Контакт

Забава

Островска држава чиј пасош станува нов статусен симбол меѓу богатите луѓе

Објавено пред

Како еден од трендовите што во моментот важи за статусен симбол меѓу богатите во целиот свет е да се поседува пасош од островска држава што ја сочинува архипелаг во средината на Средоземното Море.

Станува збор за шармантна медитеранска дестинација која нуди уникатни плажи, убаво време и релаксиран начин на живеење, па затоа е една од најпосакуваните локации меѓу богатите, кои масовно аплицираат за нејзиниот пасош.

Пасошот на Малта, која е дел од Европската Унија, дава привилегија за безвизно патување во  182 земји.

Покрај тоа, Малта не наметнува даноци за приход, подвижен и недвижен имот и наплаќа само 15 отсто данок за парите венесени во земјата.

„Доколку имате јахта и два авиона, следно нешто што ви треба е пасош од Малта“, вели Кристијан Калин, директор на компанијата Henley & Partners.

„Се работи за најновиот статусен симбол. Имаме клиенти што во својата колекција сакаат да имаат пасоши од разни земји“, објаснува тој.

Малта е една од 10-те земји во светот што им овозможува на странците да купат државјанство, поточно да вложат пари и да придонесат за развој на земјата во замена за државјанство.

Интересно, пасошот на Малта е поевтин од австрискиот или кипарскиот пасош за речиси еден и пол милион евра и чини само 1,25 милион евра.

Акцијата „Купи пасош“ привлекла најмногу руски богаташи, а Малта донесе повеќе од 700 инвеститори и 960 милиони евра.

Забава

Интервју со графитчиите кои се изразија на ѕидовите во новите канцеларии на „Вип“

Објавено пред

Од

Графитите како уметничка форма датираат уште од времето на античка Грција и Римската Империја. Иако во денешно време во Македонија графитите сè уште се еден вид  вандализам, во некои држави или градови тие се дозволени и претставуваат вистинска уметност, дури и кога се нацртани на јавни површини. Ако навлеземе повеќе во зборот графити ќе дознаеме дека тоа е име за слики или букви, изгребани, исчкртани, насликани или означени на кој било начин, меѓутоа како уметничка форма тие еволуираат и се трансформираат во вистинска уметност.
За жал, во Македонија графитите се сè уште во категорија „загрозени“ и графитчиите се тајни уметници, но, за среќа, постојат луѓе, компании и институции кои ја препознаваат оваа уметност и кои сакаат нивните ѕидови да бидат украсени со истата.

Во разговор со двајца графити-артисти, еден скопјанец и еден кумановец, дознавме како успеваат да ја изразат својата креативност и дали од времето кога почнале да цртаат па до сега работите се сменети на подобро.

• Верувам, од мали сте имале желба да се изразите креативно, но кога се роди вашата љубов токму кон графитите и желбата да цртате на јавни места?

Хром: Мојата љубов кон графитите се роди пред околу 22 години и еве, сè уште трае. Уште од мал имав дарба да се изразам преку слики, а во ’96-тата сосема случајно еден мој пријател ме вовлече во графити-уметноста. Иако првиот графит не беше целосно мој, туку на него работев како поддршка на еден мој другар, тоа дефинитивно беше моментот кога знаев дека тоа е мојата голема љубов.

Трендо: Кога бев петтооделенец почнаа да ме привлекуваат графитите кои беа исцртани по ѕидовите на моето училиште, беа толку примамливи што секогаш кога ќе поминував покрај нив застанував и ги анализирав боите, стилот и начинот на кои се нацртани. На истите ѕидови за краток период се изредија многу нови и интересни графити, па кругот околу училиштето секогаш ми беше интересен.

• Колку години имавте кога го создадовте вашиот прв графит?

Хром: Мислам дека имав 13 или 14 години, не се сеќавам точно, но знам дека приказната почна кога еден мој другар ме замоли да му помогнам со боење на графитот. Сепак, тоа не беше целосно мој графит затоа што тој веќе ја имаше целосната идеја од тоа што ќе биде темата, до боите што подоцна ги користевме. Подоцна и сам почнав да создавам и еве, сè уште го правам тоа.

