Топ
(Видео) Кривична против тројца полицајци од ПС Центар за примање поткуп
![](https://makfax.com.mk/wp-content/uploads/2024/07/policajci-potkup-1.jpg)
Одделот за внатрешна контрола, криминалистички истраги и професионални стандарди при МВР, до Основното јавно обвинителство за гонење на организиран криминал и корупција – Специјализирано одделение за гонење на кривични дела сторени од лица со полициски овластувања и припадници на затворска полиција, поднесе кривична пријава против Д.С., Ф.Ѓ. и Д.Ј., полициски службеници во Полициска станица Центар, поради постоење основи на сомнение за сторено кривично дело „примање поткуп“ по член 357 став 1 од Кривичниот законик, извести МВР.
Тие се сомничат дека на 04.07.2024 околу 23.00 часот на ул.„Даме Груев“ во Скопје, при вршење службени задачи побарале и примиле подарок за себе за да не извршат службено дејствие, односно да не констатираат сообраќаен прекршок и на тој начин го нарушиле угледот на Министерството за внатрешни работи, соопшти МВР.
Одделот за внатрешна контрола, криминалистички истраги и професионални стандарди против полициските службеници ќе поднесе предлог за поведување на постапка за кршење на работниот ред и дисциплина и ќе изрече задолжителна мерка отстранување од работното место до завршување на дисциплинската постапка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
ВМРО-ДПМНЕ: Пајазит Пајазити ја оцрни судската фела во целост, молкот на Судскиот совет е само доказ зошто треба да биде реформиран
![](https://makfax.com.mk/wp-content/uploads/2022/12/VMRO-DPMNE-sedishte-1.jpg)
Пајазит Пајазити ја оцрни судската фела во целост, молкот на Судскиот совет е само доказ зошто треба да биде реформиран, велат од ВМРО-ДПМНЕ.
„Ако институциите во правосудството на целата очигледна незаконитост не го разрешат Пајазити, тогаш сами потврдуваат дека се испостава на ДУИ и Филипче. Пајазити не само што го овозможи бегството на Блерим Рамадани, туку и условно го осуди Иџет Мемети, кој призна дека земал поткуп, дело за кое е предвиден затвор. Пајазити е судијата кој не определи притвор ниту за бандитите кои упаднаа на скопскиот аеродром“, посочуваат од партијата и додаваат:
„Институциите во правосудството со молкот кој го покажуваат кон Пајазити само покажуваат зошто треба да бидат реформирани. Потребна е одговорност“.
Свет
Ги одбивме украинските напади на нашата граница, соопшти Русија
![](https://makfax.com.mk/wp-content/uploads/2024/08/3-17.jpg)
Руски сили спречија украинска диверзантско-разузнавачка група да ја пробие границата во западниот регион Брјанск, на околу 240 километри од местото на упадот на Украина во соседната област Курск, изјави руски претставник.
Русија вчера соопшти дека нејзините сили напреднале во источна Украина и почнале да ги потиснуваат украинските сили во областа Курск, иако висок командант предупреди дека украинските сили се прегрупираат за нов можен напад.
Гувернерот на Брјанск, Александар Богомаз изјави дека граничарите на Федералната служба за безбедност и руските воени единици го одбиле нападот на украинската диверзантско-извидувачка група.
Свет
Бил Клинтон го исмеа Трамп: „Стар сум, но сè уште сум помлад од него“
![](https://makfax.com.mk/wp-content/uploads/2024/08/2-24.jpg)
Поранешниот американски претседател Бил Клинтон се обрати пред толпата на третата вечер од Демократската национална конвенција, му се заблагодари на претседателот Џо Бајден за неговата услуга и ја пофали демократската претседателска кандидатка Камала Харис.
Клинтон ја истакна важноста на претседателските избори во САД во ноември и неопходноста од победа над републиканецот и поранешен претседател Доналд Трамп, кого го исмеваше во својот говор, пренесува NPR.
BREAKING: Bill Clinton just reminded the world that even he is younger than Donald Trump. Retweet to make sure every American knows Donald Trump is far too old and incompetent to serve as President. pic.twitter.com/GnBCYBcmOj
— Kamala’s Wins (@harris_wins) August 22, 2024
„Да скратиме. Престар сум за да кажам нешто паметно, но сепак сум помлад од Трамп“, рече Клинтон (78), предизвикувајќи громогласен аплауз од публиката.