Забава
Принцот Хари нема да врши притисок врз своите деца
Принцот Хари откри дека на своите деца нема да им пренесе некоја сопствена болка или страдање.
Војводата од Сасекс, кој има двегодишен син Арчи и ќерка на пат со неговата сопруга Меган, сака да се осигура дека „ќе го прекине циклусот “ со тоа што нема да ги врши истите притисоци врз своите деца со кои се соочувал кога бил мал.
Хари сугерира дека неговиот татко, принцот Чарлс, можеби му пренел болка или страдање по смртта на принцезата Дајана во 1997 година, но дека ќе се потруди да не го стори истото со своите деца.
Во текот на настапот на поткастот Armchair Expert на холивудскиот актер Дакс Шепард, војводата од Сасекс рече: „Нема вина. Не мислам дека треба да покажуваме со прст или да обвинуваме никого.“
„Но, секако кога станува збор за родителството, ако сум доживеал некаква форма на болка или страдање поради болка што можеби ја претрпеле татко ми или моите родители, ќе се погрижам да го прекинам тој циклус.“
„Како и да е, генетската болка може да се пренесе, па ние како родители треба да направиме максимум што можеме, и да се обидеме да кажеме ‘тоа што ми се случи мене, ќе се погрижам да не ти се случи тебе’“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Винслет: Дел од моите први интимни искуства беа со жени
Славната актерка Кејт Винслет откри дека како тинејџерка имала интимни искуства и со жени, за што отворено зборуваше во подкастот „Team Deakins“. Таа се наврати на улогата во филмот Heavenly Creatures, кој ѝ ја лансираше кариерата и во кој толкува сложен однос меѓу две тинејџерки.
„Ќе споделам нешто што досега никогаш не сум го кажала – дел од моите први интимни искуства беа со девојки. Бев љубопитна и во таа фаза од животот тоа ми помогна подобро да се поврзам со ликот“, изјави Винслет.
Улогата во „Heavenly Creatures“ ѝ го отвори патот кон успешна кариера, која кулминираше со светска слава по филмот Titanic. Денес, таа зад себе има богато актерско портфолио, а неодамна го оствари и својот режисерски деби со филмот „Goodbye June“, достапен на Netflix.
Винслет е позната по тоа што внимателно го чува приватниот живот, но и по јавното залагање за правата на LGBTQ+ заедницата. Во претходни интервјуа таа зборуваше и за стравот што многу млади актери го чувствуваат во Холивуд доколку јавно ја откријат својата сексуалност, поради можни последици врз нивната кариера.
Фото: Depositphotos
Забава
(Видео) Црниот фустан на Кејт Хадсон е совршен за празничните вечери
Кога зборуваме за стајлингот на Кејт Хадсон, на ум паѓа само еден збор, а тоа е – елеганција.
Славната русокоса се смета за дама со стил и вкус, а тоа го докажала многу пати на големи настани, особено за време на бројните промоции на филмот „Song Sung Blue“.
Сега повторно покажа дека едноставноста и елеганцијата немаат замена, а за нејзиното појавување во емисијата „Watch What Happens Live“ носеше безвременско парче облека – црн фустан од Balmain. Станува збор за минималистички модел без прерамки што ја следи линијата на телото.
Златниот детаљ во горниот дел од креацијата беше исто така впечатлив, што му даде на аутфитот доза на луксуз. Стајлингот го надополни со златни додатоци, едноставна фризура и шминка во земјени тонови.
Стилистката Емили Санчез беше задолжена за беспрекорниот изглед на Кејт.
Забава
(Фото) Скопје во еден ритам: Махмут Орхан пред повеќе од 7.000 посетители
Светски познатиот диџеј приреди моќен арена-настап и незаборавна електронска вечер во арената „Борис Трајковски“.

Над 7.000 посетители ја исполнија арената „Борис Трајковски“ во Скопје, каде што светски познатиот турски диџеј и продуцент Махмут Орхан приреди спектакуларен настап во рамките на The Arena Experience, во организација на Music Rituals.

Вечерта почна со програма на домашните изведувачи Anna Noodle и Danyel, Brancez и Lephonq и странските изведувачи Stasi Sanlin и People Like Us, кои со своите сетови ја подигнаа енергијата пред главниот настап.

Со врвна продукција, впечатливи визуелни ефекти и својот препознатлив мелодичен електронски звук Махмут Орхан ја донесе глобалната клупска енергија создавајќи силна атмосфера и незаборавно музичко доживување за публиката.

Настанот уште еднаш го потврди потенцијалот на Скопје како дестинација за големи меѓународни електронски музички продукции и постави нови стандарди за ваков тип на настани во регионот.