Трендо: Дарбата за цртање и креативно изразување ја имав уште од мал. Се сеќавам дека скици од графити имав исцртани насекаде, но создавање голем графит е нешто сосема различно, потребна е добра ориентација и планирање на површината. Мојот прв успешен графит го нацртав во 2008 година, се сеќавам дека беше нацртан со три боци спреј и дека надвор беше многу ладно.
• Од каде ја црпите инспирацијата и тематиката за вашите графити?

Хром: Да бидам искрен, за разлика од порано, во денешно време е многу потешко да измислиш нешто свое. Затрупани сме со многу информации и слики, интернетот си го направи своето дури и во графити-културата. Генерално секогаш се трудам да бидам интересен и оригинален како графити-цртач. Најчесто црпам идеи од филмови, видеоигри, цртани филмови, стрипови и работи со кои растев и кои ме правеа среќен.

Трендо: Се согласувам дека интернетот можеби ѝ штети на уметничката слобода, меѓутоа отвора и нови погледи и е добар канал за инспирација. Ако ги земеме како целина, моите графити немаат една иста или конкретна тематика што им е заедничка. Идеите некако ми доаѓаат спонтано, можеби поради секојдневната посветеност кон графитите, но дефинитивно стилот е ист, секој мој графит може да се препознае по формите и прецизните линии што ги користам.

• „Вип“ е компанија во Македонија која во својата нова зграда ги отвори вратите за вас и својата внатрешност ја разубави со графити. Кој беше предизвикот за вас?

Хром: Со оглед на тоа дека цртањето графити во Македонија сè уште не е легално, а и постои одредена категорија луѓе кои истите не ги смета за уметност, многу се израдував кога од „Вип“ ме повикаа на разговор. Навистина е убаво чувството кога знаеш дека на некој му се допаѓа тоа што го правиш секојдневно, а уште поубаво е дека некој ги следи градските графити. Уште од првиот состанок со претставниците од „Вип“ се почувствува таа добра енергија за соработка и креативност, а самото тоа што „Вип“ ни ги отвори вратите и ни ги препушти своите осум ѕида беше предизвик.

Трендо: Цртањето графити е предизвик само по себе, од друга страна цртањето во внатрешна просторија на внатрешен ѕид е поразлично од цртање на ѕид што е под отворено небо. Целиот проект, целата организација и идејата да се црта во „Вип“ беше предизвик и навистина се радувам што работите испаднаа како што беше замислено. Ретки се компаниите кои своите работни простории ги украсуваат со графити, јас искрено се надевам дека и другите компании во Македонија ќе го следат примерот на „Вип“ и ќе ја искористат креативноста на графити-цртачите.
• Графитчиите кај нас се „загрозена“ категорија, какво е чувството кога некој ќе ти даде парче ѕид и ќе го препушти на твојата креативност?

Хром: И по повеќе од 20 години во Скопје сè уште нема легални ѕидови за цртање графити. Последниве неколку години почнаа некакви мали соработки со градските власти, што е за пофалба. Повеќето цртежи со во договор со приватни сопственици или се нелегални. За нас секогаш сликите говорат. Затоа соработката со „Вип“ многу ни се допадна. Од тимот на „Вип“ бевме ослободени од притисоци и бевме препуштени на целосна креативност. Графитите се во склад со просторот, темата што ја зададовме беше телефонија, интернет, компанија, тим, достапност, односно зборови што го опишуваат семејството на „Вип“. Исто така, и боите што  преовладуваат се блиски до боите на логото на „Вип“, но се во склад и со самите простории. Сакавме графитите да се блиски до секој што ќе ја посети зградата на „Вип“ на возраст од 7 до 77 години, а сепак секој цртач да го задржи и својот препознатлив стил.

