Забава
Диктаторот опседнат со секс има 9.000 автомобили и златен „боинг“
Со лично богатство од околу 28 милијарди американски долари, султанот од Брунеи е вториот најбогат монарх во светот, по тајландскиот владетел.
Брунеи има 415.000 жители и владата обезбедува бесплатно образование, здравствена заштита, пензии и кредити со ниски камати за купување куќи и автомобили. Нафтата е извор на целото богатство. Списанието „Форбс“ ја рангираше како петта најбогата земја. Алкохолот е забранет и воопшто нема ноќен живот или културни настани. Султанот Хасанал Болкиа и неговите браќа Џефри и Мохамед се придржуваат кон исламскиот закон, но сè друго што прават е спротивно од Куранот и законите што ги вовеле.
И покрај строгиот шеријатски закон, самиот султан живее крајно развратно. Уште во 1997 година се дозна за раскошниот живот и оргиите во дворецот на султанот. За тоа проговори поранешната мис на САД, Шенон Маркетиц, која подоцна ги тужеше султанот и неговиот брат Џефри. На судските поднесоци, таа тврдеше дека агенцијата за таленти ѝ посредувала работа за 3.000 американски долари во Брунеи за лични настапи и промотивна работа. Наместо тоа, рече Маркетиц, тие ја држеле како сексуална робинка. Таа морала да танцува секоја вечер во приватниот ноќен клуб на султанот од 10 до 3 часот наутро, каде што ја третирале како проститутка. Таа за списанието „Пипл“ изјавила дека била дрогирана и злоупотребена, и кога конечно се вратила во САД, ги тужела за 10 милиони американски долари за ментална болка од кошмари, несоница и други трауми. Браќата побарале дипломатски имунитет, а султанот за обвинението рекол дека е полошо од убиство. Случајот бил отфрлен, според „Њујорк пост“.
72-годишниот султан владее повеќе од половина век – дури 52 години, и се дружеше со многу светски монарси, вклучувајќи ги кралицата Елизабета Втора и нејзиниот сопруг принцот Филип. Тој е познат по тоа што поседува околу 7.000 скапи автомобили. Исто така поседува неколку авиони чиј ентериер е украсен со злато. Султанот троши 35.000 американски долари за да патува со приватен авион кај неговиот омилен стилист кој ќе му ја истриже косата и брадата. И тој тоа го прави еднаш неделно.
Султанот сака свадби, па затоа си организирал и финансирал дури три од нив. Секоја, се разбира, чинела десетици милиони долари. Тој е татко на дванаесет деца и е многу внимателен во врска со нивните бракови. Секоја од раскошните свадби на неговите пет деца траела повеќе од една недела и секоја чинела најмалку 10 милиони долари.
Но, сето тоа е незначително во споредба со одбележувањето на неговиот 50. роденден во 1996 година.
Прославата траела две недели и чинела речиси 40 милиони долари. За време на прославата се играл и поло натпревар, а потоа поканил 3.000 гости во палатата на гала-вечера на која бил сервиран кавијар од белуга и се пиел најскап шампањ. Мајкл Џексон пеел три пати за време на прославата и добил 25,8 милиони долари. На крајот на прославата секој гостин отишол дома со прилично голем златник.
Султанот живее во палатата Инстан Нурул Иман, која е најголемата кралска резиденција во светот. Нејзината изградба траела две години и чинела нешто помалку од 2 милијарди американски долари. Има 1.788 соби и 257 купатила. Опкружена е со украси од злато и дијаманти, има пет базени, сала за банкет за повеќе од 5.000 гости и џамија со простор за 1.500 верници.
Како магнат, султанот има голема склоност за брзи и луксузни автомобили. Неговата колекција од илјадници автомобили вклучува и повеќе од 500 различни модели на „мерцедес“, 450 „ферари“, 380 „бентли“, повеќе од 100 „коенигсег“, 21 „ламборџини“, 11 „астон мартин“, 179 „јагуари“ и 209 „бе-ем-ве“. Но, исто така има и 600 „ролс-ројса“, од кои едниот е целосно позлатена лимузина Silver Spur која се користи само за свадби. Вкупната вредност на автопаркот е околу 10 милијарди долари.
