Контакт

Истрага во МНТ

Полицијата влезе во МНТ, под истрага работата на ексдиректорот Дејан Пројковски

Објавено пред

Екипи од МВР минатата недела зедоа документи од правната служба на најголемата театарска национална куќа МНТ поради сомневање дека во периодот од 2015 до 2017 се вршени незаконски дејства кои го оштетиле буџетот, дознава „Макфакс“. Инспекторите од одделот за организиран криминал постапуваат по пријавата на Министерството за култура, кое имало индиции дека режисерот и поранешен директор Пројковски ја злоупотребил службената должност, вршел сомнителни јавни набавки и ненаменски потрошил средства во висина на 150.000 евра.

Под истрага е и наследникот на Пројковски, кој му потпишал решение за вработување и распределба на уште едно работно место, а полицијата ги побарала и тие документи. Решението за работното место режисер, односно распределба што не ги поминала правните регулативи, за Пројковски го потпишал Драган Спасов – Дац. На овој начин Пројковски добил две работни места, уметнички директор и режисер.

Како што дознаваме, МВР во моментот ги прибира и ги анализира документите и во интерес на истрагата до првичните сознанија нема да споделува информации со јавноста.
Според наши извори, тие побарале документи за увид во движењето на кариерата на поранешниот директор Дејан Пројковски и за вршење на јавните набавки во периодот од 2015 до 2017 година“.

МВР постапи по втората пријава на Министерството за култура по барање на раководителката на МНТ, Симона Угриновска, која ги утврдила неправилностите. Од Државниот завод за ревизија, иако биле повикани да направат увид во состојбата, одговориле дека немаат време.

Проблемите што долго време ја тресат најголемата национална куќа, а за кои никој не проговори јавно дури и по назначувањето на директорот Драган Спасов – Дац, кој со оваа куќа раководеше по Пројковски, се отворија по оставката на режисерот Александар Поповски од местото претседател на Управниот одбор во МНТ.
Како вршител на должност до јануари 2018 (неполни 6 месеци) Дац не ги алармирал надлежните за злоупотребите во МНТ, а како што дознаваме, наследениот долг од неговиот претходник бил дури и зголемен.

Сомнежите можеби ќе се провлекуваа и натаму и ќе останеа само во кулоарите на актерските кругови и колективот на МНТ, но во јуни режисерот Александар Поповски си даде оставка од местото претседател на Управниот одбор во МНТ и ги повика институциите да ги расчистат сомнежите.
Тогаш тој изјави дека и по цела една година од кога е формиран овој Управен одбор, сè уште нема ниту најава дека членовите ќе почнат да се занимаваат со проблемите што ја тресат оваа наша национална театарска куќа.

Исто толку време, според него, се чекало на распишувањето конкурс за нов директор и за назначување нов уметнички раководител поради нејасниот статус на работното место на неговиот колега Дејан Пројковски, кој по поднесената оставка на местото директор, во систематизацијата на МНТ фигурира и како режисер и како уметнички директор. Згора на тоа, Поповски реагира и на други проблеми со вработувањата и уште многу нелогичности, со што дополнително се парализира работата на МНТ.

Работата на Управниот одбор била отежната и од нерасчистена ситуација во однос на моментните финансиски обврски на театарот кон доставувачи врз основа на претходно склучени договори за јавни набавки на стоки, услуги и обврски за комуналии во периодот 2015-2017 година кога со куќата ракводеше Пројковски. Основаните сомненија дека ненамнески се потрошени 150.000 евра се само дел од финансиските проблеми со кои се соочил МНТ по заминувањето на Пројковски.

Ова сума била утврдена од правната служба на МНТ и од страна на независна ревизија, а по барање на Управниот одбор и сегашниот в.д. директор Симона Угриновска. За ова биле известени Министерството за култура и службите на МВР.

Истрага во МНТ

Заврши предистражната постапка за Пројковски, се чека конечна одлука од ОЈО

Објавено пред

Надлежниот обвинител од Основното јавно обвинителство за гонење организиран криминал и корупција, во моментов ги анализира доказните материјали што беа прибавени во текот на предистражната постапка против поранешниот директор на Македонскиот народен театар Дејан Пројковски, а по сеопфатна анализа ќе биде донесена мериторна јавнообвинителска одлука, одговорија од ОЈО за „Макфакс“.

Основното јавно обвинителство шест месеци прибираше  документацијата по пријава од инспекторите на МВР а која се однесува на сомнежи за незаконски дејствија што се вршени од 2015-2017 година и за злоупотреба на службената должност од страна на поранешниот директор Пројковски со што буџетот на Македонскиот народен театар е оштетен за 150.000 евра.

Екипите на МВР во правната служба на најголемата театарска национална куќа МНТ влегоа во август годинава. Инспекторите од одделот за организиран криминал постапуваа по пријавата на Министерството за култура, кое имало индиции дека режисерот и поранешен директор Пројковски ја злоупотребил службената должност, вршел сомнителни јавни набавки и ненаменски потрошил средства во висина на 150.000 евра.

Од анализите на документите од јавните набавки што ги направил адвокатот на МНТ, Жарко Стевовски, беше констатирано дека во МНТ се трошело на големо и со сомнителна законитост.

