Забава
Градежник направи куќа наопаку

Поранешниот градежник Валдевино Мигуел да Силва од Бразил, направил куќа која стои на покрив, додека темелите се на врвот.
Наопаку се свртени и прозорците и вратите. Куќата се наоѓа во Сао Матеус и е вистинска атракција.
Вистинскиот влез е назад, а во неа кој не живее, Направена е за забава, а пред неа туристите може да се фотографираат. Внатрешноста е потполно нормална, а собите се уредени традиционално.
Во приземјето се наоѓаат кујната, трпезаријата и бањата, додека на катот има две соби.
„Многу долго работев во градежната индустрија и кога се пензионирав сакав да направам нешто возбудливо и поинакво. Си поставив себеси предизвик да бидам атрактивен и направив куќа поставена наопаку“, вели Да Силва кој сега има 65 години.
Неговата сопруга на почетокот мислела дека се шегува и му велела да не го прави тоа.
„Звучеше како луда идеја и мислев дека нема добро да изгледа, но немаше смисла да се расправам со него. Кога нешто ќе зацрта, мора да е по негово“, вели Мариа Елизабет да Силва.
Одлучила да му помогне и на проектот работеле три години. Куќата има 400 метри квадратни, а да Силва ја изнајмува.
„Кој и да живее во неа, ќе стане славен“, вели сопственикот./крај/к/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Обезбедувач стапна на фустанот на Ким Кардашијан на Мет Гала, таа остро го предупреди

Ким Кардашијан упати остро предупредување до обезбедувач откако тој стапнал на нејзината облека додека таа го напуштала хотелот на пат кон Мет Гала 2025 година. Ким беше снимена како го опоменува обезбедувачот додека таа и нејзината 11-годишна ќерка Норт Вест го напуштаа луксузниот хотел „Риц-Карлтон“ во Њујорк.
@nicolecerratob #kimkardashian #northwest #metgala #met #redcarpet #fyp #outfit ♬ original sound – Nicole
Видеото брзо стана вирално на „Тик-ток“ во кое Ким се појавува пред толпа обожаватели и фотографи, а еден обезбедувач случајно стапнува на долгиот врв од нејзиниот фустан.
Ова ја натера накратко да застане, а потоа да се сврти кон човекот. Иако лицето ѝ беше делумно покриено со кожна шапка, беше јасно дека го погледнува остро. „Можеш ли да внимаваш каде одиш?“, наводно му рекла таа, според читач на усни за „Мирор“.
Забава
Памела Андерсон без шминка и храбра фризура на Мет Гала

Актерката Памела Андерсон, поранешна ѕвезда од популарната серија „Чувари на плажата“, беше една од познатите личности кои присуствуваа на овогодинешната Мет Гала. Таа беше во друштво на нејзиниот син Брендон Томас Ли (28).
Андерсон прошета по црвениот тепих во сив фустан украсен со кристали, но токму нејзината фризура привлече најголемо внимание. Таа ја скрати долгата руса коса и покажа нова боб фризура, а на лицето немаше шминка.
Мет Гала традиционално се одржува првиот понеделник во мај во Метрополитен музејот на уметност во Њујорк, а покрај тоа што ги собира познатите личности од светот на модата, музиката и филмот, има и хуманитарен карактер.
Овогодинешната тема Superfine: Tailoring Black Style се фокусираше на модната историја на афроамериканските мажи од 18 век до денес. Дрес-кодот „Кроен за вас“ им даде можност на гостите да го изразат својот стил преку персонализирани кроеви и реинтерпретација на машката мода.
Забава
Хали Бери (58) прошета по црвениот тепих на Мет Гала во проѕирен фустан

Актерката Хали Бери (58) прошета по црвениот тепих на Мет Гала 2025 во еден од нејзините најсмели изгледи досега – проѕирен фустан со пруги и длабоко деколте. Фустанот во стил на сирена е дизајниран од ЛаКван Смит и е речиси целосно транспарентен, освен неколку стратешки поставени пруги.
Таа го комплетираше својот изглед со црн превез и кратко сако, а за пригодата ја собра косата во елегантна пунџа. Актерката дополнително блескаше со дијамантски ѓердан и обетки.
Иако Хали Бери неколку пати ја красеше насловната страница на Vogue, ова е само нејзино второ појавување на Мет Гала. Таа првпат учествуваше во 2017 година, кога носеше речиси целосно проѕирен комбинезон од модната куќа Atelier Versace.
Мет Гала традиционално се одржува првиот понеделник во мај во Метрополитен музејот на уметност во Њујорк, а покрај тоа што ги собира познатите личности од светот на модата, музиката и филмот, има и хуманитарен карактер.
Овогодинешната тема Superfine: Tailoring Black Style се фокусираше на модната историја на афроамериканските мажи од 18 век до денес. Дрес-кодот „Кроен за вас“ им даде можност на гостите да го изразат својот стил преку персонализирани кроеви и реинтерпретација на машката мода.