Топ
Црквата загрижена, бара МВР да ги истражи сатанистичките симболи во Драчево
Отец Оливер Петровски, од хуманитарната организација на скопската православна епархија при М.П.Ц- ОА „Свети Спас”, е загрижен поради случајот со сатанистички симболи во Драчево и бара надлежните да се вклучат во негово расветлување.
„Пред извесно време во нашиот град беа осквернети неколку цркви со сатанистички графити. Нашата хуманитарна организација, благодарение на братот Ивица, веднаш излезе на местото на настанот и ги санираше осквернетите храмови. Тогаш, се надевав дека тоа е дело на деца кои воопшто и не знаат што означуваат графитите што ги цртаат. Но… денес во нашата населба Драчево беше ритуално масакрирано маче. Беа испишани латински зборови со кои се велича нечестивиот и пентаграм. За жал, веќе не мислам дека се работи за деца кои не знаат што прават. Мислам, а се надевам дека грешам, дека ова е дело на некоја група и затоа бараме од надлежните служби сериозно да го разгледаат и расчистат овој случај во најбрз можен рок.Наши членови и волонтери денес беа на местото на настанот и се потрудија да ги снема овие сатанистички графити и искрено се надевам дека повеќе нема да ги видиме”, пишува тој на социјалната мрежа Фејсбук.
Здружението за заштита на животните „Анима мунди“ вчера објави фотографии на социјалните мрежи од распарчено маче и сатанистички пораки напишани на улица во Драчево.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Свет
(Видео) Ураганот во САД однесе 44 животи, речиси 5 милиони граѓани без струја
Бројот на жртвите од ураганот Хелена, кој ги погоди САД, се зголеми на 44, а 4,6 милиони луѓе се без струја, јавуваат американските медиуми.
Поради поплавите, повеќе од десетина луѓе останаа заробени на покривот на болница во Тенеси, а во тек е спасувачка операција, јавува ABC News.
Dramatic moment scores are rescued from roof of underwater hospital as Hurricane Helene drowns Tennessee
via https://t.co/Bucd9I4bxY https://t.co/cXm0l9N5Ei— JJ (@janetehenson) September 28, 2024
43 Dead As #Helene Hammers US Southeast, Begins Moving Inland
3.5mn homes in the region are without power, Saturday morning, after the category 4 hurricane ripped into the Florida, Georgia, Tennessee & the Carolinas.
📹 Courtesy Aidan Haas pic.twitter.com/kWNb7cvfLa
— RT_India (@RT_India_news) September 28, 2024
Гувернерите на американските сојузни држави Флорида, Џорџија, Алабама, Каролина и Вирџинија прогласија вонредна состојба во нивните држави.
Американскиот министер за здравство Ксавиер Бецера рече дека се прават напори да им се помогне на властите во Грузија да се опорават од ураганот Хелена и да се обезбеди потребната медицинска помош.
Гувернерот на Џорџија Брајан Кемп изјави дека десетици луѓе се уште се заробени во зградите оштетени од ураганот од четврта категорија, пренесува АП.
Tennessee is 440 miles from the coast. Hurricane Helene should be lessening. You think this a natural event? I got a bridge to sell you. https://t.co/jJYgNlFh2o
— Royboy17 (@Roy_Boy17) September 28, 2024
Повеќе од 800 летови се откажани низ целата земја, според ABC News.
Најголем број летови откажаа меѓународниот аеродром Шарлот Даглас во Северна Каролина, меѓународниот аеродром Хартсфилд-Џексон Атланта и меѓународниот аеродром Тампа во Флорида.
🚨 BREAKING: At Least 40 Dead as Hurricane Helene Wreaks Havoc Across U.S.
Hurricane Helene has caused widespread devastation across Florida and neighboring states, leaving over 40 people dead. More than 3.5 million residents are without power, and airports have been severely… pic.twitter.com/5dzQjo6TxR
— Agentis GeoP 🇷🇸🇷🇺☦️ (@AgentisGeop) September 28, 2024
Ураган од четврта категорија синоќа го погоди регионот Биг Бенд на Флорида, а денеска ослабе над Џорџија.
Ураганот ослабе до категорија 1, со максимална брзина од 120 километри на час, но властите рекоа дека временските услови и понатаму се опасни по живот и ги повикаа жителите да останат во засолништа, соопшти денеска Националниот центар за урагани.
Поплави се забележани низ југоисточниот дел на САД, а нови врнежи се очекуваат денеска.
Наредена е задолжителна евакуација на некои жители во Ешвил, во западниот дел на Северна Каролина.
Покрај обилните врнежи се очекуваат и одрони.
До 25 сантиметри дожд наврнаа во планините во Северна Каролина.
Свет
(Фото+видео) Израел изврши огромни напади врз Бејрут – има загинати и повредени
Најмалку шест лица се убиени во најновите воздушни напади, а 91 е ранет, според либанското Министерство за здравство, кое соопшти дека бројките се прелиминарни.
Израел изврши серија огромни напади врз Бејрут, при што неговата војска соопшти дека го погодила централниот штаб на милитантната група Хезболах.
Првиот бран напади ги затресе прозорците низ либанската престолнина и испрати густи облаци чад што се издигнаа во воздухот.
