоа од „ХЕРА“ на денешната прес-конференција.

Најголема согласност во 95 отсто постои за теми поврзани со заштита од насилство врз жените, сексуално насилство и насилство на социјалните мрежи, услуги и медицинска помош при ризик од сексуално преносливи инфекции и ХИВ, заштита од несакана бременост, механизми за заштита на сексуални и репродуктивни права, промени во пубертетот. Иако со виско процент, односно 82 отсто, најмала согласност од понудените теми родителите покажуваат за значењето и давање согласност на партнерот/ката при влегување во сексуален однос, особено првиот.

„Наодите од истражувањето и одлуката на Владата за пилотирање на програма за сексуално образование во основните училишта се само уште еден доказ за подготвеноста на креаторите на политиките и родителите за конечно воведување на сексуално образование во наставата“, велат од „ХЕРА“.

Училиштата во кои е предвидено да почне пилот-програмата ќе бидат две во градска и две во рурална средина и истите ќе бидат со мешан етнички состав на ученици.

Македонија

Заев: Работата на комисијата за соработка со Русија е добра основа за оптимизам

Објавено пред

Новата динамика на работата на Меѓувладината комисија за соработка меѓу Северна Македонија и Руската Федерација е добра основа за оптимизам за продлабочување на односите, изјави премиерот Зоран Заев кој денеска се обрати на Бизнис Форумот посветен на соработката меѓу претставниците на деловните заедници од нашата земја и од Русија.

На форумот, на кој покрај бизнисмени од Русија, учествува и заменик министерот за индустрија и трговија на Руската Федерација, Алексеј Груздев, кој истовремено ќе претседава со руската делегација која денеска и утре ќе учествува на 9-тата сесија на Меѓувладината комисија за трговско-економска и научно – техничка соработка меѓу Македонија и Руската Федерација.

Во своето обраќање премиерот Заев нагласи дека односите меѓу Република Северна Македонија и Руската Федерација се традиционално пријателски и нив ги карактеризира позитивен дух, но и одреден неискористен потенцијал, кој треба да биде одредница за тоа во кој правец би требало да се движат односите во економската соработка во иднина.

„Во таа насока особено радува фактот дека во дијалогот во Меѓувладината комисија за трговско-економска и научно – техничка соработка меѓу Република Северна Македонија и Руската Федерација, од оваа година е внесена нова динамика. Тоа е добра основа за оправдан оптимизам за продлабочување на соработката“, истакна премиерот Заев и додаде дека како поткрепа на овој оптимизам е и фактот дека двете страни во комисијата, се договориле освен досегашните области за соработка во енергетиката, транспортот, и земјоделството, соработката да се прошири и во други области, како и да се формираат посебни работни групи за сите области, што најавува многу конкретна работа и ефикасно донесување одлуки од интерес на двете земји и на нашите граѓани.

Премиерот Заев во обраќањето на македонско-рускиот бизнис форум, на кој Владата на Северна Македонија ја претставуваат и заменик претседателот во владата задолжен за економски прашања Кочо Анѓушев и министерот за земјоделство, шумарство и водостопанство Трајан Димковски, потенцираше дека извозот на стоки од Република Северна Македонија во Руската Федерација може да биде многу поголем и тоа, заедно со застојот на директните странски инвестиции од Руската Федерација во нашата земја, сосема природно укажува на насоките каде треба да се развива соработката меѓу двете земји.

„Ќе издвојам една од областите што нудат нови можности за соработка – Енергетиката. Посебни потенцијали во оваа област се отвораат со изградбата на примарната инфраструктура за гасификација, по што следуваат можности за инвестирање и партнерство во проектирањето и изградбата на дистрибутивниот систем на природен гас на целата територија на нашата земја“ истакна премиерот Заев, и додаде дека огромни се потенцијалите што лежат во туризмот и во земјоделството, како и традиционалните добрата соработка во културата и образованието.

Вицепремиерот задолжен за економски прашања Кочо Анѓушев во своето обраќање истакна дека економската соработка почнува со човечката релација и со запознавањето на стопанствениците меѓу себе на бизнис конференции каква што е оваа денеска во Скопје. Тој посочи дека посебно малите држави како што е Република Северна Македонија мора да бидат економски отворени кон светот, ако сакаат да просперираат.

