Забава
Кевин Спејси бил вчудовиден од наводите за сексуална злоупотреба
На оскаровецот Кевин Спејси му се суди во граѓанска парница поради наводите дека сексуално нападнал момче пред 36 години.
Во текот на неговото сведочење во понеделникот тој рече дека се шокирал кога Ентони Рап излегол во јавност со обвинување за сексуален напад врз него во 1986 година кога имал 14 години.
Рап, кој сега има 50 години, претходно овој месец сведочеше дека пијаниот Спејси (тогаш на возраст од 27 години) се качил врз него на забава во неговиот стан на Менхетн. Рап, кој во тоа време бил на почетокот на кариерата на Бродвеј, тврди дека успеал да избега од собата, но дека тоа искуство му оставило трајни лузни.
А во понеделникот Спејси изјави дека тврдењето не е точно и дека никогаш не бил сам со Рап. Во своето сведочење нагласи дека Рап бил во неговиот стан само еднаш, во 1986 година, со актерот Џон Бароуман.
„Јас бев шокиран кога Рап излезе во јавност со неговите наводи во напис во ‘Базфид’ во 2017 година.
„Како е можно ова да биде вистина“, сведочеше Спејси додавајќи дека никогаш не бил сексуално заинтересиран за Рап или кој било малолетен.
Рап, кој глумел во бродвејскиот мјузикл Rent, поведе тужба против Спејси во ноември 2020 година барајќи отштета од 40 милиони долари за намерно нанесување емоционална болка.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Марко Новески објави прва фотка со близначињата: „Мојата дупла среќичка“
Водителот Марко Новески на својот Инстаграм профил објави прва фотографија со новородените близначиња Веда и Вања.
Новески, на 23 април 2024 откри дека заедно со сопругата станале родители и тогаш на неа и се заблагодари на сопругата што му го остварила најголемиот сон.
View this post on Instagram
10-тина дена по раѓањето, Марко објави фотографија, а во прегратка му се двете дечиња.
„Мојата дупла среќичка“, напиша тој,
Забава
Ева Мендес за семејството и животот во 50-тите: Вака не го замислував мојот пат
Иaкo никогаш не го замислувала својот живот на 50 години, Ева Мендес живее во свој ритам – и не може да биде посреќна. „Не подлегнувам на притисокот на општеството. Што сакам да правам, правам“, вели актерката, која ги има ќерките Есмералда Амада (9) и Амада Ли (8) со Рајан Гослинг.
“Сигурно не мислев дека ќе имам деца и ќе бидам дома. Затоа, многу сум среќна што одреден маж влезе во мојот живот и ме натера да се предомислам за сите тие работи”, рекла таа. Пред 10 години таа ја напушти актерската кариера за да се фокусира на своите деца.
Таа вели дека тоа била „најлесната одлука“ што ја донела. „Кога забременив на 40-годишна возраст, беше страшно за другите. И кога повторно забременив на 42-годишна возраст, луѓето ми велеа: „О Боже мој, ќе бидеш толку уморна“, откри таа.
„Тоа е најглупавата работа што сум ја слушнала. Патем, потребно е само малку повеќе трпение. Мислам дека не бев подготвена за тоа во моите 20-ти, пиев и пушев. Дефинитивно не можев да подигнам деца во кое било друго време од мојот живот освен сега“, додава таа.
Една од најубавите жени на светот истакна дека е „среќна што се отишло во тој правец“.
Инаку, Мендес нема снимено ништо откако стана мајка. Нејзината последна улога беше во 2014 година. Покрај нејзината актерска кариера, таа е портпарол на голема козметичка компанија, модел и креативен директор на брендот за шминка „CIRCA Beauty“.
Забава
Емили Ратајковски го привлече вниманието со фустан кој повеќе открива отколку што крие
Емили Ратајковски присуствуваше на настанот The King’s Trust Global Gala што се одржа во Casa Cipriani во Њујорк, каде што ги привлече погледите со храбар фустан.
Познатата убавица носеше свилен крем фустан со длабоко деколте, кој допираше речиси до нејзиниот папок, а кој ја истакна нејзината витка линија. Фустанот имал и гол грб и бил врзан околу вратот.
The King’s Trust Global Gala е основана од британскиот крал Чарлс III. со цел да им се помогне на младите, а свечениот настан собра многу познати фаци, како моделот Ирина Шајк, актерката Кејт Бекинсејл, славната двојка Криси Тајген и Џон Леџенд, поранешната манекенка Кејт Мос и плус сајз моделот Ешли Греам.