Прикажи повеќе...

Истрага во МНТ

Злоупотребите на Пројковски од МНТ веќе четири месеци во предистрага на ОЈО

Објавено пред

Основното јавно обвинителство и по четири месеци од прибирање на документацијата по пријава од инспекторите на МВР а која се однесува на сомнежи за незаконски дејствија што се  вршени од 2015-2017 година и за  злоупотреба на службената должност од страна на поранешниот директор Дејан Пројковски со што буџетот на Македонскиот народен театар е оштетен за 150 000 евра, случајот го води во предистражна постапка и не споделува информации за истиот.

„Надлежен јавен обвинител постапува во насока на утврдување на фактите. Со оглед на тоа што станува збор за предмет што се наоѓа во фаза на предистражна потапка, во моментов не сме во можност да споделиме повеќе детали“, одговорија за „Макфакс“ од ОЈО.

Екипите на МВР во правната служба на најголемата театарска национална куќа МНТ  влегоа во август годинава. Инспекторите од одделот за организиран криминал постапуваа по пријавата на Министерството за култура, кое имало индиции дека режисерот и поранешен директор Пројковски ја злоупотребил службената должност, вршел сомнителни јавни набавки и ненаменски потрошил средства во висина на 150 000 евра.

Во меѓувреме дознаваме дека правничката на МНТ која била на ова работно место, по изнесување на скандалозните детали во јавноста, дала отказ и заминала да работи на друго место. Актуелната директорка Симона Угриновска се справува со наталожените долгови во институцијата и нема сознанија дали некој ќе сноси одговорност за состојбата во која е доведен МНТ.

Ако се земе предвид дека за неправилностите првпат проговоре Управниот одбор на МНТ, а неговиот претседател, режисерот Александар Поповски, поради наталожените проблеми даде и оставка, излегува дека случајот се провлекува повеќе од една година.

Од анализите на документите од јавните набавки што ги направил адвокатот на МНТ, Жарко Стевовски, беше констатирано дека во МНТ се трошело на големо и со сомнителна законитост.

 

 

Прикажи повеќе...

Истрага во МНТ

Цехот од 13.000 евра на Пројковски за бифето може да ја блокира сметката на МНТ

Објавено пред

Додека Обвинителството и по еден месец го води предметот за МНТ во предистражна постапка, на најголемата театарска куќа ѝ се закануваат извршни решенија што може да ја блокираат сметката, дознава „Макфакс“. Како прв долг за присилна наплата достасал тој од 13.000 евра направени кон доставувачите на бифето на МНТ.

„Надлежниот обвинител активно постапува по овој предмет. Со оглед на тоа што предметот е во предистражна постапка, а во согласност со законот дејствата во предистражната постапка се тајна, во моментот не сме во можност да споделиме детали“, ни одговорија од ОЈО.

Според директорката на МНТ, Симона Угриновска, долговите мора да се вратат за да се продолжи со непречено менаџирање на тековните активности во театарот.

„Верувам дека институциите постапуваат, но натамошното одолжување ја парализира работата на МНТ. Ни стигнуваат решенија за извршување од насобраните долгови. Ги информирав надлежните во Министерството за култура“, вели Угриновска, која по нејзиното назначување алармира за многуте нерегуларности што ги затекна во МНТ.

Во 2016 година директорот Дејан Пројковски со измена и дополнување на Статутот на МНТ создал дополнителна дејност подготовка и послужување пијалаци. Отворил и подружница – „Бифе МНТ“, кое вршело трговска дејност, а како овластено лице се поставил самиот тој, односно назначен е Дејан Пројковски.

Од неговото отворање до денес има создадено вкупни обврски од приближно 13.000,00 евра кон доставувачите. Во март годинава извршен е попис на производите во „Бифе МНТ“ – Скопје и констатирани се состојби на неодговорно работење со производите, односно со изминат рок, недостиг на испорачани производи, производи што ги нема на листата на набавки, поради што, по вештачењето, ќе биде иницирана постапка за утврдување одговорност за незаконското и несовесно работење со подружницата.

По влегувањето на полицијата во МНТ пред неполни два месеца, инспекторите ги анализираа јавните набавки што ги вршел поранешниот директор на МНТ, Дејан Пројковски, во периодот од 2015 до 2017 година и според првичните сознанија, постојат сериозни елементи на кривичното дело злоупотреба на постапката за јавен повик, доделување договор за јавнa набавкa или јавно-приватно партнерство.

Директорот Пројковски само за 2016 година склучил договори за јавни набавки кои се под лупа со вкупна вредност од 25.165.250.000 денари или приближно 409.191.000 евра.
Предмет на детаљна анализа се договорите склучувани со надворешни фирми и физички лица, од кои театарската куќа речиси и немала потреба бидејќи стручен кадар и лица за таа работа има на редовниот платен список на МНТ. Од тука е интересот да се испита кој и зошто е плаќан и каде завршувале тие пари.

