Забава
(Видео) Преживувала напади на паника, работела во петшоп – која е двократната оскаровка Ема Стоун
Солзи, треперење во гласот и искинат фустан, но пред се златна статуетка во рацете по втор пат, ја одбележаа претходната вечер на Ема Стоун на доделувањето на Оскарите! Така таа влезе во историјата како актерка со две златни статуи на возраст под 35 години.
По Оскарот за „Ла Ла Ленд“, овојпат најпрестижната награда и припадна за маестрално одиграната улога во „Бедни суштества“, во режија на Јоргос Лантимос.
Ема Стоун беше обземена од емоции, од возбуда едвај зборуваше, извинувајќи се што фустанот и е искинат на грбот:
– Ова сигурно се случило за време на шоуто на Кен – рече таа на шега алудирајќи на Рајан Гослинг, кој на сцената на театарот Долби ја изведе песната „I’m Just Ken“ од филмот „Барби“.
Со солзи и благодарност до сите жени на сцената и колешките кои беа номинирани во истата категорија, актерката истакна дека е голема чест да се биде во нивно друштво.
„Пред некоја вечер ме фати паника дека може вакво нешто да ми се случи, а потоа Јоргос ми рече: „Те молам, излези од тоа“. И тој беше во право, бидејќи ова не е само моја награда. Таа не ми припаѓа само на мене, туку на целиот тим што се собра да направи нешто вредно. Тоа е најдоброто нешто за снимање филмови – заедничкиот труд и работа на сите нас“, рече Стоун.
Таа истакна дека и е чест да го сподели признанието со секој член на екипажот, секој актер, секој човек кој ја вложил својата љубов и брилијантност во снимањето на овој филм.
„Јоргос, ти благодарам за Бела Бакстер, која е дар на животот и што не собра сите заедно околу ова брилијантно достигнување. И, бидејќи треба да завршам, навистина сакам уште еднаш да му се заблагодарам на семејството. На мајка ми, брат ми Спенсер, тато, сопругот Дејв. Ве сакам сите! И, најважно од се, на ќерка ми, која за три дена ќе наполни три години и поради која нашите животи се шарени. Те сакам повеќе од целото небо, мое девојче“, ја цитираше Ема песната на Тејлор Свифт „Bigger Than the Whole Sky“.
Ова беше четврта номинација за Стоун, која покрај оскарот за филмот „Ла ла ленд“ во 2016 година, беше номинирана и за филмовите „Birdman“ (2014) и „The Favorite“ (2019), што беше исто така во режија на Јоргос Лантимос.
Во својата кариера, актерката има вкупно пет номинации за Оскар, четири во актерска категорија и една за најдобар филм како продуцент.
Ема Стоун ја игра Бела Бакстер, која е „производ“ на научник кој оживеал трудница која извршила самоубиство и ја вратил во живот со мозокот на нероден фетус. Како Бела, Стоун ги имитира фазите на растење – од нејзината најпримитивна фаза до целосна зрелост.
Покрај Оскар, Ема Стоун доби и Златен глобус, награда на Здружението на филмски критичари и награда БАФТА за улогата на Бела Бакстер.
„Најважната идеја на Бела Бакстер е дека не треба да живеете судејќи и да се срамите од себе и своите постапки поради општествените норми и договори што ги правите додека растете. А дел од природата на анксиозноста е секогаш да се гледате себеси. На некој начин – ова е ужасно да се каже – тоа е многу себична состојба. Да не ги навредам другите луѓе кои страдаат од анксиозност – јас сè уште страдам – но тоа е затоа што многу размислувате за себе. Размислувате: „Што ќе се случи со мене? Што реков? Што направив јас?’ Додека на Бела пристапот кон светот е само од искуство и чувства кон сè околу неа“, изјави Ема Стоун.
