Забава
Дијамантски ѓердан поврзан со падот на Марија Антоанета оди на аукција

Дијамантски ѓердан за кој се верува дека е поврзан со скандалот што ја собори последната француска кралица Марија Антоанета, ќе се продава на аукција во Женева следната недела.
Дијамантскиот ѓердан од 300 карати е понуден на продажба од приватен азиски колекционер на 13 ноември, а неговата вредност е проценета на речиси два милиони швајцарски франци (2,1 милиони евра), објави аукциската куќа Сотби, но може да достигне и повисока цена.
Во 1780-тите, ѓерданот беше во центарот на аферата со дијамантски ѓердан, во која сиромашната благородничка, Жана де ла Моте, тврдеше дека кралицата на Франција го присвоила ѓерданот без да плати за тоа.
На судењето било утврдено дека кралицата не е виновна, но останала на лош глас поради нејзината екстраваганција, што придонело за избувнување на Француската револуција и нејзино погубување на гилотина.
„Веројатно или можно е некои од овие дијаманти да потекнуваат од познатиот дијамантски ѓердан што доведе до пропаст на Марија Антоанета“, изјави за Ројтерс во четвртокот Џесика Виндхам, шеф на продажбата на луксузен накит во аукциската куќа.
„Видовме дека благородниот накит може да предизвика огромна возбуда“, рече таа, наведувајќи го како пример приврзокот од бисер што ѝ припаѓаше на француската кралица, кој во 2018 година беше продаден многу пати повеќе од неговата првична проценка.
Дијамантите од оригиналниот ѓердан, направени во 1776 година, подоцна беа продадени одделно на црниот пазар и речиси е невозможно да се следат. Но, некои експерти веруваат дека квалитетот и староста на дијамантите укажуваат на тоа дека тие би можеле да одговараат на оригиналните.
„Мислам дека тоа е еден од највозбудливите примероци што ги поседуваме, не само поради потеклото туку и поради дизајнот“, рече Виндам.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
(Видео) Џенифер Лопез вешто избегна да одговори на прашањето за разводот од Бен Афлек

Џенифер Лопез се најде во малку незгодна ситуација за време на гостувањето во шоуто „Тудеј“, но вешто избегна директен одговор на прашањето за нејзиниот неодамнешен развод од Бен Афлек. Пејачката и актерка го промовираше својот нов мјузикл „Бакнеж на жената-пајак“, но водителот Крег Мелвин ја искористи можноста да го спомене нејзиниот личен живот.
„Во средината на снимањето на овој комплексен, прекрасен мјузикл, и вашиот развод од Бен е финализиран“, почна Мелвин, но Лопез веднаш го прекина со гласен смеа и коментар: „Ете го! Погледнете го!“
Водителот објасни зошто го споменал Афлек, велејќи: „Но, потоа прочитав дека твојот бивш е извршен продуцент на филмот“. Лопез само го игнорираше тоа, но сепак му ја припиша заслугата на својот поранешен сопруг, од кого се раздели во 2024 година. „Да не беше Бен, филмот немаше да биде снимен. И секогаш ќе му ја припишувам заслугата за тоа“, рече таа.
Во врска со самиот развод, таа кратко коментираше дека „работите се случуваат“ и додаде: „Мора да продолжите понатаму“. Да потсетиме дека двојката првпат се сврши во 2002 година, но се разделија една година подоцна. Ја обновија својата романса 20 години подоцна и се венчаа во 2022 година. Сепак, љубовта не траеше долго, а Лопез поднесе барање за развод минатата година, кое беше финализирано во февруари оваа година.
фото: принтскрин
Забава
Вилијам и Кејт открија строго правило што го имаат за своите деца

Принцот Вилијам и Кејт Мидлтон дадоа редок увид во нивниот семеен живот со три деца во искрено интервју објавено минатата недела. Принцот од Велс разговараше со актерот Јуџин Леви за неговата емисија „The Reluctant Traveler“ и се осврна на различни теми, од разводот на неговите родители до навиките за вечера во семејството, според „ХафПост“.
Строго правило за вечера
Еден од најинтересните детали што ги откри Вилијам беше правилото за употреба на мобилни телефони, или поточно, нивната забрана, особено за време на семејните оброци. „Седнуваме и разговараме, тоа е навистина важно“, му рече Вилијам на Леви за важноста на заедничката вечера. „Ниедно од нашите деца нема телефони, за што сме многу строги“.
Вилијам и Кејт имаат три деца: 12-годишниот Џорџ, 10-годишната Шарлот и 7-годишниот Луис.
Детство без екран
Леви беше особено заинтересиран за ова правило, па го праша принцот со што си играат децата кога немаат телефони. „Значи, ако вашите деца немаат телефони за играње, со што си играат?“, праша актерот. „Што сакаат да прават?“
Вилијам со насмевка сподели детали од нивната дневна рутина. „Луис ја обожава трамболината, па затоа е опседнат со неа, а всушност и Шарлот многу скока“, откри тој. „Од она што можам да го видам, тие само скокаат горе-долу на трамболината, удирајќи се еден со друг, поголемиот дел од времето.“ Идниот крал се пошегува: „Очигледно, има уметност во тоа.“
Тој додаде дека Шарлот исто така игра нетбол и балет, додека Џорџ ги сака фудбалот и хокејот. „Да ги држиме зафатени со спорт и да бидат на отворено е навистина важно“, нагласи тој, додавајќи дека децата се обидуваат да научат и да свират музички инструменти. „Не сум сигурен колку сме успешни во тоа“, додаде тој.
Принцезата од Велс го откри својот најголем модел во 2020 година, за време на појавувањето во подкастот „Среќна мајка, среќно бебе“. „Имав неверојатна баба која поминуваше толку многу време со нас – си играше со нас, правеше уметност и ракотворби, готвеше со нас“, рече Кејт во тоа време.
Таа заврши со зборови што ги користи и денес: „Се обидувам да ги вклучам многу од искуствата што ни ги даде тогаш во искуствата што им ги давам на моите деца сега“.
фото: принтскрин
Забава
(Фото) Девојката на Бекам „ги покажа забите“: ја критикуваат затоа што е постара од Круз

Викторија Бекам неодамна ја претстави својата нова колекција на Неделата на модата во Париз, а на овој важен настан беше поддржана од сите членови на семејството и, секако, привлече големо внимание со својот изглед.
На настанот се појавија Дејвид Бекам, ќерката Харпер, синовите Круз и Ромео, а Круз (20) беше придружуван од неговата девојка, кантавторката Џеки Апостел (29), со која е во врска повеќе од една година.
Таа се појави и на семејната фотографија, што предизвика контроверзии меѓу корисниците на социјалните мрежи, кои „му замерија“ на Круз затоа што е со постара девојка и ја нарекоа нивната врска „чудна“.
„Зошто 29-годишна излегува со 20-годишник?“, претежно негодуваа корисниците, но сигурно никој не очекуваше Џеки да проговори и да одговори токму на ова прашање што ги „мачеше“.
„Затоа што е љубезен, забавен, шармантен, грижлив, амбициозен, зрел, талентиран, лојален и прилично убав“, напиша таа отворено на Инстаграм, покажувајќи што навистина чувствува за него.
И ова не е прв пат девојката на Круз да присуствува на семеен настан, што укажува дека славното семејство одамна ја прифатило, а дека и таа добро се покажала како „снаа“.
фото: принтскрин