Македонија
(Видео) Таткото на избоденото момче: Насмеани се шетаат на слобода, а треба да одговараат за обид за убиство
Една недела од крвавиот инцидент во скопско Марино кога 27-годишниот Филип Филиповски беше избоден со нож пред дискотека, семејството бара одговори од институциите до каде е истрагата и кога виновниците ќе одговараат за делото? Таткото на Филип, Гоце Филиповски, е револтиран што напаѓачите, чиј идентитет е познат, сè уште се шетаат на слобода.
„Апелирам до институциите да бидат поажурни, сите знаат кои се сторителите, мотивот е банален за да се посегне врз човечкиот живот, класичен обид за убиство на најѕверски начин. Мојот син ќе остане со последици целиот свој живот, не е уште надвор од животна опасност иако состојбата му се подобрува… Обвинителството да си го квалификува случајот така како што е – класичен обид за убиство и ништо друго. Значи, виновниците не може со насмевки да се шетаат, мора да ја добијат заслужената казна и тоа да стане поука за другите и за сите“, вели Филиповски.
Филип сè уште е на интензивна нега по операцијата во која му беше извадена слезината и му е отстранет едниот бубрег, но неговата состојба се подобрува и се очекува набргу да биде префрлен на одделение на клиника. Од неговата здравствена состојба зависи и кога тој ќе може да ги идентификува напаѓачите, велат од Обвинителството. Оттаму додаваат дека веднаш по добивањето на извештајот од МВР, издадена е наредба за вештачење на облеката и возилото. Од МВР, пак, кусо велат дека во координација со Обвинителството се работи на расчистување на случајот.
Неофицијално, оружјето со кое бил прободен Филип сè уште не е пронајдено, а според тврдењата на некои од сведоците, станува збор за голем ловечки нож. Осомничени за нападот се двајцата синови на поранешниот градоначалник и актуелен функционер во МВР, Звонко Цветковски. Според дел од сведоштвата, браќата Александар и Јордан во петокот вечерта се судриле на разминување со Филип по што дошло до вербална расправија, во која Филип ја покажал значката од МВР, а еден од браќата извадил нож. По инцидентот, браќата Цветковски направиле сообраќајна незгода.
Семејството на повредениот полициски службеник најавува и приватна тужба.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Антикорупциската комисија: Да се спречи праксата на партиски вработувања во администрацијата
Државната комисија за спречување на корупцијата (ДКСК), во рамките на своите надлежности, укажува дека актуелните најави за вработувања во јавната администрација од страна на одредени политички субјекти не смее да бидат предмет на договор на политички структури.
Секое вработување мора да биде во согласност со законот, по мерит-систем и без никакви влијанија. Само на овој начин, велат од комисијата, почитувајќи ги законските регулативи, ќе овозможиме враќање на довербата на граѓаните во институциите на системот, ќе спречиме коруптивно однесување, трговија со влијанија и партиски клиентелизам.
„Секоја изјава за договорни партиски вработувања во јавната администрација ја нарушува довербата на граѓаните во јавните институции и генерира ризици од корупција во постапките за вработувања“, велат од ДКСК.
Информираат дека во насока на остварување на своите превентивни законски надлежности веќе е направена антикорупциска проверка на предложените закони за вработување во јавниот сектор и на предлагачот му е укажано на можните ризици од корупција, кои тие ги генерираат.
Македонија
Најавена изградба на нова терминална зграда и реконструкција на охридскиот аеродром
Со 2,7 милиона евра почнуваме модернизација на аеродромот „Св. апостол Павле“ во Охрид. Ќе градиме нова терминална зграда и ќе ги прошириме капацитетите за патниците и за вработените, истакна на денешната пресконференција вицепремиерот и министер за транспорт, Александар Николоски.
Како што најави, проектот ќе приднесе за подобрување на условите за патниците, како и подобрување на работата на вработените на аеродромот. Севкупно ќе значи зголемување на бројот на патници.
„Проектот опфаќа изградба на нова административна зграда со површина од 250 м2, нов канцелариски простор од 120 м2, помошни простории од 130 м2, нов простор за обезбедување од 40 м2, целосна реконструкција и адаптација на постојната терминална зграда на површина од 2.000 м2 на двете нивоа. И сето ова ќе значи реконструирање на аеродромот од неговата изградба. Ова ќе значи подобри услови за патниците и секако многу повеќе патници и до март 2026 година очекувам да се заврши овој проект“, истакна вицепремиерот Николоски.
Македонија
Маркетите со закон ќе бидат обврзани да ги објавуваат цените на веб-страниците, вели Мицкоски за мерката што не се применува
Маркетите законски ќе бидат обврзани на веб-страници јавно да ги објавуваат цените на сите производи што ги нудат. Оваа мерка, која лично премиерот Христијан Мицкоски ја предложи, беше најавена во последниот пакет-мерки за намалување на цените на производите, но сè уште не се применува оти се потребни законски измени.
„Во парламентот ќе имаме законски измени, треба првин тие да се донесат за да може потоа сето ова да се примени. Иако тоа наиде на потсмев кај одредени медиуми и кај опозицијата, таканаречениот израелски модел, гледаме доста од европските влади веќе го прифаќаат како таков. Ние бевме меѓу првите, во собраниска процедура е измената на законот. Откога ќе биде завршена и донесен законот, сметајте дека тие ќе бидат обврзани и ќе мора да го почитуваат сето тоа“, рече премиерот Мицкоски одговарајќи на новинарски прашања денес во Владата.
