Забава
За малку застрелана британската кралица
Британската кралица Елизабета Втора за малку ќе била застрелана од нејзиниот личен телохранител, додека талкала по Бакингемската палата ноќе страдајќи од несоница, пишува лондонски The Times.
За овој инцидент раскажал поранешниот телохранител. Еднаш, доцна ноќта околу 3 часот, тој бил ангажиран за обезбедување на внатрешноста на Бакингемската палата, кога во темнината забележа фигура. Повикал „Кој е тоа?“, а на негово големо изненадување се покажало дека силуетата е кралицата Елизабета Втора.
„По ѓаволите, Ваше Височество, јас за малку не ве застрелав“, го цитира весникот телохранителот. Појаснува дека 90-годишната кралица понекогаш има проблеми со несоница и прави ноќни прошетки низ дворецот.
Додава дека тонот со кој се обратил не соодветствувал за обраќање кон монарх, но оти кралицата ја преземала врз себе одговорноста затоа што го ставила во таква непријатна ситуација.
„Сé е во ред. Следниот пат однапред ќе во се јавам, и не ќе мора да пукате во мене“, одговорила британската кралица, пишува Times кој ги објавува сеќавањата на поранешниот припадник на Кралската гарда.
Не е наведено кога всушност се случил инцидентот. Според пишувањето на весникот, кралицата била облечена во наметка и имала намера малку да прошета.
Весникот потсетува и дека во 2013 година и принцот Ендрју, исто така, додека вечер се шетал низ големите градини на Бакингемската палата, од страна гардисти бил сметан за натрапник. Тогаш беше објавено дека внатрешното обезбедување не било вооружено, но испрати извинување до принцот, потсетувајќи дека палатата била цел на повеќе безбедносни нарушувања изминатите години
Инциденти поврзани со обиди за уфрлување на територијата на Бакингемската палата има неколкупати годишно. Во август 2016 година, полицијата го уапси со нож вооружениот 22-годишен студент од Кина, Хан Џан, во обидот да влезе во дворецот. При апсењето тој тврдел дека имал намера да ја убие кралицата.
Во јуни, неколку дена пред официјалното одбележување на роденденот на Елизабета Втора, наспроти Бакингемската палата е уапсен фанатик вооружен со три ножа кој во медиумите беше идентификуван како Џон Болтон. Во мај 41-годишниот Денис Хенеси, претходно осуден за убиство, упаднал на територијата на палатата и десет минути шетал низ неа пред да им пријде на гардистите за да праша „Дали кралицата е дома?“. Бакингемската палата тогаш потврди дека кралицата, принцот Филип и принцот Ендрју биле во тоа време во палатата.
Елизабета Втора стапува на британскиот трон во 1952 година на 25-годишна возраст. Во септември 2016 година таа ја надмина кралицата Викторија според времето минато на престолот, кој дотогаш изнесуваше 23.226 дена, 16 часови и 23 минути, станувајќи најдолговечниот монарх во историјата на Велика Британија. На 21-ви април 2017 година британската кралица ќе наполни 91 година./крај/мф/сн
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
С.О.С. фестивалот се враќа на домашната сцена
С.О.С. фестивалот се враќа на домашната сцена и ги носи Забрањено пушење, кои годинава одбележуваат јубилејни 40 години од првиот студиски материјал „Das ist Walter“, најдоброто од Игор Џамбазов придружуван од Гуру Харе со неговиот бенд и екс-ју ретроспективата на Rootboy Selector.
Јубилеј слави и домаќинот „Фреш унион“ – полни 20 години од првиот настан и стартот на реализацијата на идејата за развој на урбаната музичката култура. 20 години за портфолио во коe се запишани соработки со светски познати имиња, но и еминентни имиња од Балканот и, секако, дел од домашната музичка елита.
