Спорт
Новак Ѓoковиќ од Лондон за ,,Макфакс”: Наскоро ќе ја посетам Македонија

Одговарајќи на прашањето на известувачот на ,,Макфакс” од Вимблдон, кога ќе ја посети Македонија со оглед дека често изјавува како просторот на поранешна Југославија за него е единствен, најдобриот тенисер на светот изјави:
,,Се надевам наскоро. Моментално поради обврските кои ги имам со семејството и натпреварувачките не знам колку има време реално да се случи тоа во скора иднина. Зависи во кој правец ќе оди мојата кариера во иднина. Ако ги намалам турнирите и ако се ослободи некој простор, би сакал да дојдам на Охридското Езеро, би сакал да го посетам Скопје, каде никогаш не сум бил. Би сакал да го обиколам целиот регион. Јас реално многу од тоа не сум видел, а имаме феноменални земји во секој поглед. Природа каква светот може само да посака. Дефинитивно би сакал да ја направам таа турнеја, можеби тоа ќе се спои со некој спортски или хуманитарен настан.
Со нашата Фондација Ѓоковиќ полека почнуваме да се шириме и надвор од Србија и се надевам дека ќе почнеме да работиме проекти и во регионот. Со Фондацијата сме насочени на предучилишна возраст и градење градинки, и се надевам дека ќе имаме можност и во Македонија да градиме и дека ќе имаме и некои спортски спектакли.
Спортот навистина има сила да ги спои луѓето, и да ги урне границите бидејќи спортот е и универзален јазик кој сите го разбираат. Така што низ спортот може да се влијае и на мирот во регионот и на меѓусебна почит и разбирање иако тензиите и понатака се големи, особено во одредени периоди од годината. Раните се уште се свежи од војната. Јас како спортист ја имам таа одговорност и се трудам да ја ширам таа позитивна порака. Фактот што некогаш бевме сите заедно во една земја доволно зборува колку сме блиски”, изјави Ѓоковиќ за Макфах.
Ненад Живановски
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Синер ги сподели најновите информации за повредата, сите чекаат одлука дали се повлекува

Дали Јаник Синер ќе се соочи со Бен Шелтон во четвртфиналето на Вимблдон? Тоа е прашањето на денот по неговиот натпревар против Григор Димитров.
Иако Синер беше повреден претходно, тој продолжи да игра со проблематичен лакт, а потоа Григор Димитров мораше да го предаде мечот, што го направи петтиот Грен слем по ред од кој се повлече.
Синер двапати падна на тревата за време на натпреварот против Димитров, а еднаш несмасно го извитка лактот, што доведе до барање медицински тајм-аут.
Иако успеа да се врати, Синер имаше многу проблеми, па дури по дополнителните прегледи ќе биде појасно дали ќе продолжи да се бори за трофејот во Лондон.
MRI scheduled tomorrow for Sinner to assess the elbow.
Let’s hope it’s nothing serious.
A strange, emotional night — thank you all for following along.
Let’s stay tuned. Goodnight. 🌙🎾 pic.twitter.com/KvzyE4MUwU— The Sinner Times (@sinnertimes) July 7, 2025
Синер ги сподели најновите информации.
„Беше несреќен пад. Ја погледнав снимката, не изгледаше како незгоден пад, но навистина можев да го почувствувам, особено за време на сервисот и форхендот. Можам да го почувствувам. Ќе видиме. Ќе одиме да го провериме утре за да видиме како ќе оди, а потоа ќе одлучиме“, рече Синер.
Магнетната резонанца е закажана за овој вторник, објави АТП, но не е познато во кое време.
Синер одлучи да ги отпушти физиотерапевтот Улисес Бади и фитнес тренерот Марко Паники два дена пред Вимблдон. Сега нема никој да му даде мислење и да му помогне да се опорави надвор од комплексот, може да го користи официјалниот АТП физиотерапевт во комплексот, но ништо повеќе од тоа.
„Во секој случај имаме добри АТП физиотерапевти. Докторот е добар. Како што реков, утре одиме на магнетна резонанца за да видиме дали има нешто сериозно и да се обидеме да го поправиме“, рече Италијанецот.
Спорт
(Видео) Григор Димитров низ солзи го предаде мечот поради повреда

Григор Димитров, бугарски тенисер, беше принуден да му го предаде мечот на Јаник Синер по крајот на четвртиот гем од третиот сет, иако во тој момент водеше со 2:0.
Димитров заработи повреда на десната рака, а за време на медицинскиот тајм-аут беше јасно дека воопшто не станува збор за наивна ситуација.
Лекарите се обидуваа да го подготват за продолжување на мечот, а Димитров веќе беше преплавен од емоции.
Откако отиде во соблекувалната за да продолжи со лекувањето, се врати на теренот неколку минути подоцна и го предаде натпреварот.
И набрзо стана јасно колку сериозна е всушност повредата.
Heartbreaking😢
While leading 6-3 7-5 2-2 against Jannik Sinner, Grigor Dimitrov, firing an ace, injured his right pectoral and had to retire, in tears…
It's the 5th Grand Slam retirement in a row for the cursed Bulgarian, a "record" (Open era).pic.twitter.com/ic1ocFBIP6
— We Are Tennis (@WeAreTennis) July 7, 2025
Димитров му се приближи на судијата низ солзи, ја испружи раката и ја подаде десната рака со левата.
Спорт
Федерер го гледаше Ѓоковиќ како се приближува кон својот рекорд: „Голема чест ми е“

Српскиот тенисер Новак Ѓоковиќ се пласираше во четвртфиналето на Вимблдон со победа над Австралиецот Алекс де Минаур со резултат од 1:6, 6:4, 6:4, 6:4. Српскиот тенисер се пласираше во своето 16-то четвртфинале на најпознатиот тениски турнир, а за место во полуфиналето ќе игра против Флавиус Коболи, Италијанецот кој денес го елиминираше Марин Чилиќ.
По натпреварот, Ѓоковиќ прво се осврна на многу лошиот почеток. „Сè уште се обидувам да го протолкувам она што се случи. Не почнав добро, ми направи три пати брејк, подобро се справи со ветерот. Немав многу решенија, но се вратив во вториот сет“, рече тој, кратко опишувајќи го натпреварот:
„Мислам дека моментумот отиде на моја страна по тешката игра на 1:1 во сетови. Игравме многу како „мачка и глушец“, тој е одличен во тоа, многу удари од пресврт – кога не се чувствувате најдобро, многу е тешко да се игра против противник кој игра толку ниско и е толку брз.“
Меѓу големата публика беше и Роџер Федерер, кој го гледаше Ѓоковиќ по четврти пат откако се пензионираше. „Да бидам искрен, сакам да победувам со 3-0. Но, натпреварите стануваат сè потешки, Алекс е меѓу првите 10 веќе некое време. Тој е особено незгоден на оваа подлога, па затоа бев малку нервозен. Понекогаш би сакал да имам сервис-волеј како овој господин овде (Федерер), но не се жалам – можам да трчам. Како што одминуваше натпреварот, наоѓав сè повеќе ритам на мојот форхенд и почнав да удирам подобро“, рече тој, заклучувајќи:
„Мислам дека ова е прв пат да ме гледа и да победувам. Ја делиме сцената толку долго, тоа е голема чест и убаво е повторно да го видам на неговиот најуспешен и омилен турнир.“
Федерер го држи рекордот на Вимблдон со осум титули, додека Ѓоковиќ е веднаш зад него со седум, ист број како и Пит Сампрас.