Забава
Сопственици на „ајфон“ не сакаат да одат на состаноци со корисници на „Андроид“
Убавиот изглед, шармот и смислата за хумор се карактеристики со кои најчесто можете да привлечете некого, но кај некои корисници на „ајфон“ ваквите одлики на личноста стануваат ирелевантни.
Поточно, има одреден број луѓе што поседуваат телефони „ајфон“ и кои, според истражување на „Њујорк пост“, не сакаат да излегуваат со оние што имаат друг вид телефон.
Ако мислите дека ова е ограничено само на помладата популација, новинарката на овој портал, Хана Фришберг, вели дека тоа се однесува и на некои возрасни кои се грижат за бојата на балончето во кое пристигнуваат пораките.
Кај сопствениците на „ајфон“, кога се допишуваат еден со друг, бојата на нивните пораки е сина. Доколку, пак, сопственик на „ајфон“ се допишува со корисник на „Андроид“, пораките што пристигнуваат се во зелено балонче. Тоа изгледа им е многу важно на одредени луѓе, па врз основа на типот на телефонот што го имаат нивните соговорници одлучуваат дека не сакаат да се забавуваат со такви луѓе.
„Доколку пораката не е сина, нема да губам време флертувајќи со таа личност. Само ќе се запрашам зошто не користи ‘ајфон’“, рекла Кејти Мекдонау, една од интервјуираните.
Иако андроид-уредите доминираат на пазарот, припадниците на помладите генерации имаат невообичаена врска со производите на „Епл“. Тие се многу повеќе приврзани со нив од другите сопственици на уреди, што беше потврдено и во анализа спроведена минатата година.
Многумина ја припишуваат оваа врска на т.н. екосистем на „Епл“, кој најдобро може да се опише како систем на апликации и услуги што ги навлекува сопствениците на уреди на „Епл“ да се навикнат на него и да му останат верни на брендот.
Сепак, некои очигледно решиле да го пренесат ова и на малку подлабоки одлуки.
Во ваквата група луѓе припаѓа и Кејти (23), која тврди дека комуникацијата со сопствениците на „Андроид“ е тешка од неколку специфични причини.
Имено, таа сака да гледа три точки што се појавуваат кога и пишува друго лице, сака да го гледа известувањето дека пораката е доставена и можност да одговори на порака со „ха, ха“ или срце.
„Ме одбива ситуација кога ќе видам дека немаат ‘ајфон’. Кога на ‘Тиндер’ ќе размениме броеви со некого, секогаш се надевам дека неговите пораки ќе бидат сини. За мене тоа е вистинско олеснување“, објаснила таа.
Џејкоб Лендсмарт (23), сопственик на „Андроид“, е свесен за овој тренд, но и дека ваквиот, како што рекол, снобизам може да ги намали неговите шанси кај некои девојки.
„Дефинитивно, тоа е нешто од што малку се плашам“, бил искрен тој.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Ќерката на Деми Мур и Брус Вилис: Работам на четири места за да го издржувам своето дете
Румер Вилис, ќерка на холивудските актери Брус Вилис и Деми Мур, одлучи да одговори на коментарите на социјалните мрежи, појаснувајќи дека самата ја издржува својата ќерка Луета без никаква финансиска помош од своите славни родители.
Откако во понеделникот на својот Инстаграм објави видео за мајчинските обврски, како подготовка на оброци и вежбање, Румер Вилс се соочи со несакани коментари. Подоцна се огласи преку Инстаграм, посочувајќи на авторите на коментарите поради, како што рече, неинформираност и безобразлук.
Самохраната мајка, која ќерката ја има со поранешниот партнер Дерек Ричард Томас, откри дека работи повеќе работи за да се издржува и нагласи дека не добива финансиска помош од родителите.
„Работам четири различни работи за да ја издржувам својата ќерка. Јас сум нејзиниот единствен старател. Не живеам од семеен фонд ниту добивам пари од родителите. Поголемиот дел од времето немам никаква помош околу неа“, порача таа. „Затоа, што велите да застанете малку пред да почнете да осудувате и да носите претпоставки.“
Бидејќи коментарите продолжиле, Вилис се осврна и на конкретна забелешка од корисник дека, во случај на нужда, секогаш може да се потпре на „грбот“ што ѝ го обезбедува семејството. Во нова објава на Инстаграм дополнително го појасни својот став за претпоставките што луѓето ги имаат за неа како мајка и како личност.