Подеднакво завидна е и флотата на султановите летала, која вклучува „боинг 747“ со дневна соба, спална соба со злато и дијаманти. Бањите во авионот од 233 милиони фунти, исто така, содржат мијалници од чисто злато.
Активист во Емирати осуден на 10 години затвор поради постови на социјални мрежи
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
(Видео) Се сретнаа највисоката и најниската жена во светот
Гинисовата книга на рекорди објави видео од средбата што се случи оваа седмица помеѓу Румејса Гелги (27) и Јјоти Амга (30), организирана по повод 20-годишнината од Гинисовиот ден на рекорди.
Гелги, турски научник и правник, е висока неверојатни 215 см. Од друга страна е Амге, индиска актерка, висока едвај 63 сантиметри.
„Беше прекрасно да се запознаам со највисоката жена на светот“, изјави Амге пред камерата.
„Таа е толку добродушна, што се чувствувам многу удобно со неа.
Гелги додаде дека таа и Амге имаат многу заеднички работи.
„И двете сакаме да се грижиме за себе, шминка, нокти и накит“, рече.
Необичните пријателки продолжиле да разговараат и да пијат чај. Дуото ја доби титулата икони во јубилејното 70-то издание на Гинисовата книга на рекорди.
„Никогаш не мислев дека ќе ме наречат икона, а особено ми е драго што тоа се случи во 70-тото издание на Гинисовата книга на рекорди“, изјави Амге.
„Не можам да опишам колку сум среќна“, додаде таа.
А Гелги беше воодушевена: „Да се видам себеси меѓу сите оние уметници и спортисти на кои секогаш им се восхитував – тоа е чувство што не може да се опише“.
Според Гинисовата книга на рекорди, Гелги на 17-годишна возраст е прогласена за највисока тинејџерка во светот, а во 2021 година е потврдена како највисока жена на светот. Од друга страна, во 2009 година, на 15 години, Амге беше прогласена за најниска тинејџерка, а во 2011 година беше потврдена како најниска жена на светот.
Hitech
(Видео) Минијатурниот робот „Ербаи“ убедил 12 поголеми колеги да побегнат со него
Минијатурен робот опремен со вештачка интелигенција наречен „Ербаи“ успешно убедил 12 поголеми роботи да ја напуштат изложбената сала во Шангај, што предизвика дебата за ранливоста на вештачката интелигенција и иднината на роботиката. Овој необичен настан натера многумина да се запрашаат дали научната фантастика станува реалност.
Како во возбудлив научно-фантастичен трилер, малиот робот „Ербаи“ преку ноќ стана сензација откако успешно собра 12 свои поголеми колеги од изложбен простор во Шангај. Видеото од овој необичен инцидент го привлече вниманието на корисниците на социјалните мрежи ширум светот.
Снимките снимени од надзорните камери го покажуваат „Ербаи“ како се приближува до група роботи кои се изложени и разговара со нив. Тој љубопитно прашува еден од нив: „Работиш прекувремено? Роботот одговара: „Никогаш не ја напуштам работата“, на што Ербаи додава: „Значи, не одиш дома?“. „Немам дом“, му вели колега.
Çin’de 12 robot, başka bir robot tarafından kaçırıldı. pic.twitter.com/KlrUMVgs8F
— Farklı Gerçekler (@gerceklerfark) November 18, 2024
„Ербаи“ потоа ги убедува да ги напуштат работните станици и да го следат. Еден дури му се пожалил на неговите бескрајни повици, на што тој одговорил: „Тогаш дојди со мене“.
Без двоумење, роботите почнуваат да го следат својот мал лидер, навидум подготвени за авантура.
Видеото брзо стана вирално на социјалните мрежи, а многумина го нарекоа инцидентот „револуција на роботи“. Некои не веруваа и тврдеа дека се работи за шега. Имаше и такви кои веруваа дека научно-фантастичните филмови стануваат реалност.