Трендо: За жал, малку луѓе ја знаат вредноста на графитите. Цртањето графит бара многу работа и труд, целиот процес од идеја до имплементација не е толку лесен како што изгледа. Секој уметник е среќен кога неговата работа ќе биде препознаена и вреднувана, особено кога работата се наоѓа во категорија на „загрозени дејности“. Чувството што некој во Македонија ги препознава графитите како уметност, а во исто време ти дава можност да ја изразиш својата креативност е еднакво на радост. Секој ѕид е поубав со графити!

• Како ја остварувате таа интеракција помеѓу формата и содржината? Дали вообичаено размислувате за пораката што сакате да ја пренесете, а потоа барате соодветна слика за тоа?

Хром: Сакам да си поиграм со перцепцијата на минувачите. Морам да признаам дека не секогаш моите дела кријат и некоја голема порака. Последниве неколку години сум заинтересиран за форми и букви, постојаната игра помеѓу нив. Ги упростувам буквите оо наједноставни до  необични форми и обратно.

Трендо: Пред да почнам со цртање, прво размислувам за пораката што сакам да ја пренесам, согласно со тоа подоцна ги бирам боите. Кога работам на проекти како во „Вип“, прво сликата ја поврзувам со компанијата и со пораката што сакам да ја пренесем и на крај ги вклопувам во еден креативен цртаж.

• Како е да се биде графитчија во Македонија?

Хром: Да се биде графитчија во Македонија, односно Скопје секогаш имало две страни. Може да биде многу забавно зашто генерално нашата мала супкултура функционира добро. Се знаеме колку сме и кои сме активни. Сепак, не е Скопје град каде е ептен опасно да се биде графити-цртач, градот си има свои многу поголеми проблеми за решавање. Поголемиот проблем за графити-цртачите е финансискиот. Треба повеќе да се поработи на мали пазари и продавнички за продажба на дела од графитчии и улични уметници за да можат цртачите да бидат повеќе мотивирани.

Трендо: Да се биде графити-уметник во Македонија не е многу поразлично од другите држави каде што ваквата уметност не е дозволена. Не ни е отворен патот за да можеме слободно да создаваме, попречени сме во средината во која живееме и твориме. Да бидам искрен,  градските власти не се многу се сконцентрирани на нас и на нашите графити што ни остава простор за творење, но јас секако не се откажувам. Цртањето графити и изразување преку ваквата уметност за мене е задоволство, јас сакам да креирам бидејќи преку нив создавам своја димензија и линија на движење.

Прикажи повеќе...

Забава

Нискокалоричните засладувачи корисна замена за шеќер

Објавено пред

Од

Во месецот кога се одбележува Светскиот ден на срцето, важно е да се напомене дека здравјето најдобро се чува со умерени количини, без претерување во ништо, па ни во консумирањето храна, а во тоа ни помагаат нискокалоричните засладувачи.

Како што објаснува професорката д-р Будимка Новаковиќ, диететичар на Медицинскиот факултет во Нови Сад, нискокалоричните засладувачи се користат во прехранбената и фармацевтската индустрија, а и како столни засладувачи. Во прехранбената индустрија се користат како замена за шеќер, со цел да се намали енергетската вредност на прехранбените производи или да се создаде нов вид прехранбен производ што може да се користи од страна на луѓе кои не сакаат или од здравствени причини не треба да користат шеќер.

Долготрајната употреба на нискокалорични засладувачи може да биде корисен диетотераписки инструмент во прекумерната телесна тежина и дебелина, во отпорност на инсулин, дијабетес, нарушувања на масни супстанции во крвта и во други болести што се јавуваат од обилна исхрана.

Нискокалоричните засладувачи докажано помагаат во губење на тежината, што, пак, влијае на подобрување на крвниот притисок, крвните триглицериди и кардиоваскуларните болести – додава д-р Новаковиќ.

Прикажи повеќе...

Забава

Убавицата на Украина остана без титулата

Објавено пред

Од

Мисот на Украина остана без титулата кога организаторите дознаа дека има дете и дека била мажена.