Таа е родена на 6 ноември 1988 година во Скотсдејл, Аризона, од мајка Криста Џин Стоун, домаќинка и татко Џефри Чарлс Стоун, основач и извршен директор на градежна компанија. Нејзиниот дедо, Конрад Остберг Стен, бил од шведско семејство кое емигрирало во Соединетите држави. Исто така има германско, англиско, шкотско и ирско потекло.
Стоун на многу рана возраст имала напади на паника, одела на терапија, но секогаш нагласувала дека учеството во локални театарски претстави всушност и помагало да нема повторени напади.
„Првиот пат кога добив напад на паника, седев во куќата на мојот пријател и мислев дека куќата гори. Се јавив на мајка ми и таа ме донесе дома, а во следните три години тоа едноставно не престана. Повеќето денови одев кај медицинската сестра и само мавтав со рацете. Само сакав да знам дека никој нема да умре и дека ништо нема да се промени“, изјави Ема Стоун за Волстрит журнал во јуни 2015 година.
Стоун почнала да глуми кога имала четири години. Таа првично сакала кариера во скеч-комедија, но го префрлила интересот кон музичкиот театар и неколку години земала часови по пеење. Нејзиното актерско деби, на 11-годишна возраст, беше во претставата „Ветерот во врбите“.
Следните две години учела дома, а за тоа време се појавила во шеснаесет претстави во Младинскиот театар Феникс Воли. Во тоа време отпатувала во Лос Анџелес и била на аудиција за улога во филмот „All That“, но не ја добила улогата. Таа посетувала католичко училиште за девојки, но се откажала по еден семестар за да стане актерка. Во јануари 2004 година, таа се преселила со нејзината мајка во Лос Анџелес. Стоун потсети:
– Одев на секоја емисија на „Дизни“ и на секоја аудиција, на секој ситком, на крајот – не добив ниту една.
Помеѓу аудициите за улоги, таа одела на онлајн часови во средно училиште и работела со скратено работно време во продавница за миленичиња.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Камерон Дијаз за паузата од актерството: Најдобрите десет години од мојот живот
Филмската ѕвезда на Холивуд, Камерон Дијаз, која се враќа на големото платно овој месец во новиот шпионски трилер со колешката Џејми Фокс наречен Back in Action, изјави дека десетте години што ги поминала во привремено актерско пензионирање досега биле најдобрите десет години во нејзиниот живот.
Не е познато дали ова е нејзино трајно враќање на актерството, но, како што рече во емисијата на Би-Би-Си, ова можеби е само почеток.
На прашањето дали и се допаѓа анонимноста и тоа што се вратила чекор назад, таа одговорила: „О, Боже, да, ми се допадна“, додавајќи дека тоа и овозможило слободно да ја исполни својата улога на мајка и сопруга, но таа е „навистина среќна и благодарна“ што повторно глуми.
Нејзината последна улога, онаа на Ханиган во римејкот на филмот Ени, беше во 2014 година. Но, Дијаз (52) официјално го потврди своето повлекување од актерството во 2018 година.
Зборувајќи за нејзината пауза од снимањето филмови, Дијаз рече дека тоа биле „најдобрите 10 години од нејзиниот живот“. Иако целото ова време ги одбиваше улогите, таа рече дека и денес чувствува дека е привилегија да глуми.
„Би била навистина глупава да го пуштам ова сега, сета добра волја што расте во мене толку долго, страста за правење филмови што ќе ги забавуваат и насмеат луѓето, ако не се вратам во тоа, ако не ја искористам оваа прилика. Благодарна сум“, објасни таа.
Забава
Поранешните соработници ја обвинуваат Меган: „Луѓето одат на терапија поради неа“
Меган Маркл (44) е толку напорна додека работи што на нејзиниот персонал поради малтретирањето му била потребна терапиј, според новите наводи на Vanity Fair.
Таа и сопругот Хари (40) работеа заедно на различни проекти како што се неговата книга „Spare“, подкастот на Меган „Archetypes“ и нивниот документарен филм за Нетфликс. Додека некои соработници ги напуштија проектите од практични причини, други тврдат дека имале сериозни тешкотии при прифаќањето на нивните големи идеи.
