Забава
Внуката на Арета Френклин не успеа да помине на аудиција за „Американски идол“
Внуката на Арета Френклин беше на аудиција за „Американски идол“.
За жал, Грејс Френклин (16), чиј татко е синот на покојната музичка икона, Кекалф Канингем, не успеа да се пробие на натпреварот објавија таблоидите додавајќи дека шоуто за таленти почна да се емитува на Еј-би-си во неделата.
Грејс почна со изведба на Killing Me Softly, но очигледно не ги освои судиите и на крајот го изведе хитот на Арета, Ain’t No Way.
Кети Пери, член на жирито, рече: „Ми се допадна твојата изведба на песната на твојата баба“.
Нудејќи зборови на мудрост, Лајонел Ричи рече: „Имаш 15 години. Имаш семејна лоза. Она што е потребно сега е да се вложи напор и доста работа за да го достигнеме потребното ниво“.
„Возраста и гласот мора да се спојат на истиот пат“.
Кети Пери беше единствениот член на жирито што гласаше за Грејс, а Лајонел и Лук Брајан рекоа „не“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.