Забава
Големо изненадување на доделувањето БАФТА: Деми Мур остана без награда

Синоќа во Лондон се одржа 78. БАФТА награди, церемонија на доделување на наградите на Британската академија за драмски уметности. Наградата во категоријата за најдобра актерка беше секако најголемото изненадување на вечерта.
Имено, ја освои Мајки Медисон за улогата во филмот „Анора“, американска комедија-драма што го следи бракот меѓу Анора, млада сексуална работничка, и Вања Захаров, син на руски олигарх.
Нејзината победа изненади многумина бидејќи на претходните награди Деми Мур победи во оваа категорија за улогата во филмот „Супстанција“, па се очекуваше таа да победи и овој пат.
Мур беше наградена со Златен глобус во јануари за нејзината улога во филмот „Супстанција“, прва во нејзината 45-годишна кариера. При прифаќањето на престижната награда, шокираната 62-годишна актерка одржа емотивен говор кој ги расплака фановите.
Потоа, во февруари, таа ја освои наградата за најдобра актерка на наградите Critics’ Choice во Лос Анџелес. Тогаш на многумина им го потврди статусот на водечки кандидат за Оскар.
„Беше интересно“, рече актерката, заблагодарувајќи им се на филмските критичари што ја пофалија нејзината изведба во филмот „Супстанција“.
Happy that Mikey Madison got her first big industry win, but Demi Moore's still taking home the Oscar. The SAG/Oscar narrative + make-up win is too strong to ignore (this happened to Brendan Fraser and Emma Stone, the latter had make-up only). pic.twitter.com/cWaKAkyv80
— Alex Leonce 🇧🇧 (@AlexLeonce2) February 16, 2025
По доделувањето на наградите БАФТА, корисниците на социјалните мрежи не можеа да го сокријат изненадувањето. На Х се разви дебата за тоа дали Деми требало да ја добие наградата и овој пат. „Среќен сум за Мајки Медисон, но Деми Мур ќе го однесе дома Оскар“, „Деми е мојот омилен губитник на БАФТА“, „Ограбена на ова доделување награди, таа ја заслужи наградата“, беа само дел од коментарите.
my favorite bafta loser demi moore 😭😭😭😭 pic.twitter.com/Lpdr3o2che
— mary (@margotrobbiev) February 16, 2025
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Мајкл Џордан на прошетка во Дубровник

Познатиот американски кошаркар Мајкл Џордан моментално престојува во Хрватска, каде што е на одмор со сопругата Ивет Прието и пријателите. НБА легендата беше снимена додека шеташе во Дубровник и го привлече вниманието на минувачите, пренесе „Инекс“.
По посетата на Скрадин и Националниот парк Крка, познатиот кошаркар отишол во Хвар. Џордан ручал и уживал во друштвото на пријателите и опуштената атмосфера, а интересно е што тој носи своја текила со себе и само неа ја пие.
На свадбата на Џеф Безос и Лорен Санчез, која се одржува во Венеција, присуствуваат бројни познати личности, а еден тиктокер направи фотографија од јахтата на Мајкл Џордан наречена М’Брејс, вредна околу 115 милиони долари, поради што многумина помислија дека тој ќе се појави на свадбата на славниот пар.
Мајкл Џордан последен пат ја посети Хрватска во август 2021 година.
Забава
Лорен Санчез фотографирана во пресрет на свадбата, блеска во бело

Џеф Безос и Лорен Санчез ќе се венчаат на церемонија на венецијанскиот остров Сан Џорџо Маџоре, каде што невестата отиде со глисер.
На денот на нејзината свадба, Санчез блескаше во бело, а изгледот го комплетираше со очила за сонце и бела марама. 55-годишната Санчез позираше насмеана за фотографите пред свадбата, која треба да се одржи попладне, а многумина се прашуваат како ќе изгледа нејзината венчаница.
Според повеќе медиумски извори, двојката наводно се венчала пред еден месец во САД. Овие наводи се поткрепуваат со фактот дека во Италија не побарале потребна документација за нивниот брак да биде правно важечки. Свадбената церемонија во Венеција е симболична, а двојката наводно потпишала договор од повеќе милиони долари пред нивната граѓанска венчавка во САД.
Безос и Санчез се домаќини на тридневна прослава со голем број познати личности, меѓу кои Иванка Трамп и Џаред Кушнер, Ким Кардашијан, Крис Џенер и Клое Кардашијан, Опра Винфри и Гејл Кинг, милијардерот Бери Дилер и неговата сопруга, дизајнерката Дајан фон Фурстенберг, легендата на НФЛ Том Брејди и музичкиот могул Скутер Браун, како и неодамна слободниот Орландо Блум.
Забава
Пејачката Џеси Џеј го победи ракот

Џеси Џ. откри дека официјално го победи ракот, само неколку недели откако објави дека е на операција за тумор на дојка.
Британската пејачка Џеси Џеј, која на 3 јуни објави дека има рак на дојка, а пред помалку од една недела беше оперирана, ја објави најдобрата можна вест – лекарите ѝ кажаа дека повеќе нема рак.
Jessie J reveals her breast cancer is ‘all gone’ after surgery as she gives health update
https://t.co/TP5sRH0SAk— The Sun (@TheSun) June 26, 2025
На Инстаграм, Џеси се пошегува дека нејзината брадавица е сè уште на место, а времето за закрепнување ѝ даде совршен изговор да го гледа „Love Island“ без грижа на совеста.
Таа додаде дека во најтешките моменти имала силна поддршка покрај себе – нејзината мајка, нејзиниот сопруг Ченан Колман и нејзиниот син Скај.
„Многу ми значеше што се поврзав со други кои минуваат низ истата битка“, истакна таа и објави дека поминала низ „постоперативна болка“.
Џеси беше многу оптимистична од самиот почеток на ужасната дијагноза, им кажа на своите обожаватели дека раното откривање на болеста е „светлина во тунелот“ и дека прави пауза од турнеите за да го стави своето здравје на прво место.