Европа
(Видео) Протести и апсења низ Европа

Повеќе од 155 лица беа уапсени во Лондон за време на протестите организирани против рестриктивните мерки насочени кон спречување на натамошното ширење на пандемијата. Апсењата следеа затоа што демонстрантите извршија голем број прекршоци, вклучително и „кршење на рестриктивните мерки донесени за сузбивање на ширењето на коронавирусот“, објави на твитер лондонската полиција.
First arrest at antilockdown protest taking place at King's Cross Station, London. Police cited covid restrictions before the arrest. #kingscross #antilockdown pic.twitter.com/AuqMKk2h0P
— Urban Pictures (@Urban_Pictures) November 28, 2020
Полицијата претходно ги повика жителите на Лондон да не учествуваат во демонтрациите, чие одржување е забрането како дел од рестриктивните мерки во земјата. Демонстрантите се уапсени за различни кривични дела, вклучувајќи напад врз полицаец, поседување дрога и кршење на ограничувањата наметнати за да се спречи ширењето на пандемијата.На демонстрантите, кои протестираа против ограничувачките мерки, им се придружија и групи кои се спротивставуваа на примање вакцини за Ковид-19.Мерките за карантин во Англија ќе бидат на сила до 2 декември.
Протести се одржаа и на германско-полската граница. Во придружба на бројни припадници на полицијата, се одржа протест во Франкфурт на Одра, на границата со Полска, против ограничувачките мерки воведени со цел да се потисне натамошното ширење на пандемијата.Според полицијата, околу 1.500 демонстранти учествувале во протестите организирани од иницијативата „Кверденкен“, кои заедно со истомисленици од Полска изјавиле дека сакаат да се залагаат за став што ги рефлектира „мирот и слободата“.
Демонстранти се собраа и во поголемите хрватски градови против новите епидемиолошки мерки.Тие протестираа во Загреб, Сплит, Риека, Осиек, Задар и Шибеник, но во мал број. Полицијата го следеше секој од овие протести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Европа
Макрон: Европските земји треба да ги зголемат воените трошоци меѓу 3 и 3,5 отсто од БДП

Францускиот претседател Емануел Макрон ги повика европските земји значително да ги зголемат годишните воени трошоци на повеќе од 3 отсто од БДП. Оваа порака тој ја испрати по итниот состанок за Украина, кој се одржа во Лондон.
Додека балтичките земји веќе некое време бараат воените инвестиции да се зголемат на најмалку 3 отсто од БДП, а актуелниот американски претседател Доналд Трамп бара до 5 отсто, Макрон сега првпат конкретно изјави колку Европа треба да одвои според него.
„Русите трошат 10 отсто од својот БДП за одбрана во последните три години. Мораме да се подготвиме за она што доаѓа, а нашата цел треба да биде меѓу 3 и 3,5 отсто од БДП“, рече Макрон во интервју за францускиот весник „Фигаро“. Франција моментно троши 2,1 отсто од својот БДП за одбрана, што е нешто над целта на НАТО од 2 отсто, која Париз ја постигна дури минатата година.
Европа, пак, се обидува да договори заеднички одговор на новата американска политика кон Украина. Вашингтон сè повеќе ѝ врти грб на Европа и бара договор со Русија, а стравувајќи за иднината на НАТО, европските земји сакаат да ги зајакнат сопствените воени капацитети и да покажат подготвеност да ги споделат трошоците во алијансата за да ја задржат американската поддршка.
Европскиот совет в четврток одржува специјален самит за одбраната и Украина, а лидерите се очекува да разговараат за начините за финансирање поголеми воени инвестиции.
Европа
Орбан: Европа одлучи дека војната мора да продолжи

Одлука за продолжување на војната во Украина е донесена вчера во Лондон, изјави унгарскиот премиер Виктор Орбан. Да потсетиме, на самитот што се одржа вчера, на кој учествуваа лидери на деветнаесет земји, беше одлучено поддршката за Украина да продолжи и дека повторното вооружување ќе биде неопходно за безбедноста на Европа.
„Во Лондон европските лидери одлучија дека е потребна војна, а не мир. Тие одлучија Украина да ја продолжи војната“, напиша унгарскиот премиер на Фејсбук. Тој потоа додаде дека ова е „лошо, погрешно и опасно“ и дека Унгарија останува „на страната на мирот“.
На состанокот, чиј домаќин беше британскиот премиер Кир Стармер, присуствуваа 19 лидери, главно европски шефови на држави и влади, но беа и канадскиот премиер Џастин Трудо и генералниот секретар на НАТО Марк Руте.
Европа
Лавров: Зеленски се претвори во чист нацист и предавник на Евреите

Украинскиот лидер Володимир Зеленски по доаѓањето на власт се претвори во „чист нацист“ и предавник на Евреите, изјави рускиот министер за надворешни работи Сергеј Лавров во интервју за руска Звезда. Шефот на руската дипломатија смета дека украинскиот претседател станал таква личност за шест месеци.
Лавров рече дека Зеленски бил претворен во „нацист“ од неговите европски сојузници. Како што тврди, тие прво го доведоа Петро Порошенко на власт, а потоа и Зеленски. Актуелниот украински лидер, според министерот, дошол на власт со пароли за мир и барања „да се остави на мир рускиот јазик“. Потоа, за само шест месеци, тој беше „поттикнат“ да направи пресврт од 180 степени.
„Зеленски се претвори во чист нацист и, како што со право рече рускиот претседател Владимир Путин, предавник на еврејскиот народ“, рече Лавров.
Тој додаде дека Европа сака борбите да продолжат. Со своите предлози за распоредување мировни сили на украинска територија, земјите сакаат да го „поддржат“ Зеленски, истакна шефот на Министерството за надворешни работи на Русија.
Претходно американскиот претседател Доналд Трамп изјави дека Зеленски е неизбран диктатор. Тој го обвини политичарот и за исчезнување на американските пари што Вашингтон му ги додели на Киев.