Забава
(Видео) Спајк Ли ја менува последната епизода од серијата за 9/11
Режисерот Спајк Ли соопшти дека ја премонтира последната епизода од неговата документарна серија за 9/11, откако призна дека верува во теоријата на заговор дека кулите близначки на Светскиот трговски центар во Њујорк биле демолирани во контролирана експлозија.
„Се враќам во просторијата за монтажа и го гледам осмото и последно поглавје од ‘Њујоршки епицентри 9/11/2021½’. Со почит ве замолувам да го задржите вашето мислење додека не ја видите конечната верзија“, гласи изјавата на Ли објавена на ексклузивната платформа на „Ејч-би-о“.
Документарецот пренесува ставови на експерти кои внимателно ги проучуваа нападите на 11 септември, вклучувајќи го и С. Шиам Сандер, кој водеше долга истрага за Националниот институт за стандарди и технологија и кој ги разоткри теориите на заговор за терористичките напади.
Последната епизода, која ќе се емитува на 20-годишнината од нападите, вклучува неколку членови на „Архитекти и инженери за вистината за 11 септември“ – група која сугерираше дека владата на САД е вмешана во колапсот на Светскиот трговски центар на 11 септември 2001 година.
Во интервју за „Њујорк тајмс“ во понеделникот, Ли призна дека верува оти облакодерот „Светски трговски центар 7“ не можел да се сруши од топлината и дека изгледа како внатрешно уривање.
Критичарите тврдат дека аргументите на теоретичарите на заговор и научниците не треба да бидат презентирани на јавноста како да се во иста сфера на експертиза.
Но, Ли ја бранеше содржината на својата серија, велејќи дека гледачите имаат право да слушнат аргументи од двете страни.
„Мојот пристап е да ги донесам информациите во филмот и да ги оставам луѓето сами да одлучат. Ја почитувам интелигенцијата на публиката“, рече тој.
Документарецот вклучува и интервјуа со њујоршки политичари, како сенаторот Чак Шумер и градоначалникот Бил де Блазио, заедно со разни здравствени работници, пожарникари и активисти.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.