Забава
Дали се вистински? Јужнокорејски женски бенд нуди поглед во метаверзумот
Пред помалку од два месеца првото музичко видео на јужнокорејскиот женски квартет „Мејв“ (MAVE:) стана вирално, собра речиси 20 милиони прегледи на „Јутјуб“ и постави терен за потенцијален глобален успех.
На прв поглед „Мејв“ изгледа како секој друг идолизиран К-поп бенд, освен што постои само виртуелно. Четирите девојки – Сиу, Зена, Тајра и Марти – живеат во метаверзум, а нивните песни, танци, интервјуа, па дури и фризурите, ги креираа веб-дизајнери и вештачка интелигенција.
„Кога првпат ги видов MAVE: беше малку збунувачки да се каже дали се луѓе или виртуелни ликови“, вели Хан Су-мин, 19-годишник од Сеул. „Бидејќи често користам метаверз-платформи со моите пријатели, чувствувам дека би можел да станам нивни фан.
Аватарите на квартетот, кои личат на луѓе, даваат ран увид за тоа како метаверзумот ќе се развива додека јужнокорејската забавна и технолошка индустрија се здружуваат со новата технологија.
Тоа исто така претставува сериозен притисок од технолошкиот гигант Kakao Corp да стане доминантна сила во забавата. Освен поддршката за женскиот квартет, оваа корпорација минатата недела лансира тендерска понуда од 1,25 трилион вони (1,29 милијарда долари) за купување на пионерот на јужнокорејскиот К-поп, „СМ ентертејнмент“.
СМ е дом на популарните К-поп групи, како Girls’ Generation, H.O.T., Exo, Red Velvet, Super Junior, Shinee, NCT Dream и Aespa.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Си Ен Ен објави вознемирувачко видео на кое раперот Пи Диди брутално ја тепа поранешната партнерка Каси
Вознемирувачки снимки од надзорни камери, на кои се гледа како американскиот продуцент и рапер Шон Комбс (54), познат како Пи Диди, врши брутално насилство врз неговата поранешна партнерка Касандра Вентура (37), позната како Каси, во хотелот Интерконтинентал во 2016 година објави „Си-ен-ен“.
На видеото се гледа како Пи Диди, само со крпа на себе, трча по Каси низ ходникот од хотелот. Додека таа се обидувала да влезе во лифтот, тој ја фатил за глава и ја удрил од подот. Ја удира со нога додека таа лежи неподвижна на земја, па ги зема двете чанти со кои девојката се обидувала да побегне. На крајот Диди ја одвлекува во соба.
Забава
Победникот на Евровизија ја повика Швајцарија да воведе трет пол во официјалните документи
Победникот на Евровизија, Немо Метлер, ја повика швајцарската влада да признае трет пол во официјалните документи.
Метлер истакна дека е апсолутно неприфатливо таква можност веќе да не постои во Швајцарија, пишува „Гардијан“.
„Треба да бидеме застапени и во политиката. Многу е важно луѓето да се чувствуваат видени“, рече Метлер, кој на прашањето по победата со кого првин би сакал да разговара, без размислување, го именува швајцарскиот министер за правда, Бит Јанс.
Во средата, според неговиот портпарол, министерот му испратил СМС-порака на Метлер, во која му ја честитал победата на Евровизија и го поканил да се видат.
Пред 18 месеци швајцарската влада го отфрли токму овој предлог.
Забава
Џенифер Лопез и Бен Афлек вторпат се соочуваат со развод
Американскиот актер, режисер и продуцент Бен Афлек и пејачката и актерка Џенифер Лопез се на работ на развод вторпат, а според американскиот магазин In Touch Weekly, Афлек веќе се иселил од нивниот заеднички дом.
Обожавателите забележаа дека Бен и Џенифер поминуваат сѐ повеќе време разделени во последните неколку недели.
„Тие имаат намера да се разведат – и овој пат не е виновен Бен“, рекол изворот.