Вероника Дидусенко (23) ја освои круната минатиот четврток, но бргу беше дисквалификувана бидејќи организаторите дознаа дека таа лажела за својот приватен живот во пријавата, пишува „Дејли мејл“.

Убавицата има 4-годишен син со поранешниот сопруг, но според правилата на натпреварот, мајките и мажените жени не може да се натпреваруваат.

Во официјалното соопштение за медиумите организаторите објаснија дека Вероника ги прекршила правилата и дека не може да ја задржи посакуваната титула, што значи дека на изборот за мис на светот, што ќе се одржи во декември во Кина, Украина ќе ја претставува друга девојка.

„Пријатели, никогаш не сум била блогерка, но веќе ве има повеќе од 10 илјади. Ви благодарам за вашата искрена поддршка во ова тешко време за мене. Фантастични сте“, напиша на „Инстаграм“, каде што многу бргу, благодарение на скандалот, има повеќе од 11,5 илјади следбеници.

Но, некои следбеници остро ја критикуваа и ја нарекоа глупава поради прекршувањето, односно недоволното познавање на правилата.

View this post on Instagram

Нарешті, усвідомивши все, що трапилося, відзнявши перші прямі ефіри та інтерв`ю для ЗМІ, я можу поділитися своїми емоціями! Мене переповнює невимовна вдячність комітету @missukraine_official👑кожному, хто мне підтримував, я відчуваю Вашу любов і віру – це ДИВОВИЖНО❤️❤️❤️ Дякую надзвичайним @landik19 за підтримку 24/7, @ayten.novruzova, @zorianchuk, @katya_den, @veronica_v78, виконавчому директору @kioseviktoriya💪 Моя щира подяка членам ЖУРІ: @mashaefrosinina, @aakucherenko, @nikolaytyshchenko, @vova_ostapchuk, @olgakharlan, @iusypchuk_bogdan @gorovaya_irina, @aysina_julia, @yuriy_tkach ✨✨✨✨✨✨✨✨✨✨✨✨✨✨✨✨✨та красномовним ведучим @kosadcha, @gorbunovyuriy💫💫 І ,звичайно, спасибі чудовій @polina.tkach за передачу естафети🙏❤️ Обожнюю моїх дівчат: Miss Ukraine Earth @anastasiia_kryvokhyzha та Miss Ukraine International @bogdana_tarasyk ❣️❣️❣️ #missukraine2018👑

A post shared by Veronika Didusenko (@veronika_didusenko) on

Сè уште не е познато кој ќе го заземе нејзиното место, но организаторите велат дека титулата можеби нема да ѝ биде автоматски доделена на првата придружничка.

Прикажи повеќе...

Најново

Свет9 часа

Бил Козби осуден на 3 до 10 години затвор за сексуален напад

Познатиот комичар Бил Козби е осуден на три до 10 години во државен затвор за дрога и сексуално малтретирање на...

Регион11 час

(Видео) Пожар на Пељешац, гори борова шума – жителите ги бранат куќите

Во пожар што избувна кај местото Мокало на хрватскиот полуостров Пељешац гори густа букова шума. Според последните информации, огнот го...

Македонија12 часа

Се намалуваат трошоците во постапките пред нотарите и извршителите

На предлог на Министерството за правда, Владата ги прифати предлог-законите за изменување и дополнување на Законот за извршување и на...

Македонија13 часа

Заев: Одлучуваат тие што гласаат, тие што не гласаат не се ни бројат

За успешноста одлучуваат тие што гласаат, а тие што не гласаат не се ни бројат, порача премиерот Заев пет дена...

sobranie, 27 april nasilstvo krvav cetvrtok sobranie, 27 april nasilstvo krvav cetvrtok
Крвав четврток14 часа

Чавков наредил да им ја отворам вратата на колегите од УБК, сведочеше собраниска полицајка за oдзмените харддискови

По наредба на директорот на БЈБ, обвинетиот Митко Чавков, било одземањето на дисковите со снимките од безбедносните камери во Собранието, потврди собраниската...