Израел вели дека лидерот на Хезболах, Хасан Насралах бил целта на нападот, но висок израелски функционер рече дека е премногу рано да се каже дали нападот бил успешен.
💥💥#Bigbreaking #Israeli airstrikes moments ago on the suburbs of #Beirut, #Lebanon, the call for Fajr [Dawn] prayer can be heard…#Nasrallah #israel #GazaGenocide #Russia #Syria #Iraq #Iran #Jordan #Turkiye #China #الضاحية_الجنوبية pic.twitter.com/JpVUXbm8Aw
— Alina Park (@AlinaParkUSA) September 28, 2024
Најмалку шест лица се убиени во воздушните напади, а 91 е ранет, според либанското Министерство за здравство. Велат дека бројките се прелиминарни.
Рано утрово следеше втор круг напади извршени од израелските воздухопловни сили, насочени кон, како што рече израелската војска, капацитети за производство на оружје на Хезболах и клучни командни центри на милитантната група во јужен Бејрут.
Israeli Air Force continuously striking at Hezbollah, since their leadership was deleted yesterday. Ammunition storage site of Hezbollah bombed in #Beirut, #Lebanon. pic.twitter.com/wZ0VhPFjQV
— Conflict Monitor (@ConflictMoniter) September 28, 2024
Тоа се случи неколку часа откако израелската војска за првпат повика на итна евакуација на некои специфични згради во јужните предградија. Портпаролот на армијата Авичај Адраи во објава на Х рече дека луѓето треба „да се оддалечат најмалку 500 метри“ од три згради.
Huge nd violet isreali Air strike recorded From the balcony of buildings in Beirut…. Heavy impact can be seen #Hezbollah #iran #hamas #MiddleEast #Nasrallah #isreal #Lebanon #LebanonExplosion #Beirut #haifa #LebanonBlast pic.twitter.com/ScJDes8ejB
— Geography🌏🏞️ (@GeoStatics7372) September 28, 2024
Синоќешниот напад беше најсилниот изведен од Израел во Бејрут за време на неговиот речиси едногодишен конфликт со Хезболах, кој започна кога групата поддржана од Иран почна да истрела ракети кон Израел речиси веднаш по нападот на Хамас од Газа на 7 октомври.
Израелската војска тврди дека извршила „прецизен удар“ врз штабот на Хезболах, кој, како што рече, бил „вграден под станбени згради во срцето на Дахие во Бејрут“.
Дахие – јужно предградие на Бејрут контролирано од Хезболах, беше погодено четири пати во текот на минатата недела. Оттаму раселени се околу 100.000 луѓе.
Четири од зградите во областа беа претворени во урнатини во петокот, објави телевизијата Ал Манар на Хезболах.
Иранската амбасада во Бејрут ги опиша нападите како „опасна ескалација што ја менува играта“, нарекувајќи ги „злосторство“ кое заслужува „соодветна казна“.
Претходно вчера, израелскиот премиер Бенјамин Нетанјаху вети дека ќе ги продолжи нападите на Израел врз борците поддржани од Иран во Либан за време на говорот на Генералното собрание на Обединетите нации.
„Се додека Хезболах го избира патот на војната, Израел нема избор, а Израел има целосно право да ја отстрани оваа закана и безбедно да ги врати нашите граѓани во нивните домови“, рече тој.
Во израелските воздушни напади загинаа повеќе од 700 луѓе во Либан, што ги зголеми стравувањата од сеопфатна војна меѓу двете страни.
Сателитските снимки, направени од Maxar Technologies, го откриваат степенот на штетата предизвикана од некои од ударите во Чуагир, гувернерот Баалбек-Хермел во источен Либан.
Првата слика, направена на 3 септември 2024 година, прикажува зграда опкружена со нешто што изгледа како дрвја. Истата зграда потоа е целосно уништена на втората слика, направена на 26 септември.
Израел тврди дека целта на бомбардирањето е да се стави крај на повеќе од 11 месеци оган на Хезболах на нејзина територија.
Македонија
Сомнеж за труење со храна во основното училиште„Ѓорѓија Пулевски“во скопски Аеродром: затворена е кујната
Наредено е затворање на кујната, по добиено известување за сомнеж за труење со храна на 8 деца во основното училиште „Ѓорѓија Пулевски“ во скопската општина Аеродром, соопшти Агенцијата за храна и ветеринарство.
Инспекциски служби на агенцијата во соработка со тимови од ЈЗУ Центар за јавно здравје Скопје, Државниот здравствен и санитарен инспекторат и Институтот за јавно здравје – Скопје, спровеле вонреден инспекциски надзор во кујната во училиштето.
„Земени се 4 контролни оброци од храната која на учениците им била послужена минатиот ден, мостри од храна – салата од краставица, супа, мусака со мелено месо и компири и бомбици кои ќе бидат лабораториски испитани. Исто така за лабораториско тестирање земени се и 5 бриса од работни површини и од опрема, како и испироци од раце од вработените лица во кујната.
Изречени се мерки за темелно чистење на кујната, дезинсекција, дезинфекција и дератизација, спроведување на вонредни здравствени прегледи на вработените лица во кујната“, се истакнува во информацијата од агенцијата..
Од кујната како што се појаснува не се носеле оброци за други училишни кујни, се до добивање на резултатите од лабораториските тестирања со кои ќе се потврди безбедноста.