„Многу сум свесна дека во животот имам привилегии што многумина ги немаат и не го земам тоа здраво за готово“, рече таа. „Знам дека постојат реалности што никогаш нема целосно да ги искусам и тоа го почитувам. Но оваа објава не се однесуваше на привилегии или споредување на животни околности, а изгледа дека луѓето претпоставуваат дека сум го занемарила тоа, иако тоа не беше темата за која сакав да зборувам.“
Дополнително објасни дека своето славно семејство никогаш не го сметала за резервен план и дека е горда што може сама да ја издржува својата ќерка. Изјавата ја заврши со зборовите дека секој „се соочува со различни животни околности“ и лични борби.
Како и нејзините родители, и Румер Вилис е актерка. Се појави во филмовите, „Sorority Row“ и Once Upon a Time in Hollywood, глумеше во серијата Empire, а дебитираше и на Бродвеј.
Забава
Кои хороскопски знаци се најстроги родители
Астрологијата сугерира дека одредени хороскопски знаци во улогата на родители не отстапуваат од своите принципи и воспитуваат со дисциплина, јасни правила и високи очекувања.
Јарец
Јарците се симбол на дисциплина. Под влијание на Сатурн, воспитувањето го сфаќаат како сериозна животна мисија. Очекуваат ред, одговорност и исполнување на обврските без изговори. Иако делуваат строги, нивната љубов се изразува преку стабилност и учење на вредноста на трудот и упорноста.
Девица
Перфекционистите на зодијакот поставуваат високи стандарди. Домот им е организиран, а од децата се очекува дисциплина, добри навики и посветеност. Критиките не им се злонамерни – целта е детето да го достигне својот целосен потенцијал.
Лав
Лавовите имаат големи очекувања од своите деца и ги поттикнуваат да блескаат. Иако се топли и дарежливи, бараат почит и одговорност. Веруваат во исклучителноста на своите деца и ги туркаат напред за да успеат.
Овен
Како родени лидери, Овните ги воспитуваат децата да бидат храбри, самостојни и борбени. Не толерираат откажување и ги учат директно да се соочуваат со предизвиците.
Шкорпија
Интензивни и заштитнички настроени, Шкорпиите бараат искреност и емоционална сила. Веруваат дека карактерот се гради преку соочување со тешкотии, па воспитуваат психолошки издржливи личности.
Забава
Владо Георгиев со голем концерт во Скопје
По четири Белградски арени, Владо Георгиев со голем концерт во Скопје
Еден од омилените балкански кантавтори, секогаш актуелниот Владо Георгиев на 20 март 2026 година ќе одржи голем солистички концерт во Скопје.
По три рекордно распродадени концерти во Белградска арена и четврт концерт на 7 март за кој побаравувачката е голема, „Господски“ концерт ќе се одржи во спортскиот центар „Јане Сандански“.
„На македонската публиката ќе ѝ биде претставена Господска музичка приказна што ги надминува рамките на традиционалната концертна изведба. Препознатливата комбинација од боемски сензибилитет, музичка елеганција и емоционална искреност на Владо ќе го направат овој концерт посебно искуство што ќе се памети долго време“, велат организаторите.
Влезниците се веќе достапни во продажба на ddtickets.rs.
Капиштец повеќе од шест часа без вода, дефект кај Цветен пазар ја поплавува улицата Народен фронт
Жителите на делови од скопски Капиштец повеќе од шест часа останаа без вода за пиење. Кај Цветен пазар вечерва е...
Четворица кандидати во трката за државен јавен обвинител добија позитивно мислење
Обвинителките Анита Тополова-Исајловска, Ленче Ристоска и Лидија Раичевиќ и судијата Ненад Савески добија позитивно мислење од Советот за јавни обвинители....
Генерален штрајк во март ако до крајот на февруари не се зголеми минималната плата, ССМ најави блокади и во другите градови
Со тројца повеќе работници од вообичаено, 24 наместо досегашните 21, Сојузот на синдикати на македонија (ССМ) денес ја блокираше Владата,...