“Апелирам до сите стопанственици во нашата држава да препознаат дека Русија е голем пазар, кој што може да апсорбира нови производи и да воспостават колку што може повеќе комуникација и денешниот ден да го искористат за зголемување на таквата можна соработка. Денеска имавме и билатерален состанок, на којшто ја отворив темата да видиме како македонските производи да стигнат подиректно и побрзо до рускиот пазар. Ние имаме земјоделие кое може да произведе квалитетни производи во делот на овошјето и зеленчукот, но и во делот на преработувачките капацитети. Во таа смисла ги поканивме големите ланци на маркети и трговци со земјоделски производи да отворат еден дистрибутивно продажен центар на собирање на земјоделски производи и ќе ги обезбедиме сите услови од наша страна, доколку имаат интерес тоа да го направат. Тие тоа го земаа како едно наше барање и се надевам дека таквата иницијатива ќе роди со плод. “ изјави Анѓушев.

Претседателот на македонскиот дел од Меѓувладината комисија за соработка меѓу Северна Македонија и Руската Федерација, министерот за земјоделство, шумарство и водостопанство Трајан Димковски, истакна дека очекува дека денеска и утре во Охрид, ќе се отворат нови насоки за натамошно продлабочување на економската соработка меѓу двете земји, после пет години стагнација во работата на комисијата.

„Во периодот јануари-септември 2019-та остварен е извоз на земјоделско прехранбени производи во Руската Федерација во вредност од 21,8 милиони долари, наспроти 15,1 милиони долари истиот период 2018-та година, што претставува зголемување од 44 отсто. Најголем дел од извозот отпаѓа на јаболката или 27,2 отсто, потоа праски, домати свежи или разладени, цреши и тутун. Во делот на земјоделството, овие позитивни показатели се резултат и на постојаната комуникација на македонските надлежни институции со надлежните служби од Руската Федерација. Агенцијата за храна и ветеринарството имаше интензивна соработка со руската Россељхознадзор – Службата за ветеринарен и фитосанитарен надзор на Руската Федерација. Очекувам нивната соработка да продолжи и во наредниот период, со проширување на аранжманот на производи кои се извезуваат во Руската Федерација како и зголемување на бројот на објекти од Република Северна Македонија кои ги исполнуваат неопходните гаранции за извоз“, рече во обраќањето на Бизнис Форумот посветен на соработката меѓу претставниците на деловните заедници од нашата земја и од Руската Федерација.

Прикажи повеќе...

Македонија

В сабота Марш за толеранција на различностите во образованието

Објавено пред

По повод Меѓународниот ден на толеранцијата, Хелсиншкиот комитет за човекови права в сабота ќе го организира единаесеттиот Марш на толеранцијата. Маршот ќе почне во 12 часот пред Музејот на град Скопје, преку улицата Македонија, до крајната точка на платото пред Универзитетот на ЈИЕ во Старата скопска чаршија.

„Образованието и младите ќе бидат во фокусот на годинешното одбележување на Меѓународниот ден на толеранцијата. Причините се сериозни и секојдневно видливи – најчести извршители и жртви на злосторства од омраза се малолетни лица, а подемот на меѓуврсничкото насилство дополнително се зголемува со користењето на социјалните мрежи. Намалената толеранција на младите кон различностите е резултат на повеќе околности во општеството, но образованието се издвојува како еден од најпроблематичните фактори со оглед на неговото клучно влијание во изградбата на ставовите и светогледот на младиот човек“, велат од Хелсиншкиот комитет.

И покрај обемната материја со која се оптоварени децата и младинците во образовниот процес, велат од таму, училиштето сепак ги лишува од клучни животни вештини, од кои потоа зависат кохезијата на целото општество и иднината на цели генерации. Младите, додаваат од Хелсиншкиот, речиси и не се оспособуваат за критичко мислење.

„Учебниците и наставните програми се полни со дискриминаторски содржини, кои само ги зацврстуваат вкоренетите стеретотипи и предрасуди. Целосно е занемарена важноста од едукација за ненасилно разрешување конфликти. Долгогодишното игнорирање на потребата од сеопфатно сексуално образование ги направи младите дополнително затворени, ранливи и подложни на насилство. Исто така, неинформираноста на младите, но и нивното опкружување, раѓаат предрасуди и нетрпеливост во однос на децата со попреченост и нивното вклучување во редовното образование“, се вели во најавата за маршот.

Од Хелсиншкиот комитет велат дека в сабота ќе побараат вистински да се активира декларираната политичка волја за квалитетно и сеопфатно образование.