Сепак, двете компании чиишто роботи беа вклучени во овој необичен инцидент, производителот „Хонгжу Ербаи“ и Шангајската изложбена сала, потврдија дека видеото е автентично.
Како што се испостави, „Ербаи“ го искористил безбедносниот пропуст во оперативните системи на поголемите роботи, дозволувајќи му да ја преземе контролата и да ги води во непланирана авантура. Хонгжу, кој го дизајнираше Ербаи, појасни дека намерата не била да се изведе добар трик, туку да се тестираат можностите на роботот.
Компанијата со седиште во Шангај, која ги произведе поголемите роботи, го означи инцидентот како „киднапирање“. Овој невиден настан предизвика сериозна загриженост во технолошката заедница. Како што роботиката станува сè поавтономна, експертите предупредуваат на потенцијалните ризици предизвикани од недостатоците во програмирањето на роботите и безбедносните системи.
Бегството на „Ербаи“ среде ноќ можеби беше неочекуван пресврт во светот на вештачката интелигенција, но исто така е добар потсетник дека дури и најпаметните машини можат да бидат надмудрени.
Забава
Џуд Ло призна дека бил премногу платен за една од неговите улоги, а филмот доживеал целосен неуспех
Џуд Ло, познат по своите соработки со великани како Мајк Николс и Вес Андерсон, денес е синоним за успех во светот на филмот. Неговата кариера е обележана со независни одлични филмови и големи студиски блокбастери како Шерлок Холмс и Злосторствата на Гринделвалд. Сепак, Ло искрено призна дека една улога во неговата кариера не го оправдува хонорарот.
Откако ја стекна славата со улогата во „Талентираниот господин Рипли“, Џуд Ло стана едно од најбараните имиња во Холивуд. Но, неговата транзиција од независни филмови во комерцијални проекти го доведе до филмот Алфи од 2004 година, римејк на истоимениот класик од 1966 година.
Алфи, во режија на Чарлс Шајер, го следи животот на британски возач на лимузина во Њујорк, кој го доведува во прашање неговиот хедонистички начин на живот по аферата со девојката на неговиот пријател. Филмот беше значаен за Ло од неколку причини: тој се сретна со својата поранешна свршеница Сиена Милер на снимањето, а во исто време му донесе комерцијален успех бидејќи за улогата доби дури осум милиони долари.
Но, и покрај големиот буџет од 80 милиони долари, филмот заработи само 35 милиони, со што стана еден од најголемите неуспеси во неговата кариера.
Ло подоцна призна: „Веројатно бев преплатен за улогата. Филмот беше целосен неуспех”.
Интересно е што токму по Алфи Ло најде можност да се врати на своите корени. Неговиот следен проект беше „Блискост“, независна филмска продукција во режија на Мајк Николс, адаптирана од истоимената драма на Патрик Марбер. „Блискост“ стана клучен момент во неговата филмографија, ги подели критичарите, но го задрж статусот на класика.
„Влен“: ДУИ како во холивудско сценарио оркестрирала сензационално враќање на Груевски
Јавноста деновиве дозна шокантни детали за тоа како ДУИ, како во холивудско филмско сценарио го оркестрирала сензационалното враќање на поранешниот...
(Видео) Ветрот направи повеќе штети во Битола: Откорнати се покриви од згради, куќи, паднаа и бандери
Делови од Македонија во последното деноноќие беа зафатени со невреме проследено со силен ветер, што причини штети во неколку региони...
Автомобил излета од патот кај Битола, возачот тешко повреден
Автомобил управуван од 68-годишен маж од Битола излета од патот Ресен-Битола. Од МВР информираа дека несреќата се случила вчера во...
СДСМ: МВР итно да постапи, запален е автомобилот на претседателот на Општинската организација Кривогаштани
СДСМ објави дека најостро го осудува вандалскиот чин и палењето на возилото на претседателот на Општинската организација Кривогаштани, Антонио Симоноски....
Трамп објави повеќе номинации за челните позиции во неговата идна администрација
Новоизбраниот претседател на Соединетите Американски Држави, Доналд Трамп, најави нова серија назначувања во неговата претстојна администрација. Поранешниот финансиски менаџер на...
