Uncategorized
(Видео) Стојаноски: ВМРО-ДПМНЕ поднесе 188 амандмани на ребалансот

„Ребалансот на буџетот, кој се наоѓа во Собранието, е целосно неразвоен и нема да даде одговор на предизвиците што ги носи ковид-пандемијата како на здравствен така и на економски план.
Државата е задолжена за нова 1 милијарда за речиси десет месеци, долгот е на историско највисоко ниво, имаме 40.000 нови невработени, а Зоран Заев се расфрла со парите на граѓаните“, изјави Бојан Стојаноски, пратеник од редовите на ВМРО-ДПМНЕ.
Спред него, власта предвидува мерка за тим-билдинг, која влегува како основ за даночно олеснување на фирмите, и тоа среде пандемија.
„Има ли пилот во авионот наречен влада?! Наместо да инвестираме во проекти и мерки што ќе обезбедат нови работни места, Владата ќе ги потроши парите за давање едномесечен паушал во стилот на изборен поткуп што го спроведоа пред изборите. Зоран Заев не ги применил ниту основните постулати на ММФ, според кои од економска криза може само да се извлече со капитални проекти и вложувања, но наместо капитални инвестиции, се зголемуваат ставките за набавка на мебел и привремени вработувања. Но, тоа не е за изненадување од Влада што дава пари за дресирање магариња, а илјадници деца немаат лаптоп за следење настава“, вели тој.
Целосно непланскиот буџет проектира минус од 8,5 % од домашниот бруто-производ и дупка од 920 милиони евра. Тоа се пари што се покриваат од задолжувања, а тоа значи дека долгот расте и ќе расте, без притоа да се создадат работи што ќе имаат додадена вредност.
„Зоран Заев кога го скицирал буџетот, мислел на себе, а не на граѓаните и фирмите. Мерките на Заев се нефункционални и неискористени. Искористеноста на првите три сета мерки е одвај 55 %, а тоа се очекува и за четвртиот сет мерки. Тоа е резултат кога се работи без план.
Зоран Заев целосно неплански и неразвојно ги троши парите на граѓаните и во таа насока пратениците на ВМРО-ДПМНЕ и опозицијата поднесовме 188 амандмани со две основни цели. Првата да стимулираме капитални инвестиции, а втората да го спречиме загадувањето со ПМ 10-честички, кои се трансмитери на вирусот согласно на изјавите на Венко Филипче. Го повикуваме парламентарното мнозинство да ги надмине политичките пресметки и притисокот на Зоран Заев и барем еднаш да покаже зрелост и да ги поддржи овие амандмани што ВМРО-ДПМНЕ ги креира за доброто на граѓаните“, додаде Стојаноски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Во обилните дождови во Пакистан загинаа над 300 луѓе

Пакистански спасувачи на северот од земјата денеска вадат затрупани тела од урнатини, кал и буици, каде што невообичаено интензивен монсунски дожд за само 48 часа предизвика смрт на над 320 лица.
Во текот на изминатите два дена, смртоносни поројни дождови погодија неколку области на планинската северна покраина Хајбер-Пахтунхва, каде што се регистрирани 307 смртни случаи, половина од сите смртни случаи оваа сезона на монсуни, покажуваат податоците на Управата за управување со катастрофи.
Повеќето од жртвите беа однесени од поројните поплави и починаа кога нивните куќи се урнаа, од електричен удар или удари од гром.
Во оваа покраина што граничи со Авганистан и каде што сè уште има обилен дожд, повеќе од 2.000 спасувачи работат на пронаоѓање преживеани или извлекување на тела закопани под урнатините, изјави денеска Билал Ахмад Фаизи, портпарол на службата за спасување на покраината, пренесен од француските медиуми.
-Обилните дождови, лизгањето на земјиштето и блокираните патишта го отежнуваат пристапот на амбулантните возила, а спасувачите се движат пешки, додаде тој.
Uncategorized
(Фото) По разводот, Ана Ивановиќ не може да ја симне насмевката од лицето, се јави од Мајорка

Српската тенисерка Ана Ивановиќ овие денови максимално го ужива летото судејќи според нејзините објави на „Инстаграм“.
Таа објави неколку фотографии на социјалните мрежи. Позира на плажа и во еден бар, облечена во кафеав фустан од Poupette St Barth со шапка од Hermès и очила за сонце Celine.
Пред тоа таа се пофали и со фотографии од плажа покажувајќи како се сонча и излегува со пријателите, но и дека не ја заборавила својата најголема љубов – тенисот. На сите фотографии во последно време Ивановиќ не симнува насмевка од лицето.
View this post on Instagram
Адвокатот на Ана Ивановиќ, Кристијан Шерц, потврди во изјава за германскиот весник „Билд“ кон крајот на минатиот месец дека поранешната српска тенисерка и светскиот шампион во фудбал, Бастијан Швајнштајгер, се разделиле. Во писмото, кое го доби и германската новинска агенција ДПА, се наведува дека раскинувањето се должи на непомирливи разлики“.
фото: принтскрин
Uncategorized
Голем број битолчани го искористија бесплатниот скрининг за Хепатитис и болести на црниот дроб

По повод Светскиот ден за борба против хепатитис, во Битола се реализираше бесплатен скрининг за хепатитис Б, Ц и ХИВ, како и еластографија, спроведени со мобилната медицинска единица од Скопје.
Настанот беше дел од националната кампања, организиран во партнерство со: Хепар Центар Битола, Министерството за здравство, Клиниката за гастроентерохепатологија, Клиниката за инфективни болести – Скопје, Официјалната комисија за хепатоцелуларен карцином, Општина Битола, Центарот за јавно здравје – Битола и Клиничката болница Битола.
Граѓаните покажаа исклучителен интерес за скринингот, кој поради зголемената посетеност продолжи еден час подолго од планираното – сè до 13:15 часот – со цел да им се овозможи на сите заинтересирани да се тестираат.
Особено значајна беше поддршката од страна на градоначалникот Тони Коњановски, кој лично ја посети мобилната единица и ја поздрави оваа важна здравствена иницијатива.
Националната кампања за бесплатен и анонимен скрининг за навремено детектирање на болести на црн дроб се реализира во 10 градови во државата. Целта е подигнување на свесноста за црнодробните болести, како што се црнодробен карцином, замастување на црниот дроб од алкохолна и неалкохолна природа, цироза и ретки болести на црн дроб.