Еден вработен, кој работел на подкастот завршил на долготрајна терапија по соработката со Меган, а други тврдат дека правеле долги паузи од работа за да ја избегнат поранешната војвотка пред целосно да заминат, односно да дадат откази.
Пред само неколку години, неколку поранешни вработени во војвотката од Сасекс ја обвинија дека создава токсична работна средина, со обвинувања за вербална злоупотреба и малтретирање.
Кога размислувала за интервјуата за подкастот, војводата од Сасекс, наводно, сакала да води серија во која ќе интервјуира моќни мажи со комплицирани приказни, како Владимир Путин и Доналд Трамп. Хари бил особено заинтересиран за тоа како нивните лични искуства ја обликувале нивната социопатска природа. Најпосле, речиси две години по потпишувањето на договорот, Меган лансираше свој подкаст чија цел е да ги зајакне жените и да ги урне родовите стереотипи.
Нападите на парот во последно време доаѓаат од сите страни. Нивните соседи од Калифорнија ги нарекоа „најпривилегираните и најнечесни луѓе на планетата“.
Во низа остри коментари, богатите сопственици на куќи кои живеат во Монтесито, недалеку од имотот на парот вреден 29 милиони долари, ги критикуваа Хари и Меган дека го претвориле нивното некогаш тивко соседство во бучно, полно со туристи и брзи автомобили.
Еден лут локален жител од луксузното предградие на новинар му рекол: „Тие се преселиле од Англија за да го избегнат притисокот на медиумите, а сè што прават овде е привлекување на американските медиуми“.
Вплеткани се во низа контроверзии откако ја напуштија својата позиција во кралското семејство и продолжија да живеат луксузен живот во Америка.
Извршниот директор на „Спотифај“ ја нарече двојката „проклети измамници“ откако нивниот договор со платформата за стриминг заврши, а неодамна готвачкото шоу на Меган на Нетфликс наиде н обвинувања дека таа копирала рецепти на други готвачи.
Забава
Хороскоп за викенд: Овнот планира патувања, Бикот ужива во малите нешта
Аастролошка прогноза за сабота и недела, 18 и 19 јануари 2025 година.
Овен
Бизнис: Викендот носи инспирација за нови бизнис идеи. Искористете го времето за дизајнирање проекти кои ќе донесат резултати во иднина.
Љубов: Излет со партнерот ќе ја збогати вашата врска, додека слободните Овен може да запознаат некого на некој социјален настан.
Здравје: Планинарењето или подолгата прошетка ќе ве освежи и ќе ви ја зголеми енергијата.
Бик
Работа: Иако викендот нуди релаксација, можно е да добиете интересни вести поврзани со работата. Размислете за вашите приоритети.
Љубов: Пријатните моменти дома ќе го зацврстат вашиот однос со партнерот. Слободните Бикови би можеле да започнат разговор со некој кој ги воодушевува со нивната едноставност.
Здравје: Готвењето или градинарството ќе ви помогнат да се опуштите и да уживате во сегашниот момент.
Близнаци
Работа: Непланирани разговори со познаници би можеле да ви отворат нови врати во кариерата. Останете отворени за можности.
Љубов: Партнерот ќе го цени вашето внимание и хумор, додека слободните Близнаци може да запознаат некој кој ги забавува со своите шеги.
Здравје: Активностите како танцување или јога ќе ви донесат внатрешна рамнотежа.
Рак
Работа: Размислувањето за сопствените достигнувања ќе ви помогне да поставите нови цели. Не плашете се да побарате совет.
Љубов: Романтична вечера дома може да ја зајакне вашата врска со партнерот, додека слободните Ракови можат да привлечат некој кој ја цени искреноста.
Здравје: Поминете дел од викендот на место кое ве опушта, како на плажа или шума.
Лав
Работа: Краткото повлекување од метежот и вревата ќе ви овозможи да ги видите работите од нова перспектива. Подгответе стратегија за следната недела.
