Шпанската Влада најави дека планира да воведе најстроги регулативи во Европската Унија за ограничување на онлајн огласувањето на обложувалниците.

Рекламирањето за обложување, особено спортското, во последните години во Шпанија нагло расте и доминира во рекламите за време на фудбалските натпревари, пренесе АП.

Според министерот за потрошувачка Алберт Гарсон, планираните мерки ќе влијаат на рекламите на интернет, телевизијата и спортските настани, а  со цел запирање на околу 80 проценти од тековните рекламни огласи за обложување преку интернет.

Законот ќе ги ограничи рекламите за обложувања на телевизиите меѓу 1 и 05 часот наутро, освен за време на спортски настани, кога тие можат да бидат прикажани само по 20 часот.

За време на викендите, пак, многу фудбалски натпревари зпочнуваат пред 20 часот.

Освен тоа, на познати забавувачи или спортски ѕвезди ќе им биде забрането да учествуваат во реклами за обложување.

На обложувалниците ќе им биде забрането да им наплаќаат на спортските стадиони за да ги рекламираат, а на тимовите спонзорирани од нив ќе им биде забрането да продаваат дресови со детски големини со името на обложувалницата.

Маж е уапсен по нападот со ладно оружје во џамија во центарот на Лондон во кој едно лице е повредено, соопшти лондонската полиција.

„Еден човек беше уапсен на лице место и осомничен за обид за убиство“, соопшти полицијата, додавајќи дека 70-годишен маж е повреден во инцидентот.

Нападнатиот маж е пронајден со повеќе повреди кога пристигнала брза помош и е однесен во болница од каде се наведува дека неговиот живот не е загрозен, јави Би-би-си.

Според очевидци, нападнат е мујезинот кој ја предводел молитвата.

Полицијата не верува дека станува збор за терористички напад.

Германскиот весник „Билд“ објави дека напаѓачот, кој во градот Ханау во Германија синоќа со огнено оружје уби девет луѓе, е радикален десничар идентификуван како Тобијас Р.

По масакрот, полицијата го пронашла напаѓачот мртов во својот дом, каде што било пронајдено уште едно тело. Покрај неговото тело било пронајдено писмо, кое, како што објави „Билд“, било конфузно, но во него можеле да се забележат очигледни екстремно десничарски политички ставови.

Нападот се случи синоќа во два наргиле-бара во градот во близина на Франкфурт. Напаѓачот е германски државјанин.

Според првичните информации, некои од жртвите се Курди. Во текот на денот би требало да бидат познати повеќе информации, како и мотивот за нападот. Исто така, не е позната возраста на напаѓачот, ниту чие е телото што било пронајдено до него.

Полицијата соопшти дека истрагата е во тек.