Крвав четврток14 часа

Судот им ги одби гаранциите на Крсто Мукоски и Љубен Арнаудов да се бранат од слобода

Обвинетите пратеници Крсто Мукоски и Љубен Арнаудов, како и активистот Богдан Илиевски и обезбедувачот Оливер Радулов, и натаму остануваат во...

Топ15 часа

Градоначалникот на Куманово добивал закани, поднесена кривична пријава против едно лице

Градоначалникот на Куманово до СВР Куманово пријавил дека во два наврата му биле испратени СМС-пораки со заканувачки содржини кон него...

Крвав четврток16 часа

Се надевам дека ќе одговараат нарачателите за 27 април, рече обвинителката Русковска

По првиот дел од судењето во кривичниот суд за настаните од 27 април, обвинителката Вилма Русковска, на новинарско прашање, рече...

Investigative story18 часа

Антикорупциската комисија се сомнева во злоупотреби со монографии на Филозофскиот факултет

Антикорупциската комисија има доставено иницијатива за поведување постапка за кривично гонење поранешен декан на Филозофскиот факултет до Јавното обвинителство,поради сомневања...

Крвав четврток18 часа

„Влатко Ѓорчев ги молеше како Господ да не нè напаѓаат“, се расплака телохранителот на Оливер Спасовски

(Фото: Ацо Ангеловски во средина) „Лево од мене слушнав наредба – убијте ги! Масата одеднаш тргна кон нас. Бидејќи не...

Регион18 часа

Додик: Јавна тајна е дека опозицијата подготвува немири на улиците

Претседателот на Република Српска, Милорад Додик, изјави дека е јавна тајна дека опозицијата во тој српски ентитет има план да...

Виница Виница
Македонија19 часа

Вонредни контроли по масовното труење со храна во Виница

Aгенцијата за храна и ветеринарство во наредните денови во Виница ќе изврши вонредни контроли кај сите оператори што произведуваат, подготвуваат...

Свет19 часа

Кина: САД ни ставаат „нож под грло“, губиме и едни и други

Продолжувањето на кинеско-американските трговски преговори е тешко откако САД на Кина и ставија „нож под грло”, рече заменик-министерот за трговија...

Свет20 часа

САД ја предупреди Русија: С-300 во Сирија ќе биде голема грешка

САД ја предупредија Русија дека распоредувањето на модерниот анти-ракетен систем С-300 во Сирија е голема грешка и дека одлуката треба...

Топ20 часа

Осумнаесетгодишно момче од Скопје загина во сообраќајна несреќа

На улицата „Јадранска магистрала“ во Скопје ноќеска се случила сообраќајна несреќа во која животот го загуби 18-годишниот Д.К. од Скопје....

Свет23 часа

НАСА откри две нови далечни планети

Орбиталниот телескоп на НАСА, кој е во потрага по нови светови надвор од Сончевиот систем, открил две нови далечни планети...

Спорт1 ден

Модриќ е „кралот“ на светот

Лука Модриќ очекувано е избран за најдобар фудбалер во изборот на ФИФА, комплетирајќи ја неверојатната година во која со Реал...

Македонија2 дена

„Најди некој со сила од Унијата на жени, некој непознат“, Јанакиески вртел телефони за да бара противкандидат за градоначалник

На продолжението од судењето за предметот на специјалното јавно обвинителство, познат со кодното име „Титаник“, во доказната постапка се репродуцираат...

Македонија2 дена

(Вознемирувачки фотографии) Смртоносни отрови расфрлани во повеќе градови, реагира „Анима мунди“

Исклучително силни смртоносни отрови се расфрлани во повеќе градови и села во целата држава – Валандово, Велес, Охрид, Куманово, Тетово,...

Македонија2 дена

Поднесено обвинение против Васе Доневски за скандалот со „Секјуриком“

Основното јавно обвинителство за гонење организиран криминал и корупција поднесе обвинение против поранешниот директор на Службата за општи и заеднички...

Досие