Љубов: Оваа сабота и недела вашиот партнер ќе биде воодушевен од вашата внимателност, додека слободните Лавови може да запознаат некој кој ја споделува нивната страст за животот.
Здравје: Масажа или спа третман ќе бидат идеални за релаксација.
Девица
Работа: Деталното планирање на викенд обврските ќе ви донесе чувство на задоволство и контрола. Оставете малку простор за одмор.
Љубов: Викендот ќе донесе искрени разговори со партнерот. Слободните Девици може да привлечат некој што им се допаѓа со нивната организација.
Здравје: Внимавајте на држењето и изберете вежби за рбетот.
Вага
Работа: Соработката со близок пријател за време на викендот може да донесе нови сознанија за деловните можности. Бидете отворени за идеи.
Љубов: Партнерот ќе го цени вашиот шарм и дружељубивост, додека слободните Ваги може да запознаат некого на неформален собир.
Здравје: Креативните активности како цртање или пишување ќе ви донесат чувство на задоволство.
Шкорпија
Работа: Викендот носи можност за развој на стратегии. Вашата решителност ќе ви помогне да се фокусирате на она што е важно.
Љубов: Интензивните моменти со партнерот ќе ви го одбележат викендот, додека слободните Шкорпии може да привлечат некој кој ќе им понуди нова перспектива.
Здравје: Медитацијата со свеќи ќе ви помогне да го смирите умот.
Стрелец
Работа: Разговорите со пријателите овој викенд би можеле да инспирираат нови проекти. Размислете како да ги реализирате вашите идеи.
Љубов: Авантуристичкиот дух ќе внесе свежина во вашиот љубовен живот, додека слободните Стрелци може да сретнат некого на неочекувано место.
Здравје: Посетата на некоја дестинација во природа ќе ви ја освежи енергијата.
Јарец
Работа: Планирањето на финансиите за наредната недела ќе ви донесе чувство на контрола и смиреност. Фокусирајте се на долгорочни цели.
Љубов: Партнерот ќе ужива во вашата лојалност и внимание, додека слободните Јарци може да запознаат некој кој ја цени нивната стабилност.
Здравје: Лесната прошетка или јогата ќе ви помогнат да ја одржите рамнотежата.
Водолија
Работа: Вашиот иновативен пристап може да ве поттикне да размислите за нови насоки во кариерата. Размислете за запишување на вашите идеи.
Љубов: Вашиот партнер ќе биде воодушевен од вашиот уникатен пристап кон љубовта, додека слободните Водолии може да запознаат некој кој ќе ги заинтригира со својата фантазија.
Здравје: Работилница или курс може да биде совршен за личен развој.
Риба
Работа: Овој викенд ви носи можност за тивко размислување и организирање приоритети. Вашата интуиција ќе биде вашиот водич.
Љубов: Интимните моменти со партнерот ќе го направат викендот посебен, додека слободните Риби може да привлечат некој кој го цени нивното сочувство.
Здравје: Поминете време со релаксирачка музика или во топла купка.
Израел го задржува правото да ја продолжи војната против Хамас во секое време, рече Нетанјаху
Израел го задржува правото да ја продолжи војната против Хамас во секое време, со поддршка од САД, според условите на...
Поради трговија со дрога уапсен е Раде Трајковски – Штекли кој трипати се обидоа да го ликвидирааат
Полицијата го уапси Раде Трајковски-Штекли по Наредба на Основно јавно обвинителство за гонење на организиран криминал и корупција. Тој се...
Полицаец зел 50 евра поткуп за побрзо вадење на пасош: „Знаете дека ние не се трудиме џабе” – и’ рекол на оштетената
Eдиниците на МВР во текот на вчерашниот ден приведоа полициски службеник осомничен дека примил поткуп од 50 евра. Според информаците...
Муртезани во Киев потпиша Меморандум за соработка со Украина
Министерот за европски прашања, Орхан Муртезани, денеска во Киев оствари средба со заменик претседателката на Владата на Украина, задолжена за...
