Забава
Бела Хадид се враќа на модната сцена
Супермоделот Бела Хадид се враќа на работа по петмесечна пауза поврзана со нејзината долгогодишната битка со Лајмската болест. Минатиот месец таа откри дека зела слободни денови затоа што ѝ се влошила состојбата со болеста, и дека секој ден прима нови третмани.
„Прв ден на снимање по пет месеци”, напиша 26-годишната манекенка во објава на „Тик-ток“ каде сподели снимки од зад сцената.
Бела, која ги информира фановите за своите здравствени проблеми, изгледа свежо и одморено додека позира на столот за шминкање.
Објавата предизвика позитивни коментари со поддршка од нејзините фанови. Многумина напишаа дека им е драго што се чувствува подобро. Повеќето коментари беа дека таа изгледа преубаво и посилно од било кога.
Медиумите потсетуваат дека Хадид направи пауза од кариерата и се повлече од социјалните мрежи за да започне со поинтезивно лекување со надеж дека ќе ги стави под контрола симптомите на хроничната болест.
Таа неодамна сподели фотографии со документирани здравствени проблеми кои ја мачеа со години наназад, дури и додека беше една од најбараните манекенки во светот.
Откако била прегледана во 2013 година кога имала 17 години, лекарот навел долг список симптоми кои таа ги доживува, вклучувајќи замор, нарушување на вниманието, проблеми со меморијата (нарушување на паметењето), главоболки, нерамнотежа, ПМС, хронична болка во градите и нарушувања на спиењето.
Претходно, таа откри дека 15-годишната битка со исцрпувачката болест се исплатела бидејќи имала можност да шири љубов.
Лајмската болест е предизвикана од бактериска инфекција. Според центрите за контрола и превенција на болести, се пренесува на луѓе преку убод од заразени црни крлежи.
Во 2019 година, супермоделот Бела беше прогласена за најубава жена на светот. Естетскиот хирург Џулијан Де Силва спровел истражување кое покажало дека лицето на Бела е максимално блиску до т.н. „златен пресек“ на убавината.
Таа има најблизок до идеалниот сооднос според математичката равенка позната како Beauty Phi, развиена уште во древна Грција. Де Силва ги пресметува пропорциите на лицата на славни личности според научна формула со мерење на обликот и позицијата на усните, носот, брадата, челото и вилицата.
Бела Хадид фотографирана на 75. филмски фестивал во Кан, мај 2022 година
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Бејби Лазања откри што прави по Евровизија
Бејби Лазања откри што прави по Евровизија.
На Инстаграм објави фотографија од музичко студио. Така стави до знаење дека по евровизиското лудило се фрли на создавање нова музика.
Новиот албум на Бејби Лазања ќе се вика Demons & Mosquitos и ќе излезе оваа есен.
Забава
Три хороскопски знаци кои размислуваат премногу
Сите имаме моменти кога размислуваме премногу, но некои луѓе понекогаш претеруваат, што може да влијае на нивното ментално здравје.
Ако сте се запрашале кои се најголемите астролошки аналитичари, ѕвездите ги имаат одговорите. Луѓето родени под овие хороскопски знаци размислуваат премногу.
Девица
Девиците се познати по нивната прецизност и потреба од ред. Тие се оние кои ќе забележат дека сликата на ѕидот е искривена за милиметар и нема да мируваат додека не ја поправат. Оваа потреба за совршенство често ги води во бескрајни кругови на размислување.
Вага
Вагите се познати по нивната љубов кон рамнотежа и хармонија. Тие се дипломатите на зодијакот, секогаш се трудат да го најдат најдоброто решение за сите ситуации. И иако тоа е прекрасно, често ги доведува во состојба на парализа од претерано размислување.
Риба
Рибите се познати по својата имагинација и интуитивност. Нивниот богат внатрешен свет ги прави креативни и сочувствителни, но тие исто така можат да бидат склони кон претерано размислување. Рибите често лебдат помеѓу реалноста и светот на соништата. Нивната чувствителност и склоност кон интроспекција може да ги наведат да ги преанализираат своите чувства и постапките на другите.
Рибите често ќе се најдат себеси како размислуваат за сценаријата „што ако“ и се губат во своите мисли.
Забава
Хороскопски знаци што се закануваат да раскинат кога работите не одат според нивниот план
Односите се чувствителни и сложени и сите повремено се соочуваме со моменти кога работите не излегуваат како што сме замислиле. Секој човек различно реагира на стресни ситуации и недоразбирања, а некои од нас се посклони кон радикални решенија кога се соочуваат со предизвици. Раскинувањето не е секогаш првиот избор, но за некои луѓе може да изгледа како најлесниот излез кога се чувствуваат заробени или несигурни.
Овен
Овните се познати по нивната импулсивност и силниот темперамент. Кога работите не излегуваат како што замислиле, нивната страсна природа брзо може да се претвори во фрустрација. Наместо да бара компромис, Овенот често претпочита драматични одлуки, вклучително и закани за раскинување, за да го врати чувството за контрола.
Близнаци
Близнаците се склони кон брзи промени во мислењето и однесувањето. Кога ќе се соочат со пречки, Близнаците може да се закануваат со раскинување, бидејќи тоа им дава можност да истражуваат нови опции и да избегнуваат монотони или тешки ситуации.
Лав
Лавовите сакаат да бидат во центарот на вниманието и имаат големи очекувања од своите партнери. Ако чувствуваат дека не добиваат доволно внимание или почит, може драматично да реагираат. Заканата за раскинување е начин Лавовите да го свртат вниманието на сопствените потреби и да се погрижат нивниот партнер да ја разбере сериозноста на ситуацијата.
Шкорпија
Шкорпиите се интензивни и страсни, а нивната чувствителност може да ги направи многу посесивни. Кога се чувствуваат изневерени или кога работите не одат како што треба, тие можат да станат многу деструктивни. За Шкорпиите, заканата од раскинување е средство за манипулација што го користат за да ја вратат контролата врз ситуацијата и емоционално да го казнат партнерот.
Водолија
Водолиите се познати по својата независност и неконвенционалност. Кога работите не одат како што треба, тие може да се чувствуваат ограничени или погрешно разбрани. Во такви ситуации, заканите за раскинување се нивниот начин на изразување на незадоволството и враќање на нивната автономија.