Објавувањето на цените на сите производи како мерка премиерот Мицкоски го предложи пред две недели за да може граѓаните јасно да видат колкави се цените и да одлучуваат каде ќе пазаруваат.
Обврската за објавување на цените на сите производи кои ги нудат маркетите се предвидува со измени на Законот за заштита на потрошувачите предложени од парламентарното мнозинство. Бојан Стојаноски, пратеник на пратеничката група на ВМРО-ДПМНЕ, извести дека предложените измени денес влегуваат во собраниска процедура.
Мицкоски ја повика ДУИ да достави докази за наводната корупција: Апсолутно имам доверба во работењето на господинот Меџити
Премиерот Христијан Мицкоски вели дека има исклучително блиска и непосредна соработка со министерот за животна средина, Изет Меџити, кого ДУИ...
Македонија е коспонзор на резолуцијата на САД за Украина
Македонија е една од земјите што се коспонзор на предлог-резолуцијата на САД за Украина, а истовремено Европската Унија, предводена од...
Не помина предлогот на СДСМ за намалување на ДДВ-то на струјата и храната
Наместо да донесат одлука што директно ќе го олесни товарот врз семејните буџети, пратениците од владејачката коалиција одбија да ги...
Украина: Во завршна фаза сме од преговорите за договорот за минералите
Украина и САД се во последна фаза на преговори за договорот за минералите, изјави украинскиот вицепремиер Олха Стефанишина. Зеленски претходно...
Ако маркетите ги објавуваат цените на сите производи на интернет, купувачите ќе бидат заштитени oд скриени трошоци, рече Стојаноски
Mаркетите да ги објвуваат сите цени на веб-страниците со цел подобра информираност на потрошувачот и олеснување на споредливоста на цените,...
Ја удирал по главата и телото со боксови и тупаници, па ја силувал: предложен притвор за 37-годишен скопјанец
Поради основано сомнение за сторено кривично дело – Полов напад и силување од член 186 став 3 во врска со...
Зеленски објави видео за годишнината од војната: „Три години апсолутно херојство“
Украинскиот претседател Володимир Зеленски ја одбележа третата годишнина од руската инвазија на Украина со објавување видео во кое се прикажани...
(Видео) Погодена рафинерија во Русија; Гувернерот: Остатоците од дрон го предизвикаа пожарот
Остатоците кои паѓаат од уништените украински беспилотни летала предизвикале пожар во индустриска фабрика во руската област Рјазан, објави гувернерот на...
(Видео) Фон дер Лајен во Киев на 3-годишнината од инвазијата: „Судбината на Европа е во прашање“
Претседателката на Европската комисија Урсула фон дер Лајен утрово со воз пристигна во Киев по повод тригодишнината од руската инвазија...
Русите на 3-годишнината од војната: „Америка сака брз прекин на огнот, но ние не“
Русија ги препознава напорите на Соединетите Држави (САД) да се придвижат кон брз прекин на огнот во Украина, но тоа...
Мерц: САД и Русија се приближуваат до грбот на Украина и Европа
Следниот германски канцелар би можел да биде Фридрих Мерц. Неговата ЦДУ е убедливо најсилната партија во Германија. Тој рече дека...
(Видео) Пратеникот на Трамп за Блискиот Исток: Војната во Украина беше испровоцирана, тоа не мора да значи дека Русите ја испровоцираа
Американскиот специјален пратеник Стив Виткоф денеска изјави дека Русија не треба нужно да се обвинува за предизвикување војна во Украина,...
Мерц: Америка веќе не се грижи за Европа
Претседателот на германската Христијанско-демократска унија (ЦДУ), Фридрих Мерц, рече дека негов главен политички приоритет е „да ја зајакне Европа што...
Мицкоски со честитка до ЦДУ: Европа бара промени
Премиерот Христијан Мицкоски ја честиташе победата на ЦДУ на изборите во Германија преку социјалните мрежи. „Овој успех е потврда за...
Зеленски: Ни требаат 20 системи „Патриот“, подготвени сме да инвестираме
На Украина и се потребни 20 системи „Патриот“ за заштита од руски воздушни закани, кои ќе чинат околу 35 милијарди...
Трамп ги коментираше изборите во Германија: Ова е одличен ден
Американскиот претседател Доналд Трамп ги коментираше резултатите од изборите во Германија. „Се чини дека конзервативната партија во Германија победи на...
Мерц: Победивме
Христијанско-демократската унија ЦДУ/ЦСУ е победник на предвремените парламентарни избори во Германија, а десничарската популистичка Алтернатива за Германија (АфД) е втора...
Почина 21-годишен осуденик: бил донесен во Клиничката болница Штип со знаци на труење
Вчера во 11.31 часот во СВР Штип, од Клиничка болница Штип било пријавено дека кај нив од Казнено – поправната...
(Видео) „На повидок е корупциски скандал во Владата, дали Меџити барал мито“, прашува Илиевски
„На повидок е голем, робусен корупциски скандал во Владата! Бараме премиерот Христијан Мицкоски да излезе и да одговори: дали е...
„Воведувањето кривична одговорност за судиите е неопходна, тие не смеат да бидат недопирливи“, Левица бара власта да го поддржи нивниот предлог
„Покрај Предлог-законот за заштита на потрошувачите со кој Левица предлага да се укинат двојазичните декларации на производите, на утрешната собраниска...
