Меланија Трамп важи за дама со стил и вкус. Деловната елеганција е нејзин заштитен знак и ретко избира раскошни креации за средби со официјални претставници на земјите. Сепак, таа знае и како да направи исклучок…

View this post on Instagram

A post shared by MAG LEBANON (@maglebanon)

Претседателот на САД, Доналд Трамп, го прими саудискиот престолонаследник Мохамед бин Салман, неофицијалниот лидер на Саудиска Арабија, во Белата куќа.

На церемонијалниот пречек се придружи и Меланија Трамп, првата дама на САД, но и жена која ја знае добитната модна комбинација кога станува збор за официјални посети.

Иако деловната елеганција е нејзин заштитен знак, Меланија овој пат одлучи да направи исклучок и избра гламурозна креација за да го пречека саудискиот принц.

Станува збор за макси фустан во смарагдна боја кој ја нагласува фигурата. Со оглед на тоа што првата дама на САД ја краси тело на модел, таа немаше проблем со леснотија да ја носи оваа креација од либанскиот дизајнер Ели Саб.

Својот стил го комплетираше со дискретни додатоци, впечатлива шминка и едноставна фризура која слободно паѓаше по нејзините рамена.

фото: принтскрин

Поп-пејачот Саша Ковачевиќ не се појави на концертот на Емина Јаховиќ, со која го има снимено еден од најубавите дуети.

Додека таа одржуваше концерт во Сава Центарот во Белград, Саша Ковачевиќ гостуваше во емисија. Водителот го праша за нивниот однос, а пејачот реши да ја открие вистината.

Како што вели, Емина Јаховиќ го повредила неколку пати.

– Ги почитувам сите мои колеги. Два или три пати се случија работи што не беа колегијални, пријателски. Тоа беше во минатото. Таа повеќе не се однесуваше пријателски, а јас ја сметав за пријателка – рече Саша Ковачевиќ и додаде:

– Морам да реагирам. Овој наш проблем датира одамна, години. Морам да се бранам, тоа се нормални работи во бизнисот – рече Саша Ковачевиќ во емисијата.

Пред 16 години, Емина Јаховиќ и Саша Ковачевиќ снимија дует кој стана еден од најпознатите српски хитови, а нивната соработка остави голем белег на музичката сцена, па отсуството на Саша од концертот на Емина предизвика интерес кај јавноста.

фото: принтскрин

Австралиската актерка Ајла Фишер се разведе по 14 години брак со Саша Барон Коен, а сега конечно призна колку тешко ѝ било во тој период.

Како што самата рече, морала да го започне животот „од нула“, а во интервју за ELLE Decoration откри неколку претходно непознати детали.

„Беше многу предизвикувачки да се обидам да создадам нов живот од темел, барем емотивно, беше исцрпувачки, но сум благодарна. Уживам во оваа нова верзија на животот. Повеќе не ми требаат забави или друштво дома. Среќна сум кога палам свеќи, ја полнам кадата, го вклучувам Netflix, уживам во тишината. Тоа е највозбудливото нешто за мене сега“, рече таа.

Сепак, не можеше да биде целосно рамнодушна кога пристигна новиот мебел за станот во кој се всели.

„Малку се расплакав затоа што тоа беше прв пат да се вселам во свој стан како независна жена“, вели Ајла.

Ајла Фишер и Саша Барон Коен ја завршија својата врска минатата година по повеќе од 20 години брак. И покрај сè, тие се согласија заедно да се грижат за своите деца, кои им се најважното нешто во сето ова.

„По долг тениски натпревар што траеше повеќе од 20 години, конечно ги спуштаме рекетите“, ја објавија тогаш веста за нивниот развод.

фото: принтскрин