Uncategorized
Како се облекуваа момците во 70-тите

70-тите беа голема деценија за модата.
Фокусирани на индивидуализмот, седумдесеттите ги охрабруваа мажите да се изразат со поавантуристички стил.
„Сега нема правила во модната игра“, прогласи магазинот „Вог“. Хипи, глам рок, диско, ѕвонарки, светки и сатен се само дел од елементите што ја одбележаа машката мода во 70-тите.
Психоделичен хипи
Кога „битлсите“ се вратија од Индија во 1966 година, тие го заменија изгледот на добро момче со шарени етнотуники, ѕвонести фармерки, долга коса, шапки и шарени шалови. Нивниот нов стил, во комбинација со употреба на дроги, ги издигна до статус на хипи-икони. Џон Ленон дури тврдел дека ги сменил фризурата и облеката на светот, вклучително и Америка.
Револуција на паунот
Не беше потребно многу за да се премине од хипи-модата во стилот на паун. 70-тите означија вистинска пресвртница во машката мода. Под влијание на музичарите и уживајќи во предностите на професионалниот живот, многу мажи ги напуштија класичните костуми во корист на шарени парчиња со дезен, понекогаш украсени со карнери или тантела. Концептите како социјална класа и стандарди за облекување исчезнаа.
Мода без род
Британскиот дизајнер Мајкл Фиш, кој се смета за татко на паун-модат, се прослави со своите екстравагантни креации. Всушност, неговата машка линија несомнено ги вклучуваше најконтроверзните креации, особено претставени од Мик Џегер на концертот на „Ролинг стоунс“ во Хајд парк во 1969 година и Дејвид Боуви следната година на корицата на „Човекот што го продаде светот“ (The Man Who Sold The World). Мајкл Фиш на фотографијата носи едно од своите препознатливи парчиња, долг кожен капут.
Глам рок
Футуристичка шминка, сјајна облека, светкави чизми и шарени фризури беа насекаде во раните 70-ти. Уметниците, како Дејвид Боуви во маската на Зиги Стардаст, имаа сè поексцентричен и андроген стил на своите настапи. Други славни уметници, како што се Литл Ричард и Марк Болан, исто така помогнаа да се прослави глам рок-модата.
Кадифе
Неформалните комплети стануваа поприфатливи, но класичните костуми не беа целосно напуштени. Во мода беа припиени јакни, лелеави панталони и нови материјали, имено кадифе.
Твид
Во тоа време во машката мода доминираа и сомот и твид. Спортските јакни, костуми и палта имаа разни дезени, вклучително и каре. Мажите почнаа да се одлучуваат за палта со пошироки раглан-ракави, лелеави панталони и потесни ревери и вратоврски.
Црно и бело
Додека мажите прифатија многу бои во текот на оваа деценија, црно-белите облеки не беа целосно заборавени. Парчињата во тренд вклучуваа карирани кошули во комбинација со лелеави панталони и кратка јакна со патент, костуми со дворедно закопчување и задолжителен џемпер без ракави со геометриски дезени.
Диско
До втората половина на деценијата диското стана мода за задолжително носење. Се разбира, никогаш нема да го заборавиме ликот на Џон Траволта во Saturday Night Fever („Треска во сабота навечер“) во бел триделен костум со широки ревери, висок елек, лелеави панталони и црна кошула со јака. Додајте чевли на платформа и авијатичарски очила и практично сте таму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
(Видео) Гвинет Палтроу ја провоцира Меган Маркл: снимката поттикна коментари

Обожавателите на Гвинет Палтроу се убедени дека актерката суптилно ја провоцира Меган Маркл додека таа се снимаше како прави појадок во својата кујна облечена во пижами. Основачот на брендот Goop, 52-годишната Гвинет, во саботата на „Инстаграм“ објави видео на кое подготвува појадок.
View this post on Instagram
Видеото доаѓа откако Меган на „Нетфликс“ го почна своето готвачко шоу „Со љубов, Меган“, кое, и покрај лошите критики, ќе има втора сезона. Во текот на целата сериј, Меган изгледа беспрекорно, облечена во луксузни дизајнерски парчиња додека готви во туѓа, изнајмена кујна.
Од друга страна, Гвинет во својот спот се појави без шминка, во лежерни пижами со пруги, користејќи ја песната This Will Be (An Everlasting Love) од Натали Кол, која се користи и во промотивните материјали за шоуто на Меган на „Нетфликс“.
Фановите бргу реагираа на социјалните мрежи. „Гвинет Палтроу продолжува суптилно да провоцира, а јас сум за тоа! Без шминка, во нејзината вистинска кујна“, „Дури и музиката… тоа е This Will Be (Everlasting Love) на Натали Кол“, „Ха, ха, нели е тоа песната што ја користат за да ја промовираат Меган Маркл?“, „Така приземјена и природна, во пижами, со разбушавена коса, без шминка, пие кафе. Едноставна и опуштена“, се дел од коментарите на „Икс“.
Еден обожавател додаде: „Браво, Гвинет. И таа има вистинско куче, во вистинска кујна, во својата куќа“. „Умирам од смеење. Таа не мора да каже ниту збор. Автентична и подобра во секој поглед, во пижами, без шминка, а сепак толку софистицирана“, напишал друг следбеник.
Uncategorized
Средба Мисајловски – Салај Бобровници во рамките на унгарско-македонскиот владин самит: Ние не сме само набљудувачи на сегашноста, туку архитекти на подобра и посигурна иднина