Сознанијата за овие скандалозни состојби во МНТ беа навестени уште по оставката на Александар Поповски на челото на Управниот одбор. Наследникот на Пројковски, Драган Спасов – Дац, додека беше вршител на должност, речиси половина година не ги информира јавноста и надлежните за затекнатата ситуација во театарот.

Прикажи повеќе...

Најново

Македонија1 час

Грујевски наредил опремата за прислушување да се сече на парчиња

Ни беше кажано од Горан Грујевски дека опремата за следење на комуникациите ќе ја исечка на парчиња од 5 сантиметри,...

Македонија2 часа

УБК прислушувала од аероклубот во Центар

Сведокот Сашо Трајковски во продолжението на сведочењето за предметот за масовното прислушување на СЈО – „Таргет – Тврдина“, рече дека,...

Регион2 часа

(Видео) Тројно убиство во Белград, жртвите биле мачени и фрлени во септичка јама

Во текот на изминатата ноќ по пријава на граѓани, српската полицијата открила три тела во септичка јама зад шопинг-центар во...

Македонија4 часа

Сведок на СЈО: Знаевме каде и како Мијалков и Грујевски се логираат за да прислушуваат

Сашо Трајковски, инженер во поранешната УБК, сведок на СЈО во предметот „Таргет – Тврдина“, во исказ пред судот рече дека...

Спорт4 часа

Мишел Платини уапсен за доделување на СП во 2022 на Катар!

Поранешниот претседател на УЕФА и легенда на францускиот фудбал, Мишел Платини, е уапсен во Нантер, предградие на Париз, поради одлуката...

Свет5 часа

(Видео) Во земјотресите во Кина загинаа 12, а повредени се 134 лица

Бројот на загинати во двата силни земјотреса во Кина се искачи на 12, а бројот на повредени на 134. Спасителите...

Свет5 часа

(Видео) Четворица повредени, пукотници и стампедо на прослава во Торонто

Четири лица се ранети при пукање на прославата на првата шампионска титула во НБА-лигата на Торонто репторс на плоштадот „Нејтан...

Македонија5 часа

Судир во ЕУ за почетокот на преговорите со Северна Македонија и Албанија

Членките на ЕУ во понеделникот се судрија во однос на почетокот на преговорите за членство на Албанија и Северна Македонија,...

Македонија6 часа

Необезбедена јама демне во школски двор во Хиподром – родителите стравуваат за децата

Необезбедена јама веќе неколку месеци стои без заштитна ограда во дворот на основното училиште „Вера Јоциќ“ во населбата Хиподром (општина...

Hitech8 часа

„Хуавеј“ со загуба од 30 милијади долари

Основачот и директор на „Хуавеј“, Рен Женгфеи, потврди дека приходите на овој телекомуникациски гигант ќе бидат 30 милијарди долари помали...

Крвав четврток20 часа

Пресудата за 27 април е на 1056 страници, адвокатите се жалат на рокот

Пресудата за 27 април кога се случи насилниот упад во Собранието е напишана на 1056 страници и веќе им се...

Македонија21 час

Поплавени подруми, непроодни улици и затнати шахти од невремето во Куманово

Oпштинa Куманово денес од 14,45 до 15,40 часот ја зафати пороен дожд кој направи проблем за собирање на водата во...

Македонија1 ден

Анкета на „Макфакс“: Шилегов направил најмалку за градот Скопје

Во онлајн-анкетата што ја спроведе истражувачкиот центар на „Макфакс“, на прашањето „Кој градоначалник на Скопје направи најмалку за градот?“, најголем...

Македонија1 ден

(Видео) Жителите на населбата Јака се жалат – живееме во кал и мрак, без јавен превоз

Седум години по почнувањето на изградбата на населбата Јака во Илинден, состојбата е непроменета – очајна, а општинската власт не...

Македонија1 ден

Хан: Северна Македонија направи храбри компромиси, ЕУ губи ако не ја награди земјата

Политичкиот компромис на земјите од Западен Балкан треба да биде награден, изјави комесарот за проширување, Јоханес Хан, во пресрет на...

Економија1 ден

Објавен јавниот повик за бесплатен одмор за работниците со ниски примања

Јавниот повик за организиран одмор на работници чии месечни примања во семејството не го надминуваат нето-износот од 22.000 денари е...

Бегството на Груевски1 ден

(Видео) Државата ќе бара екстрадиција на Груевски како организатор на 27 април

Државата ќе бара екстрадиција на поранешниот премиер и бегалец од правдата, Никола Груевски, за настаните од 27 април 2017 година...

Регион1 ден

Јадранот се задушува во пластика и е меѓу најзагадените мориња во Европа

Концентрацијата на пластичен отпад на дното на Јадранското Море е меѓу најголемите во Европа по североисточниот дел на Медитеранот и...

Вести2 дена

Помпео: САД не сакаат војна со Иран

Американскиот државен секретар, Мајк Помпео, денеска изјави дека, иако Иран несомнено е одговорен за минатонеделните напади врз два танкери на...

Македонија2 дена

(Видео) СДСМ избра нов Извршен одбор

Централниот одбор на СДСМ избра нови членови на Извршниот одбор, нов организационен секретар и секретар за меѓународна соработка. Лидерот на...

Досие