Забава
Актерот Арми Хамер обвинет за силување, адвокатот го нарече тврдењето смешно

Една млада жена во четвртокот (18 март) го обвини американскиот актер Арми Хамер дека ја силувал пред четири години во Лос Анџелес, а полицијата соопшти дека го истражува случајот.
Адвокатот на Хамер ваквите наводи ги нарече смешни и додаде дека сите сексуални односи на актерот биле целосно консензуални.
Тврдењето за силување следува по наводите на социјалните мрежи во јануари од страна на неколку жени кои го обвинија 34-годишниот актер за емоционално и физичко малтретирање и рекоа дека споделува насилни сексуални фантазии.
Хамер во тоа време рече дека нема да одговори на, како што рече, злобни онлајн-напади, но сепак ова резултира во негово исклучување од два холивудски проекта. Неговите претставници го напуштија веднаш кога обвинувањата излегоа на површина.
Во четвртокот, една жена, која се идентификува само како Ефи, на видеоконференција за печат изјави дека била во четиригодишна романтична врска со актерот, кој во тоа време беше оженет со Елизабет Чемберс.
„На 24 април 2017 година Арми Хамер насилно ме силуваше повеќе од четири часа во Лос Анџелес, тој повеќепати ми ја трескаше главата во ѕидот по што добив модринки на лицето“, изјави Ефи (сега 24) пред новинарите.
„Тој исто така изврши и други акти на насилство врз мене за што јас не давав согласност“, рече таа.
Хамер и Чемберс се разделија во јули 2020 година по 10 години брак.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Меган Маркл за проблемите со Хари: Расправиите почнаа по шест месеци

Меган Маркл се појави во подкастот на Џејми Керн Лима. Таа зборуваше за нејзиниот бренд „As Ever“ и нејзиното шоу „With Love, Meghan“, но зборуваше и за нејзиниот брак со принцот Хари.
Војвотката од Сасекс призна дека работите меѓу нив не биле секогаш идеални. „На почетокот беше одлично и имаше пеперутки во стомакот, но потоа почнавме да се караме многу брзо. Тоа се случи неочекувано, околу шест месеци по почетокот на врската“, рече таа.
Таа, исто така, рече дека работите се различни по седум години брак, велејќи дека двајцата имаат малку „простор за дишење“.
„Можеме да уживаме еден во друг на нов начин, па затоа чувствувам како периодот на меден месец повторно да е тука за нас“, заклучи таа.
Меган неодамна објави фотографии на Инстаграм од нејзините деца, принцот Арчи (5) и принцезата Лилибет (3), кои поминуваат време во дворот на нивниот луксузен дом во Калифорнија вреден 14 милиони долари. Фотографиите ги прикажуваат двете малечки како берат цвеќиња што Меган ги одгледува во градината, без притоа да ги покаже лицата на децата.
Принцот Хари наводно „не е премногу задоволен“ што Меган ги користи нивните деца за промоција на нејзиниот нов бренд, As Ever. Уредникот за кралското семејство на The Sun, Мет Вилкинсон, тврди дека војводата и војвотката од Сасекс не се синхронизирани кога станува збор за објавување фотографии од нивните деца на социјалните мрежи.
„Хари би сакал неговите деца да бидат подалеку од очите на јавноста до одредена возраст“, рече Вилкинсон во подкастот A Right Royal.
Забава
Илон Маск: За 5 години роботите ќе бидат подобри и од најдобрите хирурзи

Основачот на Tesla, SpaceX и Neuralink, Илон Маск, изјави дека роботите наскоро ќе ги надминат дури и најдобрите човечки хирурзи.
Маск го напиша ова на X како одговор на објавата на Марио Нафал, основач на IBC Group, инвестициска фирма која инвестира во блокчејн проекти и нови технологии.
„Роботите ќе ги надминат добрите хирурзи за неколку години, а најдобрите за околу пет“, напиша тој.
Нафал, познат како претприемач во областа на криптовалутите, технологијата и стартапите, ги коментираше резултатите од неодамнешните тестови на Medtronic, една од најголемите медицински компании во светот специјализирана за развој и производство на медицински помагала и технологија.
„Стапките на компликации беа екстремно ниски: само 3,7 проценти за операција на простата, 1,9 проценти за операција на бубрег и 17,9 проценти за операција на мочен меур, од кои сите ги надминаа безбедносните цели поставени во текот на повеќегодишните истражувања. Роботот постигна стапка на успех од 98,5 проценти, што е далеку над целта од 85 проценти, што значи дека не само што го помина тестот, туку практично постави нова цел“, додаде тој.
„Од 137 операции, само во два случаи беше потребно префрлање на класична хирургија, едниот поради дефект на роботот, а другиот поради комплициран случај на пациент. Ова не значи дека роботите ќе ги заменат хирурзите утре, но значи дека вашиот следен лекар би можел да има многу скап метален асистент“, заклучи тој.
Забава
(Видео) Одјавната шпица на „Симпсонови“ на македонски јазик

Во најновата епизода на анимираната серија „Симпсонови“, Abe League of Their Moe, одјавната шпица е на македонски јазик.
Како што вчера беше објавено, креаторите на серијата одлучиле да внесат спортист што доаѓа во Спрингфилд како голема сензација од Македонија.
Во епизодата е вклучен тим од земјата. Се работи за сестрите Невена и Калина Нешкоски и нивниот брат Наум, кои заедно го водат едукативниот канал „Дарко Биберко“.
„Учествувавме во преводот, јас лично имав консултантска улога, а сите тројца испеавме песна што ја преведовме од англиски на македонски. Благодарност до композиторка Кара Талве, која ја овозможи оваа соработка“, напиша Невена Нешкоска на „Фејсбук“.