Седумдесетгодишник со маска и пиштол се обидел да ограби канцеларија за кредити во Битола
Основното јавно обвинителство Битола донесе Наредба за спроведување истражна постапка против едно лице за кое постои основано сомнение дека сторило...
Во животно загрозувачка состојба е пешакот кој беше удрен од автобус на ЈСП
Во животно загрозувачка состојба е пешакот кој вчера беше удрен од автобус на ЈСП во Скопје кај Транспортниот центар. Од...
Мицкоски патува на инаугурацијата на Трамп, Владата објави кој ќе го придружува
Претседателот на Владата Христијан Мицкоски од утре па во наредните неколку дена ќе присуствува во САД. Премиерот коj ќе биде...
Америка подигa бодликава жица на границата со Мексико пред инаугурацијата на Трамп
Агентите на американската гранична патрола вчера подигнаа бодликава жица меѓу градот Ел Пасо во Тексас и неговиот мексикански сосед Сиудад...
„Тик-ток“: Утре се гаснеме во Америка
„Тик-ток“ синоќа предупреди дека ќе биде принуден да престане со работа во САД утре, освен ако не добие јасна изјава...
Израел ќе ослободи 737 палестинци во замена за заложниците
Израел ќе ослободи 737 палестински затвореници во замена за првите израелски заложници, што е првата фаза од договорот за прекин...
Мелони ќе присуствува на инаугурацијата на Трамп, Орбан не доаѓа
Италијанската премиерка Џорџа Мелони во понеделник ќе присуствува на инаугурацијата на новоизбраниот американски претседател Доналд Трамп, соопштија синоќа претставници од...
Ракометарите загубија од Холандија – Холанѓаните се пласираа во втората фаза
Фото/ facebook.com/rfmofficial Македонските ракометари загубија од Холандија 32:37 (15:18), во второто коло на 29.Светско првенство во ракомет. Избраниците на Кирил...
Големи гужви попладнево на повеќе скопски улици – сообраќајот закочен
Огромни гужви има попладнево во повеќе делови од главниот град, а граѓаните се жалат дека се заглавени во своите автомобили...
Николоски: Ја пуштаме за сообраќај новата пруга Куманово-Бељаковце, за две-три недели ќе имаме и нова железничка линија
Само со посветенот и одговорност, за две недели можат да се пуштат во употреба три крупни капитални проекти. Денеска ја ...
Штрајк и тужби за државата се можни доколку Владата не го продолжи дијалогот со административците, кои бараат 30 отсто поголема плата
Вработените во неколку министерства и државни институции, кои и денес, четврти ден по ред, излегоа на протест за 30 отсто...
Починаа две новороденчиња близначиња: трагедија во Прилепско
Две новороденчиња, близначиња, на околу 20 дена старост починале вчера околу пладне, а јавен обвинител од основното јавно обвинителство од...
Обвинение против 10 лица, членови на организираната криминална група, за посредување при проституција, перење пари и трговија со дрога
По завршувањето на истражната постапка која ја водеше Основното јавно обвинителство за гонење на организиран криминал и корупција, а во...
(Видео) Институтот за проучување на војната: Борбите се брутални, сите Севернокорејци во Курск би можеле да бидат уништени за 3 месеци
Целиот севернокорејски контингент од околу 12.000 војници во моментов во рускиот регион Курск би можел да биде убиен или ранет...
Груби крадеше додека на чело на МВР беше Оливер Спасовски, а обвинители и судии се избираа во Зајас и Струмица, вели ВМРО-ДПМНЕ
„СДС и Филипче месец дена се препелкаат во лавиринтот на сопствените лаги за криминалот на Груби. Артан Груби направи милионски...
Најстудено во Берово, најмногу снег на Попова Шапка
Утрово најстудено било во Берово каде што се измерени -9 степени, -8 било на Попова Шапка, -6 во Дебар, -5...
