Забава
Во Шведска се бара некој што месечно ќе зема над 2 илјади долари, а нема да работи ништо
Доколу ви се допаѓа идејата да добиватe солидна месечна плата, а до крајот на животот да не работите апсолутно ништо, можеби вниманието ќе ви го привлече еден интересен шведски експериментален уметнички проект чија цел е работно да ангажира една среќна личност – со само еден услов.
За концептуалниот уметнички порект во Гетеборг, финансиран од владата, Швеѓаните ќе изберат еден среќник чија задача ќе биде секој работен ден да се појавува на железничка станица, која во моментов е во изградба, и да го пријави своето доаѓање.
Потоа, на платформата ќе се вклучат низа флуоресцентни светилки со цел другите да знаат дека бескорисниот работник дошол на работа тој ден. Откако ќе заврши ваквата процедура, лицето ќе може да прави што сака, а може и да не прави ништо, додека не му заврши смената кога треба да ги исклучи светилките, пренесува „Oddity Central“.
Во текот на работното време, вработениот не ни мора да биде на работното место, а може и да даде отказ од позицијата односно да биде заменет кога и да посака. Ако кандидатот не најде друга работа, неговата позиција е загарантирана до крајот животот.
Избраниот кандидат ќе заработува околу 2.320 долари месечно, плус годишни бонуси, бенефиции, одмор и гарантиран пензиски фонд.
Пред две години, Швеѓаните објавиja меѓународен натпревар за уметници кои се подготвени да придонесат со идеи за железничката станица Корсваген, при што за победничкиот проект беше предвидена сума од 7 милиони шведски круни.
Но, Симон Голдин и Јакоб Сенеби, шведско уметничко дуо, сугерирале парите наместо на дизајн, да се трошат поинаку – така што едно лице ќе добива плата, а нема да работи апсолутно ништо. Така започнала идејата за проектот наречен „Вечно вработување“.
Проектот им се допаднал на надлежните и победил на конкурсот во октомври минатата година. Тој предизвикал длабоки поделби, реакции и жестоки дебати, а многу автори рекле дека идејата е залудно фрлање на парите од даночните обврзници.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Хороскопски парови кои истрајуваат дури и кога ќе стане тешко
Хороскопските парови кои секогаш преживуваат се тука еден за друг дури и во тешки времиња. Нивната врска е силна и поради довербата и искреноста што ја имаат.
Што и да се случи, тие ќе бидат тука да се поддржуваат еден со друг. Овие хороскопски парови го имаат целиот потенцијал да ги надминат сите тешкотии. Кога еден од нив не е во најдобра состојба да се соочи со проблеми, тогаш другиот презема иницијатива и го покрива во се.
Хороскопски парови кои секогаш траат
Рак и Јарец
Ова е многу силен пар. Немојте да ве залажува фактот дека Ракот како личност е почувствителен или попридушен. За неговото семејство и оние што ги сака, тој станува повеќе од само карпа и може да направи се. Може да ги придвижи и земјата и небото, да помогне и поддржи. Од друга страна, Јарците се многу силни, па не им е тешко да му помогнат и да го поддржат Ракот, но и да го негуваат и да направат се што треба за да излезат посилни од целата ситуација.
Лав и Овен
Нивната сила во заедницата е неизмерна. Тоа се две личности кои по природа се лидери. Тие се многу силни карактери, но успешно примаат удари. Што и да се случи во животот, другиот ќе биде многу среќен да му помогне, да го поддржи и да стане негова карпа додека не се надминат сите пречки и проблеми. Знаат што да прават и му даваат на другиот онолку време колку што му е потребно за да застане на нозе.
Вага и Девица
Ова е пар кој навистина ќе стои еден до друг до крај. Тоа е во исто време карпа која е потпора и мирно пристаниште каде што можат да бидат во мир. Вагите секогаш го поддржуваат партнерот и им помагаат во се. Тие се грижат за нивната општа благосостојба и ако тоа е добро, и Вагите ќе бидат добри. Во тешки времиња, тие ќе чекорат напред и ќе преземат иницијатива. Од друга страна, Девиците даваат и им служат на луѓето. За неа поддршката на партнерот е се. Во спротивно тоа би го сметала за предавство, па не би ни зборувала за тоа.
Забава
Eден од омилените сараевски бендови се враќа на сцената по петгодишна пауза
На сцената се враќа легендарниот сараевски бенд „Плави оркестар“, омилениот бенд на некои луѓе во регионот. Бендот првпат по пет години ќе настапи на 6 јули во Славонски Брод, на 3 август во Опатија, на 24 август во Сплит и на 1 септември во Врсар.
Кариерата на бендот ја одбележаа големите хитови, како што се песните „Суада“, „Каја“, „Подобро пијан отколку стар“, „Сава тихо тече“, чија популарност и присуство постои со години.
Бендот беше основан во Сараево во 1983 година како дел од движењето „Нови примитивци“, во кое беа вклучени и „Забрането пушење“, Елвис Ј. Куртовиќ и некои други музичари од Сараево. Критичарите го сметаат бендот за еден од најголемите културни феномени во осумдесеттите и деведесетите, близок и на постарите и на помладите генерации слушатели.
Издадоа 8 албуми, кои се продадени во над 5 милиони примероци, а неколкупати го обиколија светот со вкупно повеќе од 1.500 концерти.
Забава
Големото враќање на Селин Дион: „Имам сила во себе, ништо нема да ме спречи“
Помина повеќе од една година откако Селин откри дека боледува од синдром на вкочанетост, ретко невролошко нарушување, кое може да предизвика грчеви во мускулите и губење на подвижноста. А сега во интервју за „Вог“, Дион, меѓу другото, проговори и за својата болест и рече дека живее ден за ден.
Како уметник што настапува пред светската публика од својата 13-та година, Дион рече дека ѝ било тешко да се помири со дијагнозата.
„Како што гледам, имам два избора, или да тренирам како спортист и да се снајдам одлично или да се исклучам и готово, да останам дома, да си ги слушам песните, да застанам пред огледало и да си пеам“, изјави пејачката.
Канадската уметница откри дека пет дена во неделата оди на атлетска, физичка и вокална терапија.
„Работам на прстите, колената, листовите, прстите, пеењето, гласот… Морам да научам да живеам со тоа сега и да престанам да се преиспитувам себеси“.
Селин за „Вог“ признала и колку ѝ било тешко кога ја добила дијагнозата.
„На почетокот се запрашав: ‘Зошто јас? Како се случи ова? Што направив? Дали е моја вина?’ ‘Животот не ти дава одговори. Тоа е сѐ што ви треба за да живеете. Ја имам оваа болест од непозната причина’“, рече таа и додаде дека „има сила во себе и знае дека ништо нема да ја спречи“.