Забава
(Видео) „Невозможна мисија 7“ доби пофалби по светската премиера во Рим

Том Круз се враќа со најновиот дел од серијалот Mission: Impossible, а раните реакции сугерираат дека ќе биде голем хит.
„Невозможна мисија: Одмазда – прв дел“ ги освои критичарите. Во првите реакции по светската премиера во Рим филмот е оценет како беспрекорно направен, возбудлив, и, вистински летен блокбастер.
Веднаш по премиерата во понеделникот во италијанката метропола, во рамки на Римскиот филмски фестивал, и критичарите и фановите кои имаа шанса да го гледаат, споделија пофалби на социјалните мрежи.
Филмот, кој го следи Fallout од 2018 година, доцнеше 90 минути на премиерното прикажување бидејќи Круз одржа непланирана средба со италијанската премиерка Џорџа Мелони, објави „Вараети“.
Ова очигледно ја фрустрираше публиката, на која, наводно, ѝ здосади да гледа снимки од интервјуа на црвениот тепих во Auditorium della Conciliazione што се повторуваа по неколку пати.
Меѓутоа, публиката го смени расположението со топол аплауз откако конечно пристигна човекот на вечерта, заедно со својот режисер и долгогодишен соработник Кристофер Меквери.
Публиката во Рим беше воодушевена кога Вечниот град беше прикажан на големиот екран на сцената, а некои луѓе извикуваа „Браво Том!“
Најновиот од сагата Mission:Impossible ја имаше својата премиера во култната италијанска меропола во рамки на Филмскиот фестивал, а значаен дел од филмот беше снимен токму во овој град.
На „Твитер“, првите реакции за филмот беа речиси едногласно позитивни.
Писателот Жерман Лусие (Gizmodo и io9) новиот филм го нарече фантастичен и додаде дека има динамитна, правовремена приказна.
Ерик Дејвис, од „Фанданго“ и „Ротен томатос“ напиша дека поминал апсолутно најдобро време гледајќи го новиот филм на Круз. „Беспрекорно направен акционен филм кој не престанува да ве забавува“, додаде тој во својот твит.
Филмскиот критичар Скот Менц твитна дека Dead Reckoning вредеше да се чека. Тој додаде дека е апсолутно фантастичен и го прогласи за „најдобра мисија досега“.
Според десетици други рани рецензии, овој филм е победник на серијалот и, дефинитивно е на пат да стане најголемиот акционен блокбастер летово.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Hitech
Сточар на Солунска глава најде телефон изгубен пред четири години, а планинари го најдоа сопственикот

Tелефон изгубен пред повеќе од четири години во реонот на Солунска Глава, бил најден пред еден месец од сточарот Јетмир од селото Горно Јаболчиште, раскажува на социјалните мрежи Игор Смилев, еко-активист од организацијата „Грин Пауер“ и советник во Општина Велес.
Смилев вели дека Јетмир, како чесен човек, го пријавил телефонот како изгубен, а неверојатно – по 4 години во планина, уредот успеал да се наполни и да работи делумно. Телефонот содржи сочувани СМС пораки и успеал да испрати неколку слики до планинари.
После еден месец објави на неколку Фејсбук групи, сопственикот на телефонот бил пронајден – Гоце Глигуровски од Битола, поранешен домар во сега веќе непостоечкиот Планинарски дом „Папрадиште“. Телефонот Гоце го добивал на користење од Емил Смилев.
„Фрапантно е што ‘Хуавеј’ телефонот преживеа 4 години во планина и сè уште е функционален“, додава Смилев.
Забава
(Фото) Изгледа нереално во новата модна кампања

Францускиот бренд за долна облека „Етам“ ја претстави својата есенска кампања за 2025 година, а заштитно лице е познатата манекенка Ирина Шајк.
Кампањата, со соодветен наслов J’ETAM, го комбинира името на брендот со францускиот збор за љубов и го поставува прашањето: „Која емоција е карактеристична за Французите?“, а одговорот е љубов.
View this post on Instagram
Кампањата служи како увертира на претстојната модна ревија на брендот, закажана за 30 септември, и ја слави љубовта во сите нејзини форми – од платонска и романтична до семејна и љубов кон себе.
Фотографиите од Бриен Капоци отстапуваат од традиционалните кампањи во будоар-стил. Тие се снимени во мека, природна светлина, со минимален сценографски дизајн, што им дава интимен изглед.
View this post on Instagram
„Совршена“, „Икона“, „Божица“, „Толку убава“, „Најубава Ирина“, „Величествена“, се некои од многуте коментари на „Инстаграм“ на брендот.
Колекцијата нуди облека за секоја жена и за секоја пригода, вклучувајќи удобни памучни парчиња и заводливи комплети од тантела.
View this post on Instagram
Палетата на бои се движи од розова, бела, кафеава и црна до впечатливи тонови, како што се електрично сина и светлоцрвена.
фото: принтскрин
Забава
(Фото) Најскромниот милионер секогаш го привлекува вниманието на шоуто

Актерот Адам Сандлер се појави на црвениот тепих на Венецискиот филмски фестивал со сопругата Џеки и нивните ќерки Сејди и Сани.
Семејството веднаш привлече внимание поради нивните координирани модни изданија, но и затоа што сите тие се сметаат за обични луѓе, кои не сакаат премногу да го разоткриваат својот приватен живот. Адам дури е наречен и најскромниот милионер поради неговиот начин на живеење.
За оваа пригода Сандлер избра црн костум, па иако претходно беше модна икона за помладите генерации поради неговиот лежерен стил, сега беше доста елегантен.
Неговата сопруга Џеки избра едноставен бел фустан без прерамки, кој нежно паѓа, а ќерките позираа во слични модели како мајка им, само што Сејди имаше црн модел.
Сè на сè, беше јасно дека Сандлерови се потрудија да бидат координирани и дека се издвојуваат од сè друго, само поради нивниот гламур и среќа.
Премиерата на филмот „Џеј Кели“ се одржа на Венецискиот филмски фестивал, во кој Сандлер глуми покрај Џорџ Клуни.
фото: принтскрин