Забава
Камерон Дијаз за паузата од актерството: Најдобрите десет години од мојот живот

Филмската ѕвезда на Холивуд, Камерон Дијаз, која се враќа на големото платно овој месец во новиот шпионски трилер со колешката Џејми Фокс наречен Back in Action, изјави дека десетте години што ги поминала во привремено актерско пензионирање досега биле најдобрите десет години во нејзиниот живот.
Не е познато дали ова е нејзино трајно враќање на актерството, но, како што рече во емисијата на Би-Би-Си, ова можеби е само почеток.
На прашањето дали и се допаѓа анонимноста и тоа што се вратила чекор назад, таа одговорила: „О, Боже, да, ми се допадна“, додавајќи дека тоа и овозможило слободно да ја исполни својата улога на мајка и сопруга, но таа е „навистина среќна и благодарна“ што повторно глуми.
Нејзината последна улога, онаа на Ханиган во римејкот на филмот Ени, беше во 2014 година. Но, Дијаз (52) официјално го потврди своето повлекување од актерството во 2018 година.
Зборувајќи за нејзината пауза од снимањето филмови, Дијаз рече дека тоа биле „најдобрите 10 години од нејзиниот живот“. Иако целото ова време ги одбиваше улогите, таа рече дека и денес чувствува дека е привилегија да глуми.
„Би била навистина глупава да го пуштам ова сега, сета добра волја што расте во мене толку долго, страста за правење филмови што ќе ги забавуваат и насмеат луѓето, ако не се вратам во тоа, ако не ја искористам оваа прилика. Благодарна сум“, објасни таа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Зак Вајлд за Ози Озборн: Тој беше повеќе од музика — ми беше како постар брат и извор на мудрост

Долгогодишниот пријател на Ози Озборн, гитаристот Зак Вајлд, зборуваше за соработката и пријателството со рок иконата, како и последната порака што ја добил од него.
Легендарниот фронтмен на групата „Блек Сабат“ почина минатата недела во својот дом во Бакингемшир, само неколку недели по последниот концерт на кој се збогуваше со своите фанови.
Вајлд првпат се приклучи на бендот на Ози во 1987 година и беше клучна фигура во текот на целата кариера на покојниот пејач, со повремени заминувања и враќања во групата во деведесеттите и раните 2000-ти, за на крајот официјално да му се придружи повторно во 2017 година на турнејата „No More Tours II“ — последната концертна турнеја на Ози.
Вајлд за списанието Guitarist кажа: „Беше навистина неверојатно. Последен пат го видов на сцената кога заврши со Сабат.“
Спомнувајќи го последниот разговор, Вајлд додаде: „Сите беа во бекстејџот, а јас само сакав да му дадам малку мир. Мислев дека ќе се видиме подоцна — следниот ден или така нешто. Но, не.“
„Последната порака што ја добив од Ози беше: ‘Зак, извини, таму назад беше како лудница. Не те видов.’ Потоа рече: ‘Ти благодарам за сè,’“ изјави Вајлд.
Вајлд ја опиша нивната повеќедецениска дружба како нешто повеќе од музичко партнерство.
„Ози едноставно беше најдобар,“ рече тој. „Имам татко, кој беше ветеран од Втората светска војна, и потоа Ози, кој ми беше речиси како постар брат. Имаше скоро 20 години разлика меѓу нас. Во нашата врска имаше многу смеење, пијачки — но ако ми требаше совет, можев да разговарам со него.“
И покрај нивната шеговита динамика, Вајлд рече дека музиката со Ози доаѓала природно.
„Со Ози сè беше природно. Ретко кога работите би станале сложени, па да ти треба упатство да сфатиш дел од песната. Ако е така, веројатно нема да функционира.“
Тој се присети и на хемијата која ја почувствувале кога првпат се сретнале, и колку Ози бил достапен и пријателски настроен.
„Ози беше најопуштен, најтопол човек. Многу лесно се согласував со него.“
Во текот на годините, Вајлд рече дека Ози не бил само ментор, туку и извор на мудрост секогаш кога животот станувал хаотичен.
Забава
(Видео) Џејсон Момоа ја избричи брадата по 6 години: Драстична трансформација во име на екологијата

Актерот Џејсон Момоа со години се смета за еден од најпосакуваните заводници во Холивуд. Овој висок актер е препознатлив по долгата коса и брада, но и по неговото екстремно мускулесто тело.
Сепак, сега реши да направи драстична трансформација, буквално менувајќи го личниот опис. Тој покажа како по 6 години ја избричи брадатa.
View this post on Instagram
„Шест години не сум се избричил, и еве нè повторнo“, напиша Момоа со објава во која се појавува со брич во раката.
Тој ја поврза промената во изгледот со еколошка кампања. Тој го лансираше брендот Mananalu со цел борба против штетната пластика за еднократна употреба, а сега оди чекор понатаму: во партнерство со проектот Boomerang Water, тој воведува состав со затворен циклус кој овозможува прочистување и полнење на вода на лице место, во алуминиумски шишиња за повеќекратна употреба.
Забава
(Видео) Линдзи Лохан откри зошто го замени Холивуд со мирен живот во Дубаи

Изгледа дека животот на Линдзи Лохан во Дубаи е исполнет со мир и нормалност, далеку од сјајот и љубопитните очи на Холивуд. Актерката, позната по улогите во филмовите Mean Girls и The Parent Trap, веќе повеќе од една деценија живее во Обединетите Арапски Емирати со сопругот Бадер Шамас и нивниот двегодишен син Луај.
Во неодамнешно гостување во емисијата Live With Kelly and Mark, Лохан го објасни главниот мотив за преселбата.
„Едноставно е далеку од Холивуд и живеам многу нормален живот“, изјави таа. „Нема грижа од типот: ‘Не можам да одам да јадам на ова место затоа што некој ќе го фотографира мојот син.’ Се чувствувам многу безбедно.“
Триесет и деветгодишната актерка појасни дека строгите закони во Дубаи ѝ овозможуваат мирен живот, бидејќи не мора да се грижи дека таа или нејзиното семејство ќе бидат нелегално фотографирани.
„Тоа не е легално“, додаде Лохан. „Не можете да фотографирате некого ако сте во ресторан. Мора да прашате за дозвола – што е огромна разлика. За неа, како што вели, приватноста е клучна.