Министерот за одбрана Владо Мисајловски денеска оствари билатерална средба со својот унгарски колега Кристоф Салај Бобровницки во рамки на кој денеска се одржува во Будимшешта, Република Унгарија.
Уште еден значаен чекор кон побезбедна, посигурна и просперитетна иднина, за граѓаните на двете држави, за регионот и Европа, беше констатирано од страна на двајцата соговорници на денешната средба.
Мисајловски во оваа прилика додаде дека е потребно да се искористи секоја можна соработка која ќе придонесе не само проширување и продлабочување на односите меѓу двете земји туку на развој на државите.
„Еден од најважните критериуми за развој е зачувување на мирот, безбедноста и стабилноста. Токму затоа е потребно заеднички да продолжиме да вложуваме во јакнењето на регионалната безбедност, како би можеле поефикасно да се справиме со предизвиците со кои се соочуваме“, истакна министерот Мисајловски и додаде дека е особено горд што одбранбената соработка со Унгарија се интензивира особено по потпишувањето на Планот за билатерална соработка меѓу двете земји.
„Ние не сме само набљудувачи на сегашноста, туку архитекти на подобра и посигурна иднина. Активностите кои се опфатени со Планот се доказ за сериозната посветеност меѓу двете министерства и армии и за нас е од особена важност е можноста за размена на искуства и знаења кои двете земји ги нудат во насока на зајакнување на човековите капацитети“, потенцира Мисајловски.
Унгарскиот министер Салај Бобровницки на оваа средба кажа дека се отвораат нови можности во процесот на набавки и развој во делот на одбранбената индустрија преку договор Влада со Влада, можноста за набавки на воена опрема од страна на унгарски производители, како и за интензивирање на соработка во процесот на обука и вежби за припадниците на специјалните сили и армиите воопшто.
За време на состанокот се разговараше и за Меморандумот за разбирање меѓу двете институции, кој е во завршна фаза на усогласување, а кој ќе биде дополнителен импулс градењето на меѓусебната соработка.
Uncategorized
Лавров: Европа го поткопува решението на конфликтот во Украина

Шефот на руската дипломатија Сергеј Лавров денеска изјави дека само Западот и претседателот на Украина, Володимир Зеленски, ги попречуваат мировните преговори.
За време на посетата на Доха, тој рече дека претседателот на Русија, Владимир Путин, многупати одговарал на лажните обвинувања за преговорите и дека најдобрата помош за оние кои искрено сакаат да го решат овој конфликт е да разберат зошто настанал овој конфликт.
„Европа отворено се обидува да го поткопа решението на конфликтот во Украина. Ова е менталитетот „или-или“ што владее во Европа во последно време“, рече Лавров, пренесува „Раша тудеј“.
Според него, Русија смета дека е невозможно да се согласи на договори кои би вклучиле и повторно вооружување на Украина.
„Она што остана од Украина мора да се ослободи од расистичките закони“, рече Лавров и додаде дека Европа со своите постапки покажала дека не сака никаков мир, бидејќи „нејзиниот штитеник не ги исполнил сите задачи што му ги дала“.
На прашањето дали е вистина дека Москва се согласила да користи 300 милијарди долари замрзнати средства за обнова на Украина, под услов некои од нив да бидат наменети за потребите на новите руски региони, Лавров посочи дека не се зборува за „имот украден од Европејците“ и дека е сигурен дека ова прашање ќе биде решено наскоро, како што истакна и шефот на американскиот Стејт департмент, Рубио.
Тој додаде дека средба на руски и американски претставници на која ќе се разговара за работата на амбасадите ќе се одржи на 27 февруари во Истанбул.
Истовремено, тој отфрли секакви опции за распоредување европски мировни сили во Украина, наведувајќи дека Русија воопшто не го разгледува тоа, пренесува РИА Новости.
Лавров на прес-конференцијата во Катар посочи дека оваа идеја, која, како што рече, ја наметнуваат Европејците, „односно Франција и Велика Британија“, има за цел натамошна ескалација на конфликтот и сузбивање на обидите за прекин на конфликтот.
„Макрон во Вашингтон зборуваше за потребата од итен прекин на огнот, за воведување на овие мировни сили, а потоа, наводно, ќе зборуваме за териториите, за судбините на луѓето, за другите принципи на решавање. Ова е измама. Не можете да одите до договор чија цел е да се постигне една единствена цел, да се напумпа Украина со оружје“, рече Лавров.
„Облогот на Западот за воено решение е безнадежен“, рече тој.
Зборувајќи за потенцијалното искористување на руските замрзнати средства, тој рече дека Москва ќе има одговор на тоа.
„Прашањето за рускиот имот на Запад нема да исчезне од агендата на преговорите во Украина“, рече Лавров, нагласувајќи дека имотот првенствено е украден од Европејците.
Лавров пристигна во Доха на средба со катарскиот емир Тамим бин Хамад ал Тани, пренесува Танјуг.