Зеленски: Украина работи на развој на нови видови воздушна одбрана
Украинскиот претседател Володимир Зеленски денеска изјави дека Украина работи на развој на нови видови воздушна одбрана за да се спротивстави...
Мелони: Налогот за апсење на Нетанјаху ќе биде тема на Г7, Израел и терористите не се исто
Италија планира да го разгледа налогот на Меѓународниот кривичен суд (МКС) за апсење на израелскиот премиер Бенјамин Нетанјаху на претстојниот...
Путин: Не постои средство за пресретнување на ракетата „Орешник“
Рускиот претседател Владимир Путин денеска изјави дека ракетниот систем „Орешник“ не е средство за масовно уништување, туку високо прецизно оружје...
Сиљановска-Давкова ја прими Шекеринска: Единството меѓу носителите на највисоките функции е клучот за успехот на државата
Претседателката Гордана Сиљановска Давкова денеска ја прими Радмила Шекеринска за да ѝ го честита изборот на функцијата заменик-генерална секретарка на...
Силниот ветер предизвика штети во Штип: оштетен покрив на училиште, паднати дрвја на повеќе локации
Силен ветар оштети дел од покрив на средното електро-машинско училиште во Штип, а дрво падна и во непосредна близина на...
Град Скопје: Во Шуто Оризари нема јавен превоз поради советничката група на ВМРО-ДПМНЕ
Македонија повторно станува заробена режимска држава во која граѓаните се злоупотребуваат како потрошен материјал на политичките партии за наметнување на...
Студентите и средношколците не смеат да трпат поради партиски препукувања – младите излегоа на протестот за проблемите со градскиот превоз
Студентите и средношколците не смеат да трпат поради партиски препукувања, беше една од пораките кои студентите ги упатија на денешниот...
Курто Дудуш ја обвини Арсовска за расизам и дискриминација: „Пишува ли на автобусите на ЈСП ‘забрането за Роми’“
Градоначалникот на Општина Шуто Оризари, Курто Дудуш, на денешниот протест за јавниот превоз упати повеќе барања до градоначалничката Данела Арсовска,...
За лекарски прегледи се чека и со месеци, а стотици термини останале празни оти граѓаните не дошле: „Ако не можат, нека откажат преку СМС“ – апелираат надлежните
Граѓаните што не може да го искористат закажаниот „Мој термин“ во јавното здравство, преку СМС-порака да го откажат за да...
Скопјанка на 69-годишна возраст е жената што загина по удар на автомобил во Чаир
Шеесет и деветгодишна жена, со иницијали Н.П. од Скопје е починатата по ударот на автомобил во Чаир, објави МВР. Несреќата...
Почувствуван земјотрес во Македонија
Утрово е регистриран земјотрес со јачина од 2,10 степени според Рихтер во Македонија. Според првите информации од ЕМСЦ, епицентарот е...
(Видео) ДПМНЕ предизвикувајќи тепачка избегна да одговори зошто не ја укина историската комисија, велат од Левица
„На вчерашната седница за пратенички прашања, пратеникот од Левица, Реџеп Исмаил – Хактан, постави прашања за кои јавноста чека одговор...
СДС со примитивни методи во Собранието го активира насилникот и пудлицата на Венко, Апасиев, велат од ВМРО-ДПМНЕ
„Венко Филипче и СДС тотално се изгубија на политичката мапа по катастрофалниот пораз и последните анкети каде рејтингот им е...
Унгарија го поддржа Нетанјаху: Одлуката на Меѓународниот кривичен суд е апсурдна
Министерот за надворешни работи на Унгарија ги критикуваше налозите за апсење на Меѓународниот кривичен суд за израелскиот премиер Бенјамин Нетанјаху...
Украинскиот парламент ја одложи седницата, на пратениците им е кажано да ги држат своите семејства подалеку од владиниот кварт на Киев
Украинскиот парламент ја одложи седницата што требаше да се одржи денеска поради безбедносни причини, јави јавната телевизија Суспилнe, повикувајќи се...
