Uncategorized
Путин: На дело покажуваме одговорност за иднината на светот

Русија ги идентификува политиката и економијата како некои од главните области на соработка меѓу членките на БРИКС. Имавме цел да го зајакнеме авторитетот на организацијата, да ја зголемиме нејзината улога во светските работи и да ги решиме итните глобални и регионални проблеми. Направивме сè за да ја подобриме и продлабочиме мултилатералната соработка на нашите земји во три главни области: политика и безбедност, економија и финансии, како и културна и хуманитарна сфера, изјави рускиот претседател Владимир Путин на вториот ден од самитот на БРИКС, што се одржува во Казан, главниот град на Република Татарстан, со слоганот „Зајакнување на мултиполарноста за поправеден глобален развој и безбедност“. На самитот учествуваат претставници на 36 земји, како и шест меѓународни организации.
На покана на Путин се одржа седница на БРИКС во потесен состав, на која присуствуваа претседателот на Руската Федерација, Абдел Фатах ел-Сиси – претседателот на Египет, Нарендра Моди – претседателот на Иран, Масуд Пезешкијан, претседателот на Народна Република Кина – Шји Џјинпинг, и претседателот на ОАЕ – Мухамед бин Зајед ал-Нахјан, премиерот на Етиопија – Абиј Ахмед, претседателот на Јужноафриканската Република – Сирил Рамафоса, и министерот за надворешни работи работи на Бразил – Мауро Вијеира.
На продолжената седница Путин рече и дека би било погрешно да се игнорира огромниот интерес на земјите од глобалниот југ и исток за зајакнување на контактите со БРИКС. Во една или друга форма повеќе од 30 земји ја изразија оваа желба. Во исто време, како што истакна рускиот лидер, треба да се одржи рамнотежата и да не се дозволи да се намали ефикасноста на БРИКС. Тој потсети и дека во Јоханесбург е договорено да се создадат модели и категории на земји партнери на БРИКС и да се формира листа на земји што ќе добијат таков статус.
„Сите сме сведоци на динамичниот развој на БРИКС, зајакнувањето на неговата репутација и влијание во светските работи. Земјите што се членки на нашата заедница поседуваат навистина огромен политички, економски, научно-технолошки и човечки потенцијал. Во исто време, нас нè обединуваат заеднички вредности и погледи за светот. Ќе биде точно ако кажам дека БРИКС вклучува истомисленици – суверени држави, кои претставуваат разни континенти, развојни модели, религии и домородни цивилизации и култури. Сите наши земји се залагаат за еднаквост, добрососедство и меѓусебно почитување, за потврдување на возвишените идеали за пријателство и хармонија, за општ напредок и благосостојба. Тие покажуваат одговорност за иднината на светот на дело, а не со зборови, тие имаат навистина позитивно влијание врз состојбата на работите на полето на глобалната стабилност и безбедност и даваат важен придонес во решавањето на акутните регионални проблеми“, рече Путин.
Според кинескиот претседател Џјинпинг, на самитот е одлучено да се поканат многубројни земји да станат партнерски земји. Кинескиот лидер оваа одлука ја нарече уште еден важен настан во развојот на БРИКС. Тој изјави дека земјите членки на БРИКС мора да играат водечка улога во реформата на постојниот глобален финансиски систем. Кина ќе спроведе план за соработка за зајакнување на потенцијалот на земјите од БРИКС во дигиталната сфера, рече кинескиот лидер. Во таа насока тој истакна дека минатата година предложил иницијатива за соработка во областа на дигиталното образование во рамките на БРИКС, пренесуваат медиумите во регионот.
Нагласи дека меѓународната рамнотежа на силите поминува низ длабоки промени, но дека гореспоменатата реформа е далеку зад себе.
Претседателот на Кина повика сите да се придржуваат до концептот на мултилатерализам и да ги земат предвид ставовите на земјите од глобалниот југ.
Според него, Пекинг е подготвен да ја прошири соработката со земјите од БРИКС, вклучително и откривање нови ресурси. Тој додаде дека релевантноста на меѓународниот финансиски систем само ќе расте.
„Земјите од БРИКС треба да ја играат улогата на заштитници на заедничката безбедност“, рече Шји.
Зборувајќи за Украина, тој посочи дека е неопходно да не се дозволи ширење на конфликтот и негова ескалација. „За да се деескалира во Украина, неопходно е да престанеме да додаваме масло на огнот“, посочи кинескиот претседател.
Според светските медиуми, посебен интерес предизвика претседателот на Турција, Реџеп Таип Ердоган, кој вчера доцна попладне пристигна во Казан.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Uncategorized
Гаши: Бошњаците се значајна карика за нашата држава

