Забава
(Видео) Меган Маркл главна кандидатка да ја замени Витни Хјустон во „Телохранител 2“
Сопругата на принц Хари, Меган Маркл, е подготвена да му се врати на актерството во римејк на „Телохранител“, објавија светски шоу-биз медиуми, кои потсетуват дека нејзината покојна свекрва, принцезата Дијана, требаше да глуми во продолжение на блокбастерот од 90-тите.
Според „Експрес“, војвотката од Сасекс, најверојатно, ќе има главна улога во римејкот на класикот од 1992 година, во кој главните улоги ги имаа Витни Хјустон и Кевин Костнер. Во оригиналниот филм титуларниот телохранител Френк Фармер беше ангажиран да ја штити поп-пејачката Рејчел Марон, која ја глумеше Витни.
Проектот на „Нетфликс“, вреден 160 милиони долари, може да го спаси договорот од 154 милиони долари помеѓу Сасекси и стриминг-гигантот, кој наводно стои на стаклени нозе.
Медиумите порано пишуваа дека принцезата Ди сакала да се занимава со актерство, а непосредно пред нејзината прерана смрт во сообраќајна несреќа таа се обидела да стане дел од тимот од можното продолжение.
Во интервју во 2012 година, Кевин Костнер, кој во оригиналниот филм го глуми титуларниот телохранител Френк Фармер, рече: „На студиото му се допадна идејата да се направи ‘Телохранител 2’ со принцезата Ди како нов љубовен интерес. Ние со принцезата разговаравме. Јас кажав дека сум подготвен да ја штитам, исто како што ја штитев Витни. Таа сакаше јас да го напишам сценариото специјално за неа“, изјави Костнер во 2012 година.
Тајниот агент, кој станува телохранител, според сценариото, требало да ја заштитува принцезата од опсесивни фанови и, уште повеќе, од упорните папараци, а на крајот меѓу нив двајца – исто како и во првиот филм – требало да се развие љубовна приказна. Сценариото било завршено на 31 август 1997 година на денот на смртта на Дијана.
Првично, сценариото за „Телохранител“ било напишано за Стив Меквин и Дајана Рос во 70-тите години, но проектот бил завршен дури кога за него се заинтересирал Костнер, кој не само што го толкуваше главниот машки лик туку беше и продуцент на филмот.
Тој исто така инсистирал Витни да пее во филмот. Како резултат на тоа, песната од филмот, I Will Always Love You, стана една од најпопуларните во светот.
Протагонистката на главната хеојка, Витни Хјустон, филмот ја претвори од поп-ѕвезда во ѕвезда на екраните.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.