Забава
(Видео) Рејчел Зеглер: Оригиналниот филм „Снежана“ е морничав и воајерски

Најновата бајка што доби адаптација во живо е омилениот класик „Снежана и седумте џуџиња“ и, додека многумина се возбудени за претстојниот филм што треба да се појави следната година, актерката Рејчел Зеглер, која ја глуми принцезата, има некои размислувања за оригиналниот филм стар повеќе од осум децении.
22-годишната актерка истакна некои проблеми со заплетот на оригиналниот филм од 1937 година, нарекувајќи го морничав и воајерски. Во интервју за „Екстра ТВ“, Зеглер откри дека не е голем обожавател на оригиналната Дизниева принцеза ниту на принцот (го глуми Ендру Бурнап во новата адаптација), кого дури го нарече демнач.
„Оригиналниот цртан филм излезе во 1937 година. Има голем фокус на нејзината љубовна приказна со момче кое буквално ја демне. Чудно! Затоа не го направивме тоа овој пат. Имаме поинаков пристап кон она што таа го прави, сигурно многу луѓе претпоставуваат дека е љубовна приказна само затоа што имаме принц во филмот“, рече Зеглер во интервјуто.
„Сите сцени на Ендру може да бидат исечени, кој знае? Ова е Холивуд, душо! Само не мислам дека веќе е 1937. Нема да биде спасена од принц и нема да сонува за вистинска љубов. Таа сонува да стане лидер каков што нејзиниот покоен татко ѝ рекол дека може да биде, ако е бестрашна, искрена, храбра и чесна.“
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Незгодниот момент на Кијану Ривс на доделувањето на наградите „Тони“ стана хит

Непријатниот момент на Кијану Ривс (60) стана вирален откако бродвејската ѕвезда за време на својот настап на доделувањето на наградите Тони во 2025 година скокна на столот на актерот. Ривс без да се сомнева седеше во Radio City Music Hall во Њујорк додека Џонатан Гроф изведуваше енергична верзија на „Mack The Knife“ од мјузиклот „Just In Time“.
Гроф, кој глумеше со Ривс во филмот „The Matrix Resurrections“ од 2021 година, потоа скокна на столот на Ривс, со нозете од двете страни на лицето, и продолжи да пее. Изненадениот Ривс врескаше и го погледна Гроф, кој буквално беше над неговата глава, а потоа го зграпчи за градите и скокна од столот.
@tv_line Jonathan Groff gets up close and personal with Keanu Reeves at the #TonyAwards #keanureeves #jonathangroff #tonys #2025 #cbs ♬ original sound – TVLine
Воодушевените обожаватели ги преплавија социјалните мрежи со коментари, а еден напиша: „Џонатан Гроф се искачи на Кијану Ривс среде публиката и го јаваше за време на неговиот настап на Тони“.
Други коментираа: „Кијану Ривс веќе го освои Тони со овој момент“, „Џонатан Гроф одлучи да ја искористи својата шанса со Кијану Ривс и јас го почитувам тоа“, „Флертувањето на Џонатан Гроф со Ривс беше неочекувано, но јас сум возбуден“.
Забава
(Фото) Џорџ Клуни ја врати својата природна боја на косата: „Изгледав како дилер на дрога“

Џорџ Клуни ги привлече погледите на црвениот тепих на 78-мото доделување на наградите „Тони“ во својот препознатлив стил – со својата природна, седа коса што реши да ја врати по долго време.
Познатиот актер ја доби својата прва номинација за наградата „Тони“ оваа година, благодарение на улогата во бродвејската претстава Good Night, and Good Luck.
Претходно тој ја обои косата во темна боја за да личи на новинарот Едвард Р. Мароу што го играше, но по завршувањето на претставата, реши да се врати на својата природна боја – што особено ја израдува неговата сопруга Амал.
„Мојата сопруга беше најсреќната личност кога се вратив дома и сè ишишав“, рече 64-годишниот Клуни на црвениот тепих.
„Изгледав како дилер на дрога со таа лоша црна боја за коса“, додаде тој.
Забава
Софија Вергара со заводлива фотографија ги воодушеви обожавателите: „Пристигна летото“

Софија Вергара (52) објави заводлива фотографија од себе како се сонча покрај базен на Инстаграм. Таа на шпански во описот напиша „Летото е тука“.
Нејзината објава привлече илјадници обожаватели кои лајкнаа и коментираа, вклучувајќи ја и колешката судијка на „Америка има талент“, Хајди Клум.
„Дојди… и јас го правам истото. Се сончам“, коментираше Клум, на задоволство на нејзините бројни обожаватели.
Софија неодамна беше во центарот на вниманието на медиумите поради нејзината наводна врска со возачот на Формула 1, Луис Хамилтон. Иако беа видени заедно неколку пати, нивната романса, според странските медиуми, не траела долго. Се вели дека Луис го изгубил интересот, а актерката наводно после тоа се чувствувала „напуштено“.