„Ќе апелираме за темелни промени во образовниот процес и содржини што ќе соодветствуваат со времето во кое живееме и со реалните потреби на младите луѓе. Ќе ги повториме многупати изречените пораки за прочистување на наставните материјали од содржини што дискриминираат и ја оправдуваат нетолеранцијата помеѓу различните групи и поединци. Ќе побараме континуирана надградба на наставниот кадар. Ќе порачаме дека образованието не смее да биде терен за перпетуирање на мислења и ставови што предизвикуваат омраза, поделби и насилство. Ќе побараме суштински пресврт во образовните политики, кој ќе ги зајакне и научи младите како да се справуваат со животните предизвици – но, на хуман, толерантен и ненасилен начин, со штитење на личното и туѓото достоинство и живот“, велат од Хелсиншкиот комитет.

Прикажи повеќе...

Македонија

Планот за заштита на Охридскиот Регион предвидува зонирање и забрана за градење

Објавено пред

Во Охрид и Струга вчера беа презентирани деталите содржани во нацрт-планот за управување со природното и културното наследство во Охридскиот Регион и Стратегиската оцена на животната средина за периодот 2019-2028 година, со цел заштитата на регионот како културно-историското богатство и природна реткост признаена од УНЕСКО.

По презентациите следуваа дискусии во кои јавноста имаше можност да ги искаже своите мислења, забелешки и предлози во однос на документите.

Државниот секретар во Министерството за животна средина и просторно планирање, Ана Петровска, истакна дека планот претставува исчекор напред оттаму, што предвидува зонирање во самиот простор, што ќе овозможи соодветни мерки за негова заштита.

„Тоа значи воспоставување заштитен појас од 50 метри (прва заштитна зона со две подзони – Зона А и Зона Б) од границата на катастарската парцела Охридско Езеро. Заштитните мерки ќе се утврдуваат со интегиран пристап преку урбанистички план од државно значење“, рече Петровска.

Планот предвидува во првата А-зона да не се дозволува градење со цел задржување на крајбрежната функционалност на езерото и зачувување на квалитетот на езерото, а во првата Б-зона се задржуваат изградените објекти, но со тенденција на зголемување на површината од зоната А за да се подобри вкупната крајбрежна функционалност во согласност со рамковната директива за води.

По однос на забелешките на некои од еколошките задруженија, експертска јавност дека се носи план за управување, без притоа да се донесат соодветни законски решенија за Охридското Езеро, без студија за Студенчишкото Блато, за управувањето со Националниот парк Галичица, со сливното подрачје на Охридското Езеро и слични документи, Петровска е категорична дека доколку се чека на спроведување сите потребни процедури, а потоа се носи план, Охридското Езеро никогаш нема да добие соодветна и неопходна заштита.

„Ние треба итно да го направиме планот и да го усогласиме со сите фактори за што впрочем е и организирана оваа јавна расправа. Доколку се прават промени во зонирањето по донесувањето на планот, тој ќе биде ревидиран и усогласуван. Потребата за ревидирање на планот во случај кога ќе се има потреба да се ревидира зонирањето се утврдува преку соодветни преодни одредби“, рече таа.

Самиот план треба да ја даде рамката за управување со регионот, но со него управуваат институциите, но и граѓаните што имаат свое земјиште и објекти во планот.

„Доколку тој се почитува, имаме добра основа, да ѝ помогнеме на Комисијата за управување со природното и културното наследство да може да носи одлуки. Планот овој пат е толку експлицитен што во согласност со мерките што ги утврдува документот, Комисијата точно ќе може да издава дозвола за градба“, рече Петровска.

Попладнево јавната расправа по нацрт-планот за управување со природното и културното наследство во Охридскиот Регион и Стратегиската оцена на животната средина продолжи во Струга.

Самиот нацрт-план на 20 октомври е испратен до УНЕСКО, така што се очекува повратна информација по однос на документот со нивно мислење. По одржувањето на јавните расправи, процедурата понатаму предвидува разгледување на реалните забелешки, од кои некои би биле интегрирани во документот по што таквиот усогласен план би бил доставен на усвојување до Владата и во февруари в година до УНЕСКО.

Прикажи повеќе...

Најново

Македонија2 часа

Нападнати двајца новинари во близина на угостителски објект во Скопје

Двајца новинари синоќа биле физички нападнати од страна на неколку 20-годишни лица. Од МВР информираа дека нападот се случил на...

Македонија2 часа

Сведочење на полицаец: Проверив 78 луѓе од Избирачкиот список, ниту еден не беше на пријавената адреса

Полицаецот Агрон Кранлиевски од Ресен во предметот „Титаник“ на СЈО сведочеше дека во 2012 година правел проверки на живеалишта на...