Денес во Собранието се одбележа 28 септември – Меѓународниот ден на Бошњаците. По тој повод претседателот Африм Гаши организираше средба со претставници на Бошњаците кои работат во сферите на академијата, уметноста, културата, граѓанскиот сектор, политиката, администрацијата, дипломатијата и младинските прашања.
На средбата претседателот Гаши ги поздрави присутните и го честиташе меѓународниот ден на Бошњаците што значи потврда на јазикот, културата и идентитетот на бошњачката заедница. Истакна дека иако процентуално бројот на Бошњаци е мал, нивниот придонес во економскиот, културниот и општествениот живот на Република Северна Македонија е мошне значаен и учеството во сите државни процеси е од клучно значење за напредокот и развојот на државата, а истовремено и доказ и потврда за мултикултурното и мултиетничкото општество во кое живееме.
Претставниците во текот на пријателската и неформална дискусија се заблагодарија за тоа што за прв пат се поканети и пречекани во Собранието на толку високо ниво, што е индикатор дека иако во овој состав нема пратеник Бошњак, претседателот покажува интерес за прашањата кои ги засегаат.
Се осврнаа на неколку главни прашања, имено: образованието и усовршувањето на наставниците кои предаваат изборен или задолжителен предмет Босански јазик и култура во основните училишта. Во однос на политичката застапеност, ја повторија иницијативата за загарантирани пратенички места за помалите етнички заедници, како и потребата од внесување на геноцидот во Сребреница во наставните програми, со цел такви злодела на човештвото да не се повторат.
Uncategorized
(Фото) Врската со 11 години помладиот маж ѝ годи: го промени и начиниот на облекување поради него

Каде и да се појави, Џесика Алба предизвикува воздишки. Таа привлекува големо внимание од јавноста и со својот приватен живот, бидејќи по разводот од Кеш Ворен, таа започна романса со колега кој е 11 години помлад од неа.
Но, не е само нејзиниот емотивен живот тој што доживеа ренесанса… Нејзиниот начин на облекување исто така значително се промени, а често ја гледаме една од најубавите актерки во смели комбинации.
Неодамна имавме можност да ја видиме во атрактивна комбинација, а сега таа прошета по улиците на Њујорк во шик комбинација инспирирана од „old money“ стилот.
Jessica Alba Seen Out to Dinner at The Old Rose in New York City 09-18-2025
-> https://t.co/7GqKwBMA18 pic.twitter.com/3y4asNMojt— Tha Starz (@thastarz) September 21, 2025
Таа носеше бела маица и јакна со златни копчиња, а на комбинацијата додаде и лежерни фармерки и бели потпетици. Може да се каже дека нејзиниот стил е комбинација од модерно и елегантно, и совршено ѝ стои.
Едно е сигурно – Џесика Алба процвета по разводот!
фото: принтскрин
Uncategorized
Кадриу: Османи одобрил договор од 56 милиони денари за возила за ОБСЕ, цените трипати повисоки

Претставникот на „Влен“, Арбер Кадриу, презентираше договор за изнајмување возила за потребите на Министерството за надворешни работи (МНР) за време на организацијата на министерскиот совет на ОБСЕ во декември 2023 година, нарекувајќи го „доказ за коруптивниот начин на кој работел тогашниот министер Бујар Османи“.
Кадриу истакна дека договорот е склучен на износ од 56.640.000 денари за само два дена настан, без механизми за контрола и потврда на бројот на ангажирани возила.
„Во него јасно се гледаат астрономските цени што државата ги плаќала: VIP автомобил 29.000 денари на ден, возило од средна класа 23.000 денари, а миниван 19.200 денари на ден, без ДДВ,“ рече Кадриу, посочувајќи дека само еден месец претходно истата компанија склучила договор со МНР за редовни потреби по цена од 9.500 денари за ист тип возило.
„Тоа значи дека државата платила три пати поскапо за исти возила, од истата компанија, во исто време,“ додаде тој.
Од ВЛЕН обвинуваат дека во договорот „нема записник или доказ колку возила биле користени, нема внатрешна контрола, ниту службена потврда на реализацијата“.
„Ова е класичен модел на излевање на јавни пари во приватни џебови. Ова е начинот како работел Бујар Османи како министер за надворешни работи,“ истакна Кадриу, додавајќи дека ваквите тврдења се нотирани и од Државниот завод за ревизија.
ВЛЕН бара отворање кривична истрага за сите лица вклучени во овој договор, како и активирање на Државниот завод за ревизија за целосна проверка на набавките во МНР за време на мандатот на Османи.
„Бујар Османи е должник пред граѓаните. Овој договор го потпишал во свој мандат и со свој потпис ја одобрил астрономската цена. Не може да се крие зад службеници и процедури,“ рече Кадриу, повикувајќи медиуми, граѓански организации и јавноста да го погледнат договорот.