Забава
Амбер Херд размислува да напише автобиографија

Амбер Херд, поранешанта сопруга на Џони Деп, размислува за можноста да објави свои мемоари.
Актерката од Danish Girl („Девојката од Данска“) наводно е подготвена „да ја сподели својата вистина“ со експлозивни сеопфатни мемоари, во кои ќе ги изнесе деталите за својот турбулентен двегодишен брак со Џони Деп и нивната жестока судска битка. Тој ја тужеше за клевета поради авторски текст во „Вашингтон пост“ од 2018 година, во кој таа тврди дека е жртва на семејна злоупотреба.
Извори за „Радар онлајн.ком“ рекоа дека 37-годишната актерка, која сега живее во Мадрид, Шпанија, со својата двегодишна ќерка, ќе бара околу 15 милиони долари за својата приказна и дека е подготвена да проговори откога стана цел на интернет-тролови во текот на минатогодишното судење.
„Амбер нема да биде замолчена. Таа чувствува дека била третирана многу лошо за време на судењето“, рече инсајдерот. „Таа се чувствува како да е жртва овде“.
Во меѓувреме, Камил Васкез, една од адвокатите на Џони на судењето, неодамна призна дека размислува за пишување книга, делумно за правната битка, но нагласи дека во моментот тоа е само идеја.
Таа изјави за „Пипл“: „Размислувавме за тоа. Бен (од адвокатскиот тим на Деп) и јас се пошегувавме дека треба да напишеме книга заедно, можеби за судењето. Чувствувам дека мојата приказна е можеби половина напишана. Се чувствувам како да има уште многу да се направи“.
„Иако судењето беше значаен дел од мојата кариера… вистинската приказна за тоа која сум јас и мојот пат, има толку многу за да се напише и да се направи.
„Имам наслов на ум. Можеби еден ден“.
Камил и остатокот од адвокатскиот тим на Џони често се во контакт со 59-годишниот актер уште од судењето и планираат да присуствуваат на еден од концертите на неговиот бенд „Холивуд вампајрс“ подоцна ова лето.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Ќерката на Михаел Шумахер роди девојче

Ќерката на Михаел Шумахер, Џина Марија (28), и нејзиниот сопруг Јан Бетке го добија своето прво дете.
„Добредојде во светот, Мили. Родена на 29 март, нашите срца се пополни од кога било. Неизмерно сме благословени што те имаме во нашите животи“, напиша Џина Марија на „Инстаграм“ покрај црно-белата фотографија од својата новородена ќерка.
View this post on Instagram
Објавата бргу предизвика лавина честитки и поддршка од фановите. „Честитки! Многу сум среќна за тебе. Ќе бидеш неверојатна мајка”, напишал еден следбеник, а друг додал: „Прекрасно! Најголемата радост што може да ја има секој“.
Забава
Џенифер Лопез фотографирана на снимањето филм, ги насмеа луѓето со своите гримаси

Актерката и пејачка Џенифер Лопез работи на нов филм. Станува збор за романтичната комедија Office Romance на „Нетфликс“, напишана од Брет Голдстајн и Џо Кели, а главните улоги ги толкуваат Голдстајн и Џенифер Лопез. Режисер е Ол Паркер.
Џеј Ло беше фотографирана на снимањето на филмот. Таа со своите гримаси насмеа многу луѓе.
Папараците ја снимиле како јаде сендвич и пие кафе.
Забава
Диета што ги убива мастите, а на многумина не им се допаѓа: позната актерка изгледа прекрасно во своите 60-ти поради овој начин на исхрана

Прославената актерка Гвинет Палтроу (52), освен што воодушевува со својот изглед и улоги, лансира и своја линија на козметички производи, со што уште појасно покажува колку ѝ е важна младоста.
Според Social Diary, урамнотежената исхрана и вежбањето ја одржуваат нејзината совршена фигура, а особено интересно е нејзиното мени.
Имено, Гвинет со години следи макробиотска диета заснована на течна храна. Актерката јаде многу органски житни зрна, свеж зеленчук, а повремено јаде и органска риба или живина, најмногу до 50 грама, но не како оброк, туку во супа или чорба.
Вештачките шеќери и преработената храна за неа се минато, а кога се во прашање млечните производи, козјото млеко е дозволено.
На секои два часа таа внесува многу течности, вода, билни чаеви, свежо цедени сокови од овошје и зеленчук, напивки од бобинки, супи.
Кога станува збор за зеленчукот, најмногу се препорачуваат моркови, цвекло, тиквички и домати, а многу е важно храната да биде пасирана, зготвена или блендирана.
Сепак, диетата никогаш не е доволна доколку нема физичка активност, па Гвинет тренира петпати неделно по 45 минути, а обожава и јога. За почеток, можете да тренирате двапати неделно ако ова темпо е пребрзо за вас.