Македонија3 часа

Контрола на автобуси и комбиња во Тетово – 14 возеле патници со неисправни сопирачки, 8 без технички преглед

Вчера, во Тетово, била спроведена акциска контрола за техничка исправност на возилата што вршат јавен превоз на патници, најмногу автобуси...

Македонија3 часа

Заев заедно со Мицотакис и Борисов учествува на самит во Солун

Претседателот на Владата, Зоран Заев, денеска учествува на годинашниот самит во Солун, кој е под покровителство на претседателот на Република...

Свет4 часа

Насилството во Хонгконг ескалира: демонстрантите со стрели ги гаѓаат полицајците

Полицијата во Хонгконг соопшти денеска дека демонстрантите со стрели ги гаѓале полицајците што патролирале во близина на Политехничкиот универзитет, а...

Европа4 часа

(Видео) Вонредна состојба во Венеција

Италијанската влада денеска ќе прогласи вонредна состојба поради поплавата во Венеција со цел што побргу да се мобилизираат средства за...

Македонија5 часа

Едно од девет возрасни лица во Северна Македонија има дијабетес

Во Северна Македонија едно од девет возрасни лица има дијабетес или околу 175 илјади луѓе, објави Асоцијацијата за детски дијабетес на...

Регион16 часа

Полициско куче откри рекордна количина хероин во Словенија, вредна речиси 90 милиони евра

Словенечката полиција и цариниците заплениле 730 килограми хероин во пристаништето Копер, што е најголема количина хероин запленета во историјата на...

Свет16 часа

(Видео) Трамп: Се обидуваат да ме спречат

Ова е најголема измама во историјата на американската историја, порача американскиот претседател Доналд Трамп, во врска со почетокот на јавните...

Македонија17 часа

(Видео) Пендаровски: Реформите се потребни за да ја вратиме довербата на граѓаните

Функционалната правна држава е основен услов за опстанок на поредокот и неговиот одржлив развој. Реформите во сферата на владеењето на...

Регион17 часа

Страшна сообраќајна несреќа во Словачка, најмалку 12 загинати и 20 повредени

Најмалку 12 лица, од кои четири деца, загинаа денеска во судир на автобус и камион во западниот дел на Словачка....

Македонија19 часа

(Видео) Заев-Мас: Да се изнајде начин што побрзо до позитивна одлука за Северна Македонија

Претседателот на Владата, Зоран Заев и министерот за надворешни работи на СР Германија, Хајко Мас изразија жалење за одлуката на...

Македонија22 часа

„Никофон“ платил 1.800 место 5.000 денари за квадрат за гаражата кај „Аутомакедонија“, Центар бара раскинување на договорот

Заедно со граѓаните до крај ќе се бориме кај „Аутомакедонија“ да не се изгради катна гаража, туку парцелата да им...

Македонија23 часа

(Видео) Зеќир Рамчиловиќ изгласан за потпретседател на Собранието

Со 62 гласа „за“, 16 „против“ и без воздржани, пратеникот Зеќир Рамчиловиќ е изгласан за потпретседател на Собранието. За оваа...

Македонија1 ден

Во Швајцарија уапсени членови на „Пинк Пантер“, меѓу кои и еден Македонец, ограбиле златарница

Швајцарската полиција уапси двајца црногорски државјани, двајца германски државјани, едно лице од Босна и Херцеговина и едно од Северна Македонија...

Македонија1 ден

Груевски нема да одговара за „Траeкторија“ поради застареност на делото

Експремиерот во бегство, Никола Груевски, нема да одговара за кривичното дело во предметот „Траекторија“, кое се однесува на изградбата на...

Македонија1 ден

Закажано првото рочиште за „Рекет“

Првото рочиште за предметот „Рекет“, во кој се обвинети Бојан Јовановски – Боки 13, поранешната специјална обвинителка, Катица Јанева, и...

Македонија1 ден

Заев: „Југохром“ ќе биде затворен додека не се стават филтрите

„Југохром,“ додека не се стават филтрите, нема да функционира, истакна премиерот Зоран Заев пред вчерашната владина седница во Тетово зборувајќи...

Европа1 ден

(Видео) Венеција под вода, регистриран вториот најголем бран во историјата

Венеција е погодена од вториот најголем бран на плима во историјата, кој ја поплави историската базилика и многу од градските...

Македонија1 ден

Игор Јанушев ќе биде шеф на изборниот штаб на ВМРО-ДПМНЕ

Извршниот комитет на ВМРО-ДПМНЕ на синоќешната седница едногласно одлучи генералниот секретар Игор Јанушев да биде шеф на Републичкиот изборен штаб...

Досие