Овогодинешното издание на С.О.С. фестивалот е закажано на 15 јуни, со почеток во 20:00 часот, на Ракометно игралиште во Битола, и тоа ќе биде своевидно музичко патување низ времето и уживање во хитовите на Забрањено пушење – „Зеница блуз“, „Хаџија или бос“, „Гузоњин син“, „Памтим то као да је било данас“, „Можеш имат моје тијело“… ќе имате можност да го чуете и „Најдоброто од Игор Џамбазов“ придружуван од неговиот Гуру Харе со својот бенд. Планирана е изведба на неговите најголеми хитови: „Диши длабоко“, „Да си жив и здрав“, „Каква е оваа ситуација“, „Скопјанец в Битола“, „Скопје – Сарај – Матка“, „Племето и семето“, „Фотографија“, „Време за плачење“, „Хотел Македонија“, „Во бестрага“, на материјалот од новиот албум „Првите триесет“, како и анегдоти од над 30-годишната кариера.
Забава
Хороскопски знаци кои го пикаат носот секаде: ги интересира се и повеќе отколку што треба
Хороскопските знаци кои го пикаат носот насекаде се оние кои се обидуваат да дознаат за работи кои апсолутно не ги засегаат.
Хороскопските озборувачи се и хороскопските знаци кои сакаат да знаат сè и ништо не им бега. Тие се многу љубопитни и имаат тенденција да го пикаат носот дури и во ситуации кои не се нивна работа, или поради озборувања или затоа што само сакаат да ги имаат сите информации и да бидат разузнавачка служба која може да има контрола над сите.
Хороскопски знаци кои го пикаат носот насекаде
Близнаци
Ова е знакот што прво на сите им паѓа на ум. Тие се луди по озборувања и сакаат да знаат сè. Ништо не им бега и лесно ќе научат сè за никого. Дури и тој да разговара со вас, а некои други да зборуваат малку подалеку, тие сигурно со едно уво слушаат што се случува. Близнаците извршуваат повеќе задачи и можат многу работи одеднаш.
Шкорпија
Вторите на листата дефинитивно се Шкорпиите и тоа не е случајно. Тие делумно гледаат на озборувањата како на антишпионска алатка. Колку повеќе знаат, толку е полесно да се заштитат. Тие ве имаат во свои раце и можат да го искористат она што го знаат за вас во секое време против вас. Таа го слуша секој разговор, набљудува и надгледува сè и тешко ќе го скриете она што таа сака да го знае.
Бик
Ова е можеби изненадувачки бидејќи никој не очекува Бикот на оваа листа. Можеби изгледаат сериозно и одмерено, но треба да знаете дека се што ги интересира се тајните озборувања. Претставниците на овој знак сакаат да се мешаат во се, полни се со сомнеж и не веруваат никому. Во сè се многу слични на Шкорпијата. Иако овие знаци се хороскопски спротивни, тие имаат некои заеднички елементи како одмаздата која се сервира ладна.
Hitech
(Видео) 7 милиони прегледи: Мајкрософт објави снимка со вештачка интелигенција на Мона Лиза како рапува
Мајкрософт ја претстави новата технологија за вештачка интелигенција наречена VASA-1, која може да комбинира фотографија и аудио клип и да генерира реални видеа.
Тие ја претставија новата технологија со видео на кое Мона Лиза рапува на песната Папараци, но ова не е хит на Лејди Гага, туку рап песна што Ен Хатавеј ја напиша и изведе во ток-шоуто на Конан О’Брајан во 2011 година.
Microsoft just dropped VASA-1.
This AI can make single image sing and talk from audio reference expressively. Similar to EMO from Alibaba
10 wild examples:
1. Mona Lisa rapping Paparazzi pic.twitter.com/LSGF3mMVnD
— Min Choi (@minchoi) April 18, 2024
Видеото набрзо стана вирално и беше прегледано повеќе од 7,1 милиони пати на само еден профил на „Икс“.
„Ова е толку смешно, плачев од смеење“, „Уште едно страшно видео со вештачка интелигенција“, „Ова е морничаво“, „Кога би можел Да Винчи да го види ова“, се дел од коментарите.