Авионот е користен согласно прописите, за секој лет постојат документи, велат од Владата
Јавно и недвосмислено укажуваме дека владиниот авион е користен исклучиво во согласност со прописите и актите за негово користење, согласно...
Скијач од Данска повреден во снежна лавина на Попова Шапка
Скијач од Данска е пронајден на Попова Шапка, а според информациите од полицијата тој бил повреден од снежна лавина и...
Автомобил удри во четиригодишно дете во Скопје, со тешки повреди е пренесено во болница
Четиригодишно дете со тешки повреди е пренесено во болница откако во него удрил автомобил. Според информациите на МВР, вчера околу...
(Видео) Левица: Жителите на Струга 10 дена се оставени без чиста вода за пиење
Жителите на Струга 10 дена се оставени без чиста вода за пиење поради сериозната еколошка хаварија со изворот на вода...
(Видео) Кузеска: За еден час пред Владата ќе започне протест за поголеми плати, нека се симне Мицкоски, нека ги погледне работниците кои едвај може да си ги прехранат семејствата
„Со владин авион и парите од граѓаните премиерот бил на Јадранско море. На одмор. Ова е срамна слика за една...
Од јули директни летови од скопскиот аеродром до атрактивните дестинации Алгеро и Палермо во Италија
Меѓународниот Аеродром Скопје, управуван од ТАВ Македонија, подружница на ТАВ Аеродроми и членка на Групацијата АДП ја проширува својата мрежа...
„Сѐ е исто како во времето на Груевски, затоа и постојано одат со владиниот авион во Будимпешта по нови задачи и насоки“, велат од СДСМ
„55 дена нема одговор од Обвинителството за криминалните тендери, молчи и Државната комисија за спречување на корупција. Нема одговори за...
Денеска посебен режим на сообраќај во Скопје
Денеска со почеток од 11:00 часот од страна на Сојузот на синдикати на Македонија ќе биде одржан протест пред Владата...
ВМРО-ДПМНЕ: Очекуваме Јавното обвинителство темелно и целосно да го расветли случајот со модуларната болница во Тетово
„Сведоштвата на поранешната обвинителка Лејла Кадриу отвораат сериозни прашања за причините и одговорноста за трагичниот настан во модуларната болница во...
Холандски министер: Не треба да го кажувам ова, но американските Ф-35 можат да се хакираат
Холандскиот министер за одбрана, Гијс Туинман, ја изненади јавноста тврдејќи дека софтверската независност за борбениот авион Ф-35 е можна, сугерирајќи...
Чешкиот претседател: Наивно е да се очекува брз мир во Украина
Чешкиот претседател Петр Павел изјави дека би било наивно да се очекува брз мировен договор меѓу Украина, Европа, Соединетите Американски...
Хилари Клинтон: Трамп го прикрива објавувањето на досиејата на Епстин, Бил и јас ќе сведочиме
Хилари Клинтон ја обвини администрацијата на претседателот Доналд Трамп за „прикривање“ во ракувањето со документите поврзани со покојниот сексуален престапник...
(Видео) Голем украински напад врз Русија: Гори рафинерија, пет аеродроми затворени
Синоќа, украински беспилотни летала нападнаа неколку локации во Русија, вклучувајќи ја и рафинеријата за нафта Илски во Краснодарскиот крај, каде...
Британија сака да ги забрани социјалните медиуми за лица под 16 години
Велика Британија би можела да воведе забрана за социјални медиуми за деца под 16 години уште оваа година, следејќи го...
Нова рунда мировни преговори меѓу Украина и Русија; Кремљ: Главното прашање е територијата
Претставници на Украина и Русија ќе се сретнат во Женева денес и утре на нова рунда мировни преговори со посредство...
(Видео) Пукање на хокеарски натпревар за млади во САД: има мртви и ранети
Во пукање на младински хокеарски натпревар во Потакет, во американската држава Род Ајленд, синоќа беа убиени две лица, а тројца...
40-годишниот прилепчанец пронајден починат: трагично заврши потрагата по Виктор Илиоски
Семејството и пријателите преку социјалните мрежи се збогуваат од Виктор Илиоски од Прилеп, кој последен пат бил виден во саботата...
