Огромен пожар избувнал денеска во складиште за нафта во градот Макеевка во Донецк, регион во источна Украина.

Проруските сепаратисти, кои ја контролираат областа, изјавија дека складиштето било погодено од украински проектил.

Локалните власти соопштија дека на местото на настанот има 90-ина пожарникари, кои се обидуваат да го изгаснат пожарот.

Денеска, времето ќе биде променливо облачно и посвежо со повремени врнежи од дожд, претежно во јужните делови од земјата.

Ќе дува слаб до умерен, а по должината на Повардарието повремено засилен северен ветер.

Минималната температура ќе биде во интервал од 3 до 11, а максималната ќе достигне од 16 до 22 степена.

Во Скопје променливо облачно со умерен до засилен северозападен ветер.

Минималната температура ќе се спушти до 7, а максималната ќе достигне до 21 степен.

Пред неполн месец на „Нетфликс“ почна втората сезона на „Бриџертон“.

Првата сезона на серијата, која веднаш го достигна врвот на популарноста во светски рамки, е прогласена за најжешка серија на оваа стриминг-платформа поради експлицитните сцени и фаталната привлечност помеѓу Дафне Бриџертон и војводата од Хестингс.

И втората сезона изобилува со жешки сцени. Ја следи љубовната приказна помеѓу најстариот брат Бриџертон, Ентони (Џонатан Бејли), и Кејт Шарма (Симон Ешли).

Бејли неодамна во интервју за „Радио тајмс“ говореше за токсичната машкост на неговиот лик, смеата на сетот и клучните реквизити што актерите ги користат за да ги прикажат секс-сцените што е можно пореално.

За да им олеснат на актерите, продуцентите ангажирале специјализирана координаторка, Елизабет Талбот, која режира интимни сцени и користи разни методи. Бејли откри дека на актерите во снимањето на жешките сцени им помага специјален реквизит, полунапумпана топка за нетбол, игра слична на кошарка, популарна во многу земји од Комонвелтот.

„Има нови трикови, како мали перници, и неверојатно е што можете да направите со половина надуена нетбол-топка. Ако две лица глумат секс-сцена, правилото е дека мора да имаат три бариери или препреки што ги делат. Полунадуената топка може да дозволи движење без физичка врска. Има интересни моменти што ги прави тие сцени помалку срамни“, откри актерот мислејќи на токсичноста на сопствениот лик.