Генералниот секретар на ОН, Антонио Гутереш, предупреди на можноста од нова студена војна доколку Соединетите Американски Држави и Кина, според него, не го поправат целосно нефункционалниот однос пред проблемите меѓу двете земји да се прошират на остатокот од планетата.

Во интервју за светски агенции, Гутереш рече дека двете големи светски економии треба да соработуваат во областа на климатските прашања и поактивно да преговараат за трговија и технологија, и покрај постојаните политички несогласувања во областа на човековите права, економијата, безбедноста на интернет и суверенитетот во Јужното Кинеско Море.

„За жал, денес имаме само конфликт. Треба повторно да воспоставиме функционален однос помеѓу двете сили”, рече Гутереш, нарекувајќи го неопходно изнаоѓањето решение за вакцинацијата, климатските промени и многу други глобални предизвици кои не можат да се решат без конструктивни односи во рамките на меѓународната заедница и меѓу суперсилите.

Пред две години Гутереш ги предупреди глобалните лидери за ризикот од поделба на светот на два дела, во кои САД и Кина ќе создадат ривалски интернет, валута, трговски и финансиски правила, како и свои геополитички и воени стратегии.

Тој го повтори тоа предупредување додавајќи дека двете ривалски геополитички и воени стратегии ќе претставуваат „опасност“ што ќе го подели светот.

Затоа, како што нагласува, нивната врска мора да се подобри многу брзо.

„Мораме да ја избегнеме студената војна по секоја цена, која би била различна од претходната и веројатно поопасна и потешка за управување“, предупреди Гутереш.

Тој додаде дека договорот меѓу САД и Велика Британија за помош на Австралија во изградбата на подморници со нуклеарен погон е само мал дел од посложената загатка на овој целосно нефункционален однос меѓу Кина и САД.

Непознато лице отворило оган врз студенти и предавачи во зградата на Универзитетот во Перм, руски град на Урал, пренесуваат руските медиуми.

Универзитетот Перм соопшти дека четири лица се повредени. Апелираат до студентите во универзитетскиот комплекс да се затворат во училниците.

#BREAKING: Shooting reported at Russian university, harrowing footage shows students jumping out of windows to escape gunman

More: https://t.co/gV0sv3xUdE pic.twitter.com/bZYNG177yM

— RT (@RT_com) September 20, 2021

Дел од агенциите, повикувајќи се на извор во брзата помош, објавија дека има загинати, но засега нема потврда за таа информација.

Студентите кои бегаат од зградата низ прозорците може да се видат на видеата што очевидци ги објавуваат на руските социјални мрежи.

Партијата „Единствена Русија“, која ја поддржува политиката на претседателот Владимир Путин, освои најмногу – 44,26 проценти од гласовите на парламентарните избори во Русија, ова се податоци според прелиминарните резултати на Централната изборна комисија на таа земја, врз основа на 25.03 проценти од пребројаните гласови.

Според резултатите на руската ЦИК, уште четири партии го поминаа прагот од пет проценти за влез во Државната дума, долниот дом на рускиот парламент, пренесуваат руските агенции.

Комунистичката партија на Руската Федерација доби 22,31 отсто од гласовите, Либерално-демократската партија на Русија 8,5 отсто, Само Русија 7,32 отсто, а Новата народна партија 6,58 отсто.

Изборите за руската државна Дума почнаа во петокот, на 17 септември, а гласањето заврши синоќа.

Покрај Думата, се гласаше и за гувернерите на девет руски региони, како и за составот на 39 локални и регионални парламенти.

Според Централната изборна комисија и руски и меѓународни експерти, изборите се одржале без сериозни прекршувања.